யக்ஞம் என்றால் என்ன?

யக்ஞம் என்பதை ஆங்கிலத்தில் sacrifice என்று சொல்கிறோம். ஒரு வேள்வியைக் கூட்டி அக்கினி தேவனை வேண்டி நாம் ஆகுதிகளாக பலவற்றை சமர்ப்பிக்கிறோம். இதனால் மகிழ்ந்து போகும் தேவர்கள் நமக்கு வேண்டிய சுபிட்சத்தை தருகிறார்கள். மழையைத் தருகிறார்கள். பொய்க்காது மாரி பெய்கிறது. நமக்கு காற்று கிடைக்கிறது. ஒவ்வொன்றும் ஒவ்வொன்றும் நாம் வாழ்வதற்கு வசதிகளை தேவர்கள் செய்து தருவார்கள். தேவர்களை நாம் திருப்திப்படுத்துகிறோம் இந்த யக்ஞத்தில்.எதை நாம் எடுத்துக் கொண்டாலும் ஏதோ ஒன்றை நாம் திருப்பித் தர வேண்டும். கல்வியை பெற்றுக் கொண்டோமானால் அதை மற்றவர்களுக்கு வழங்க வேண்டும். உணவை பூமியிலிருந்து பெற்றுக்கொள்கிறோம். பிறகு நாம் அதை வழங்க வேண்டும். எதை எடுத்தாலும் எதை எடுத்துக் கொண்டாலும் நாம் அதைத் திருப்பிக் கொடுத்துக் கொண்டே இருக்க வேண்டும். இந்த திருப்பிக் கொடுக்கிறோம் அல்லவா... அதுதான் யக்ஞம்.

அதுதான் தியாகம்

ஜெய் யோகி ராம்சுரத்குமார்

-- -அன்னை மா தேவகி