வாயைப் பிளக்க வைக்கும் வடிவேலுவின் சொத்து மதிப்பு

வடிவேலு இன்று தன்னுடைய 63 வது பிறந்த நாளை கொண்டாடி வருகிறார். சமீபத்தில் இவர் நடிப்பில் வெளிவந்த மாமன்னன் இவரை நகைச்சுவை நடிகர் என்பதையும் தாண்டி வேறொரு பரிமாணத்தில் காட்டியது.

ரசிகர்களை மகிழ்விப்பது தான் என்னுடைய வேலை என்பது போல் அவர் காமெடி கேரக்டருக்கும் அதிக முக்கியத்துவம் கொடுத்து வருகிறார். அவர் காமெடியில் கலக்கி இருக்கும் சந்திரமுகி 2 இந்த மாத இறுதியில் வெளிவர இருக்கிறது. 

வைகைப் புயலின் சொத்து மதிப்பு பற்றிய விவரம் தற்போது வெளியாகி பலரையும் வாய் பிளக்க வைத்திருக்கிறது. ஆரம்பத்தில் சிறு சிறு கதாபாத்திரங்களில் கஷ்டப்பட்டு நடித்து வந்த வடிவேலு ஒரு குறிப்பிட்ட காலத்திற்குப் பிறகு அசைக்க முடியாத ஜாம்பவானாக உருவெடுத்தார்.

அப்போதே லட்சக்கணக்கில் சம்பளம் வாங்கி வந்த இவர் தற்போது ஒரு படத்திற்கு 4 முதல் 5 கோடி வரை சம்பளமாக பெற்று வருகிறார். அது மட்டுமல்லாமல் இவருக்கு சென்னையில் மட்டுமே இரண்டு சொகுசு பங்களா இருக்கிறது. 

வடிவேலுவிடம் ரக ரகமான ஆடம்பர கார்களும் இருக்கிறது.   இரண்டு ஆடி கார், பிஎம்டபிள்யூ, டொயோட்டா என பல விலை உயர்ந்த கார்களை வைத்திருக்கிறார் அது மட்டுமின்றி மதுரையில் இவருக்கு 20 ஏக்கர் நிலமும் இருக்கிறது.

சினிமாவில் சம்பாதித்ததை சரியாக முதலீடு செய்து வைத்திருக்கும் வடிவேலுவின் மொத்த சொத்து மதிப்பு மட்டுமே 130 கோடி ஆகும். இடையில் சினிமாவை விட்டு ஒதுங்கி இருந்த இவர் தற்போது மீண்டும் ரீ என்ட்ரி கொடுத்து அசத்தி வருகிறார். மீம்ஸ் கிரியேட்டர்களின் நாயகனாக இருக்கும் இந்த மாமன்னனுக்கு பிறந்தநாள் வாழ்த்துக்கள்.