" கவியரசரின் " பதிவு

சமீபத்தில் நண்பர்கள் சந்திப்பில் அருமை நண்பர் கேள்வி கேட்க

நான் அளித்த பதில் உங்கள் முன் இதோ...

வீரம் என்றால் என்ன என்று நண்பன் ஒருநாள் கேட்டான்..கட்டபொம்மன் கர்ஜிப்பதை டிஜிடலில் பார் என்று பணிந்தேன்.

தேச பக்திக்கு விளக்கம் தர இயலுமா என்றான். கப்பலோட்டிய தமிழனை திரையில் நீ பார்த்தில்லையா, என்றேன்.

தமிழின் மேல் பக்தி பற்றி அவன் கேட்டான். நடிகர் திலகம் அழகு தமிழில் பேச கேட்டதில்லையோ, என்று உரைத்தேன்.

அடுத்த கேள்வி கடவுள் பக்தி பற்றி என்றான். திருவிளையாடல், திருமால் பெருமை, திருவருட்செல்வர் படம்

பலமுறை பார்த்த பின் கேட்கலாமோ என்றேன்.

அடுத்த கேள்வி கேட்க தயாராக நின்றான். நானும் புன்சிரிப்புடன் அவனை பார்த்தேன்.

பாசத்தின் அர்த்தம் சொல் என்றான்.

பாசமலரை பார்த்தபின் சந்தேகமா? என்றேன்.

விஸ்வாசம் பற்றி விளக்கம் வினவினான். படிக்காத மேதையையும்

கர்ணனையும் நெஞ்சில் நிறுத்தி பார் என்றேன்.

காதல் என்பது எப்படி இருக்கும் என்றான். "பால் இருந்தும் பழம்

இருந்தும் உனக்கு பசியில்லையா" என்று பதில் கேள்வி கேட்டேன்.

வசந்த மாளிகை தான் காதலுக்கு மரியாதை தந்தது என ஏன் நீ உணரலை என்றேன்.

நம் வாழ்வில் நடக்கும் போராட்டங்களை

மறக்க வேண்டுமானால் கேள்வியை முடிக்குமுன் முந்திக்கொண்டேன்.

சபாஷ் மீனா, சு.சுந்தரி, கலாட்டா கல்யாணம் படங்கள் பார் போதும்.

நவரசம் என்பது யாது என்றான் அவன்.

நவராத்திரி படத்தில் நம் திலகம் காட்டிய

ரசத்தை மறந்தாயோ?

கம்பீரத்துக்கு உதாரணம் கேட்டான்.

கௌரவம் ரஜனிகாந்தை விட

வேறு உதாரணம் தேவையா என்றேன்.

அனுபவம் என்பது யாதென கேட்டான்.

நடிகர் திலகத்தின் நாடக-திரைஉலக

நடிப்பை ரசிப்பதே இனிய அனுபவம்

அல்லவா என்றேன்.

தொழில் பக்திக்கு உதாரணம் கேட்டான்

செய்யும் தொழிலே தெய்வம் என்று இறுதிவரை இருந்தவர் நம் திலகம் என்றேன்.

உத்தமன் என்பது யார் என்று அவன் கேட்டான். 'உண்மையை சொல்லி

நன்மையை செய்த' நம் திலகமே என்றேன்.

உறுதியாய் இருப்பது என்பது யாது என்றான். இறுதிவரை கர்ம வீரர்

பின் நின்று கட்சிக்காக அயராது பாடுபட்டது நம் திலகம் தான் என்றேன்.

இறுதியாக நண்பன் என்னிடம் வினவினான் பரோபகாரம் என்றால்...

இடது கை கொடுப்பதை வலது கை அறியாமல் விளம்பரம் இல்லாமல்

கேட்டவர்க்கும், அவரிடம்

கேட்காதவர்களுக்கும் அள்ளி கொடுத்த நடிகர் திலகமே அந்த சொல்லுக்கு பொருத்தமானவர் என்று பதிலுரைத்தேன்.

"சபாஷ். கேள்வி பிறந்தது என்னிடமிருந்து. நல்ல பதில் கிடைத்தது உன்னிடமிருந்து" என்று

கூறி விடை பெற்றான்.

நண்பனின் கேள்விக்கு உண்மையான பதில் அளித்த பெருமையுடன்

வீடு திரும்பினேன்.

நடிகர் திலகம் புகழ் ஓங்குக. ஜெய் ஹிந்த்.