இறுதி வரை போராடியா வில்லியம்சன்- ஐதராபாத் அணியை வீழ்த்தியது டெல்லி

டாஸ் வென்ற டெல்லி பேட்டிங் தேர்வு செய்தது.  டெல்லி அணி 20 ஓவரில் 4 விக்கெட்டுக்கு 159 ரன்கள் குவித்தது.  இதையடுத்து, 160 ரன்கள் எடுத்தால் வெற்றி என்ற இலக்குடன் ஐதராபாத் அணி களமிறங்கியது. 

டேவிட் வார்னர், பேர்ஸ்டோவ் ஆகியோர் தொடக்க ஆட்டக்காரர்களாக இறங்கினர். வார்னர் 7 ரன், பேர்ஸ்டோவ் 38 ரன், விராட் சிங் 4 ரன், கேதார் ஜாதவ் 9 ரன், அபிஷேக் வர்மா 5 ரன், ரஷீத் கான் ரன் எதுவும் எடுக்காமல் அவுட்டாகினர். ஒருபுறம் விக்கெட்டுகள் வீழ்ந்தாலும் கேன் வில்லியம்சன் நிலைத்து நின்று அரை சதமடித்தார். அவருடன் விஜய் சங்கர் இணைந்தார். கடைசி 2 ஓவரில் வெற்றி பெற 28 ரன்கள் தேவைப்பட்டது. 19வது ஓவரில் விஜய சங்கர் அவுட்டாக, 16 ரன்கள் கிடைத்தது. 

இறுதியில், ஐதராபாத் அணி 7 விக்கெட் இழப்புக்கு 159 ரன்கள் எடுத்ததால் போட்டி சமனானது. இதைத் தொடர்ந்து ஆட்டம் சூப்பர் ஓவருக்கு சென்றது.ஐதராபாத் அணி முதலில் ஆடியது. வார்னரும், கேன் வில்லியம்சனும் இறங்கினர். அக்சர் படேல் பந்து வீசினார். ஒரு ஓவரில் அந்த அணி 7 ரன்கள் மட்டுமே எடுக்க முடிந்தது.அடுத்து ஆடிய டெல்லி அணி 6 பந்தில் வெற்றிக்கு தேவையான ரன்களை எடுத்தது. இது டெல்லி அணி பெற்ற 4வது வெற்றி. ஐதராபாத் அணி பெற்ற 4வது தோல்வி இதுவாகும்.