முகம் பளிச்சென்று மிருதுவாக மாற எளிய வழி

வசீகரமான முகத்தை பெறுவதற்கும் பளிச்சின்ற முகத்தை பெறுவதற்கும் இயற்கையிலேயே சில பொருட்கள் இருக்கின்றன. அந்த பொருட்களை நாம் பயன்படுத்துவதன் மூலம் நாம் எதிர்பார்த்த பலனை நம்மால் பெற முடியும்.   

இயற்கையிலேயே கிடைக்கக்கூடிய பல பொருட்களில் நம்முடைய அழகை மேம்படுத்தக்கூடிய பொருட்களும் அடங்கியிருக்கின்றது. அதை முறையாக நாம் பயன்படுத்தும் பொழுது கண்டிப்பாக முறையில் நம்முடைய அழகை நம்மால் அதிகப்படுத்தி கொள்ள முடியும். வயதான தோற்றத்தையும் மாற்றி இளமையாக வைத்துக் கொள்ள முடியும்.

இதற்கு நமக்கு மிகவும் முக்கியமாக தேவைப்படுவது புதினா மற்றும் எலுமிச்சை பழம். எலுமிச்சை பழத்தில் நம்முடைய சருமத்திற்கு தேவையான அனைத்து விதமான ஊட்டச்சத்துகளும் நிறைந்து இருக்கின்றன. அதேபோல் தான் புதினாவிலும். புதினாவும் எலுமிச்சம் பழமும் மிகவும் அற்புதமான மருத்துவ குணம் மிகுந்த பொருட்களாக திகழ்கின்றன.

இந்த பொருட்களை நாம் உணவாக எடுத்துக் கொள்ளும் பொழுது நம் உடலில் இருக்கக்கூடிய கழிவுகள் அனைத்தும் எப்படி நீங்கி இரத்தம் சுத்திகரிப்பாகிறதோ அதேபோல் இதை நாம் நம்முடைய முகத்தில் பயன்படுத்தும் போது முகத்தில் இருக்கக்கூடிய அழுக்குகளும் நீங்கி முகம் பளிச்சென்று சுத்தமாக மாறும்.

இதற்கு புதினா சாறு மற்றும் எலுமிச்சை பழச்சாறு இவை இரண்டும் வேண்டும். இரண்டையும் சம அளவு எடுத்துக் கொள்ளுங்கள். ஒரு பாத்திரத்தில் வெதுவெதுப்பான தண்ணீரை வைத்துக்கொண்டு அதில் இரண்டு ஸ்பூன் அளவிற்கு புதினா சாறு, இரண்டு ஸ்பூன் அளவுக்கு எலுமிச்சை பழச்சாறு ஊற்றி அதில் நாம் ஆவி பிடிக்க வேண்டும்.

மூன்று நாட்களுக்கு ஒரு முறை என்ற வீதம் இந்த முறையில் ஆவி பிடிக்கும் பொழுது நம் முகத்தில் இருக்கக்கூடிய அழுக்குகள் அனைத்தும் நீங்கி சுத்தமாகும். அதே சமயம் முகம் பளிச்சென்று வசீகரமாகவும் மாறும். இதே போல் கசகசா ஒரு ஸ்பூன் அளவு எடுத்துக்கொண்டு அதை தண்ணீரில் ஊற வைத்துக் கொள்ளுங்கள். பிறகு அதை நன்றாக அரைத்து முகத்தில் பூசி அரை மணி நேரம் அப்படியே விட்டு விடுங்கள்.

பிறகு வெதுவெதுப்பான நீரில் கழுவ வேண்டும் இப்படி கழுவுவதன் மூலம் முகம் பளிச்சென்று இருக்கும். இதே போல் எலுமிச்சம் பழத்தை பாதியாக வெட்டி அதன் சாறை எடுத்துக் கொள்ளுங்கள். அதை சிறிது தண்ணீரில் நன்றாக கலக்க வேண்டும். பிறகு அந்த தண்ணீரை முகம் மற்றும் கழுத்தில் தடவி பத்து நிமிடம் ஊற வைக்க வேண்டும். பிறகு குளிர்ந்த நீரினால் கழுவ வேண்டும்.

இப்படி நாம் தினமும் செய்யும்பொழுது நம் சருமத்தில் இருக்கக்கூடிய கருமைகள் அனைத்தும் நீங்கி முகம் பளிச்சென்று மிருதுவாக மாறும். எளிதில் கிடைக்கக்கூடிய இந்த மூன்று பொருட்களையும் நாம் தொடர்ச்சியாக நம்முடைய முகத்தில் பயன்படுத்தும் பொழுது நம் முகம் வசீகரமாகவும் அழகாகவும் பளிச்சென்றும் மாறும்.