இலங்கை ஜனாதிபதி கோத்தாப்பய ராஜபக்சே நாட்டை விட்டு தப்பி ஓடியமை மற்றும் ஜனாதிபதி பதவி விலகிமைக்கு மகிழ்ச்சி தெரிவித்து கிளிநொச்சி கிருஷ்ணர் ஆலயம் மூன்றில் சோறு வழங்கி கொண்டாடப்பட்டுள்ளது

'பழைய வண்ணாரப்பேட்டை' படத்தின் மூலம் தமிழ் சினிமாவில் இயக்குனராக அறிமுகமானவர் மோகன் ஜி. அதைத் தொடர்ந்து அவர் இயக்கிய 'திரவுபதி', 'ருத்ரதாண்டவம்' ஆகிய திரைப்படங்கள் வரவேற்பை பெற்று சில சர்ச்சைகளையும் கிளப்பியது. இதைத் தொடர்ந்து அடுத்ததாக தற்போது மோகன் ஜி இயக்கத்தில் 'பகாசூரன்' திரைப்படம் உருவாகியுள்ளது. இந்த படத்தில் இயக்குனர் செல்வராகவன், நட்டி நட்ராஜ், ராதாரவி உள்ளிட்ட பலர் நடித்துள்ளனர். இந்த படத்திற்கு சாம் சிஎஸ் இசையமைத்துள்ளார். 'பகாசூரன்' படத்தின் படப்பிடிப்பு முடிவடைந்து போஸ்ட் புரொடக்சன் பணிகள் நடைபெற்று வருகின்றன. இந்த படத்தின் பாடல்கள் மற்றும் டிரைலர் சமீபத்தில் வெளியாகி கவனம் ஈர்த்தது. இந்த நிலையில், 'பகாசூரன்' திரைப்படத்தின் மேக்கிங் வீடியோவை படக்குழு வெளியிட்டுள்ளது. இந்த மேக்கிங் வீடியோ தற்போது இணையத்தில் வைரலாகி வருகிறது. 'பகாசூரன்' திரைப்படம் வருகிற பிப்ரவரி 17-ம் தேதி திரையரங்குகளில் வெளியாக உள்ளது.

நடிகர் விஜய் தற்போது இயக்குனர் லோகேஷ் கனகராஜ் இயக்கத்தில் நடித்து வருகிறார். இந்த படத்திற்கு 'தளபதி 67' என்று தற்காலிகமாக பெயரிடப்பட்டுள்ளது. இந்த படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரிக்கிறார். மாஸ்டர் படத்தின் வெற்றிக்கு பின்னர் விஜய்யும், லோகேஷும் மீண்டும் இணைந்துள்ளதால் படத்தின் மீதான எதிர்பார்ப்பு அதிகரித்துள்ளது. இந்த படத்திற்கு அனிருத் இசையமைக்கவுள்ளார். மனோஜ் பரமஹம்சா ஒளிப்பதிவு செய்கிறார். பிலோமின் ராஜ் படத்தொகுப்பு செய்கிறார். இந்த படத்தில் நடிகர் அர்ஜுன், பாலிவுட் நடிகர் சஞ்சய் தத், நடிகை திரிஷா, நடிகை பிரியா ஆனந்த், மன்சூர் அலிகான், இயக்குனர் மிஸ்கின், இயக்குனர் கவுதம் வாசுதேவ் மேனன், டான்ஸ் மாஸ்டர் சாண்டி (நடிகராக அறிமுகமாகிறார்), மலையாள நடிகர் மேத்யூ தாமஸ் உள்ளிட்ட பலர் நடிக்கின்றனர். சமீபத்தில் இந்த படத்தின் படப்பிடிப்பு தொடங்கியது. இரண்டாம் கட்ட படப்பிடிப்புக்காக படக்குழு காஷ்மீர் சென்றுள்ளது. இந்த நிலையில் 'தளபதி 67' படத்தின் டைட்டில் நேற்று மாலை 5 மணிக்கு வெளியாகும் என்று படக்குழு போஸ்டர் ஒன்றை வெளியிட்டு அறிவித்திருந்தது. அதன்படி 'தளபதி 67' படத்தின் டைட்டில் வீடியோ சோனி மியூசிக் இந்தியா யூ-டியூப் சேனலில் நேற்று வெளியாகி உள்ளது. இந்த படத்திற்கு 'லியோ' என்று பெயரிடப்பட்டுள்ளது.இந்த நிலையில் 24 மணி நேரத்தில் 'லியோ டைட்டில் வீடியோ 27 மில்லியன் பார்வையாளர்களை கடந்துள்ளதாக படக்குழு அறிவித்துள்ளது. மேலும் இந்த வீடியோ 1.3 மில்லியன் லைக்குகளை பெற்றுள்ளது. தற்போது 'லியோ டைட்டில் வீடியோ யூடியூப் டிரெண்டிங்கில் முதல் இடத்தில் உள்ளது.மேலும் ஷாருக்கானின் ஜவான் மற்றும் விக்ரம் இன்ட்ரோ பிரோமோ ரெக்கார்டை இந்த படம் முந்தியுள்ளது. இந்தியாவிலேயே 24 மணி நேரத்தில் அதிகம் லைக்குகளை அள்ளிய டைட்டில் பிரோமோ வீடியோ' லியோ' வீடியோ மாறி உள்ளது. மேலும் 24 மணி நேரத்தில் அதிக பார்வையாளர்களை கடந்து சாதனை படைத்துள்ளது.