கோட் படத்தின் இசை வெளியீட்டு விழா பற்றிய தகவல்

விஜய் நடித்து வரும் GOAT திரைப்படத்தின் மீது மிகப்பெரிய அளவில் எதிர்பார்ப்பு எழுந்துள்ளது. இந்த படத்தில் அவரோடு பிரசாந்த்,பிரபுதேவா, மீனாட்சி சௌத்ரி, ஜெயராம் மற்றும் மோகன் ஆகியோர் நடிக்க வெங்கட் பிரபு இயக்கி வருகிறார். யுவன் ஷங்கர் ராஜா இசையமைக்க, சித்தார்த்தா நுனி ஒளிப்பதிவு செய்து வருகிறார். படத்தை ஏஜிஎஸ் நிறுவனம் தயாரித்து வருகிறது.

படத்தின் போஸ்ட் புரொடக்‌ஷன் பணிகள் தற்போது நடந்துவரும் நிலையில் இசை வெளியீட்டு விழா குறித்த தகவல் தற்போது வெளியாகியுள்ளது. ஆகஸ்ட் இறுதியில் படத்தின் இசை வெளியீட்டு விழாவை சென்னையில் பிரம்மாண்டமாக நடத்த படக்குழு திட்டமிட்டுள்ளதாக சொல்லப்படுகிறது. ஏற்கனவே ரிலீஸான இரண்டு சிங்கிள் பாடல்களும் கலவையான விமர்சனங்களைப் பெற்றன என்பது குறிப்பிடத்தக்கது.