செல்போனின் அடிப்பகுதியில் இருக்கும் மிகச்சிறிய துளையின் பயன்கள்

செல்போனின் அடிப்பகுதியில் இருக்கும் மிகச்சிறிய துளை ஒன்றை கவனித்து இருக்கிறீர்களா? அது எதற்கு என்று தெரியுமா?

அந்த மிகச்சிறிய துளை நம் போனின் இரைச்சலை ரத்து செய்யும் மைக்ரோஃபோன் ஆகும். இன்னும் தெளிவாக சொல்ல வேண்டுமென்றால், நாம் செல்போனில் பேசும்போது செயல்படும் மைக்ரோஃபோன் அதுதான்.

நாம் யாரையாவது செல்போனில் அழைக்கும்போது, இந்த மைக்ரோஃபோன் இயக்கப்படும். அந்த சிறிய துளை சரியாக நம் குரலை பிக்கப் செய்து மறுமுனையில் கேட்பவருக்கு தெளிவாக கொடுக்கிறது

அதே நேரத்தில் சுற்றிலும் இரைச்சல் இருந்தாலும், இந்த மைக்ரோபோன் அனைத்துவித சத்தங்களையும் உள்வாங்காது.

செல்போனின் அடிப்பகுதி என்பதால் இரைச்சலை உள்வாங்குவதில் தடை இருக்கும். அதே நேரத்தில் நாம் பேசும் ஒலி மிகச்சரியாக துளை அருகே இருப்பதால் குரல் தெளிவாக எதிர்தரப்புக்கு கேட்கும்.