ஆணுறை குறித்த விழிப்புணர்வு இல்லை - நடிகை ரகுல் பிரீத் சிங்

நடிகை ரகுல் பிரீத் சிங் சமீபத்தில் தன்னுடைய பேட்டி ஒன்றில் Chhatriwali என்ற படத்தில் நடிக்க ஏன் ஒப்புக்கொண்டேன் என்ற காரணத்தை பதிவு செய்திருக்கிறார்.

அதில் அவர் , இந்த திரைப்படத்தில் நான் ஒரு ஆணுறை பரிசோதராக நடிக்கிறேன் என்று தகவல் வெளியானதும் நான் ஏதோ விளம்பரத்திற்காக செய்கிறேன்.

சர்ச்சையை கிளப்ப வேண்டும் என இந்த படத்தில் நடிக்கிறேன். என்றெல்லாம் பேசினார்கள். ஆனால், உண்மை அது கிடையாது.

ஆணுறை குறித்த விழிப்புணர்வு இன்று கூட போதிய அளவில் ஆண்களுக்கும் பெண்களுக்கும் இல்லை என்று தான் நான் நினைக்கிறேன்.

பள்ளிப் பாடங்களில் பாலியல் கல்வி இடம்பெற வேண்டும். அதனுடைய அத்தியாவசியம் என்ன என்று பலரும் பல நாட்களாக கோரிக்கை வைத்துக் கொண்டுதான் இருக்கிறார்கள்.

அது தற்போது வரை கோரிக்கையாகவே இருக்கிறது. ஆனால், படங்கள் மூலம் இது குறித்து விழிப்புணர்வை கொண்டு சேர்க்க முடியும் என்று நான் நம்பினேன்.

இன்றளவும் கிராமப்புறங்களில் ஆணுறை குறித்த புரிதல் இல்லாமல் அது பற்றி பயந்து கொண்டு இருக்கும் பெண்கள் எல்லாம் இருக்கிறார்கள்.

இதனுடைய முக்கியத்துவம் என்ன..? ஆணுறை அணிந்தால் இதுதான் நடக்கும்.. இது நடக்காது.. என ஒரு 18 வயது நிரம்பிய அனைவரும் தெரிந்திருக்க வேண்டிய ஒரு விஷயம். இப்படி ஒரு விழிப்புணர்வு படத்தில் நாம் நடித்தால் என்ன தவறு என்று தான் இந்த படத்தில் நடிக்க ஒப்புக்கொண்டேன் என பேசியிருக்கிறார்.