40 வருடங்களாக வாடகை வீட்டில் வசிக்கும் ஷகீலா

கவர்ச்சி நடிகையாக வலம் வந்தவர் ஷகீலா. மலையாளத்தில் இவர் நடிப்பில் ஏகப்பட்ட படங்கள் வெளியாகி பெரும் வரவேற்பை பெற்றது. மலையாளத்தில் இவருக்கு ஏகப்பட்ட ரசிகர்கள் கூட்டம் இருந்தது. ஷகீலா தற்போது அளித்துள்ள பேட்டி இணையத்தில் வைரலாகி வருகிறது.

மலையாள திரையுலகில் ஷகீலாவின் படங்கள் வெளியான சமயத்தில் பல உச்ச நடிகர்களின் படங்களின் ரிலீஸ் ஒத்தி வைக்கப்பட்ட சம்பவங்களும் நடந்தது. இவர் தமிழ், மலையாளம் மற்றும் தெலுங்கு மொழிகளில் கவர்ச்சி மற்றும் குணச்சித்திர கதாபாத்திரங்களிலும் நடித்துள்ளார்.ஷகீலா தற்போது காமெடி மற்றும் குணச்சித்திர கதாபாத்திரங்களில் நடித்து வருகிறார். சில ரியாலிட்டி ஷோக்களிலும் கலந்து கொண்டு வருகிறார். யூடியூப்பில் சில பேட்டிகளையும் தொகுத்து வழங்கி வருகிறார். ஷகீலா யூடியூப் சேனல் ஒன்றுக்கு அளித்துள்ள பேட்டி இணையத்தில் வைரலாகி வருகிறது. அதில் தனது சினிமா வாழ்க்கை குறித்து பேசியுள்ள அவர், எனக்கு சொந்தமாக வீடு, கார் என எதுவும் கிடையாது. 40 வருடங்களாக நான் வாடகை வீட்டில் தான் வசித்து வருகிறேன். ஒருக்காலத்தில் சினிமாவில் ஒரு நாளைக்கு ரூ. 4 லட்சம் வரை சம்பாதித்தேன். என்னுடைய பணத்தையெல்லாம் என் தங்கை எடுத்து சென்றுவிட்டார்.

வீட்டில் பணத்தை வைத்திருந்தால் வருமான வரி சோதனையில் சிக்கி விடுவேன் என சொல்லி பணத்தை பத்திரமாக வைத்துக்கொள்கிறேன் என வாங்கி விட்டு போனார். திரும்பி வரவே இல்லை. கடைசியில் என்னை ஏமாற்றிவிட்டார். 

மறுபடியும் பூஜ்ஜியத்தில் இருந்து என் வாழ்க்கையை துவங்கினேன். இப்போது பத்தாம் வகுப்பு தேர்வு எழுத தயாராகி வருகிறேன் என்று கூறியுள்ளார். ஷகீலாவின் இந்த பேட்டி இணையவாசிகள் மத்தியில் கவனம் ஈர்த்து வருகிறது.