உச்சம் தொட்ட விலை
உட்கார்ந்திருந்தது தக்காளி...
உடன் ஏறிய நிலை
உரிக்காமலேயே கண்ணில் நீர்துளி
உதிர வைத்தது சின்னவெங்காயம்...
சிறு துண்டு இஞ்சியும்
சில்லறைக்கு இனி இல்லை...
உருண்டது அங்குமிங்குமாய்
உற்சாகமாய் முட்டைகோசு
இரண்டு மாதமாய்
இறங்கவில்லை அதன் மவுசு...
துட்டில் மிக தூக்கலாய்
துடிப்பாய் தட்டில் மிளகாய்...
பரவலாய் விரிந்திருக்கும்
பசுமையாய் காய்கறி அவை..
வதங்கியது வியாபாரி முகம்
விற்பனை களை கட்டவில்லை...!
கல்லறை வாசங்களை
பார்த்து விட்டேன்
அரியானை அம்பலக் கூத்தனை
அருமறையின் அகத்தானை...
ஆர்வத்தினை அகம் வைத்து
அனுதினமும் போற்றும் பொழுது...
அனைத்தும் தரும் திருஐந்தெழுத்து!
விஸ்வநாதர் ஆட்சியாய்
விசாலாட்சி அன்னையாய்...
அன்னத்தின் பெருமை
அன்னபூரணி வீற்றிடலாய்...
காவல் தெய்வமாய்
காலபைரவர் துணை...
சிறப்பாய் கோவிலெங்கும்
சிவலிங்கம் அருளாசி...
பூமியில் படர்ந்திருக்கும்
புண்ணியஸ்தலம் காசி
விடிந்தது முடிகிறது
பொழுது
மடிந்து புதைகிறது
கனவு
விடியலின் புலர்வில்
மடிந்து விழுகிறது
மகிழ்ச்சி மட்டுமே
ஏமாற்றங்களின்
கைக்குலுக்கள்கள்
நம்பிக்கை துரோகங்கள்
ஏமாற்றங்களின்
ஏர்பிடிப்புக்கள்
தினமும் சந்திக்கும்
சகோதரர்கள்
மாற்றங்கள் துரு
நாற்றங்களாய் வீசுகிறது
திட்டாங்கள்
சதி வலைகளை
பின்னுகிறது
அன்பானவர்கள்
அரக்கர்களாகி விட
அதிர்ச்சி கிடங்கில்
சவமாய் விழுகிறோம்
வாழும் எண்ணம்
வாடி விழ
லட்சியங்கள்
மூச்சைடைத்து
முகவரி தொலைக்கிறது