Niagara Falls

ஸ்ரீலங்கா பொதுஜன பெரமுனவின் (SLPP) ஊடகவியலாளர் மாநாடுகளில் பயன்படுத்தப்பட்ட பிரபல உத்தியோகபூர்வ டிஜிட்டல் திரையிலிருந்து முன்னாள் ஜனாதிபதி கோட்டாபய ராஜபக்சவின் உருவம் நீக்கப்பட்டுள்ளதாகவும், கடந்த திங்கட்கிழமை (15) முதல் பெரமுனவின் ஊடக சந்திப்புகளில் இத்திரை பயன்படுத்தப்படவில்லை எனவும் தெரியவந்துள்ளது.முன்னதாக, டிஜிட்டல் பின்னணியில் முன்னாள் ஜனாதிபதியும் பிரதமருமான மஹிந்த ராஜபக்ஷ, கோட்டாபய ராஜபக்ஷ மற்றும் முன்னாள் நிதி அமைச்சரும் பெரமுனவின் முக்கியஸ்தருமான பசில் ராஜபக்ஷ ஆகியோரின் முகங்கள் சுழற்சி முறையில் காண்பிக்கப்பட்டன என்பது குறிப்பிடத்தக்கது .

கிளிநொச்சி மாவட்டத்தில் தெரிவு செய்யப்பட்ட 5 கிராமப்புற பாடசாலைகளில் கல்விகற்கும் 700 மாணவர்களிற்கு குறித்த திட்டம் முன்னெடுக்கப்படவுள்ளது.கடந்த காலங்களில் சர்வதேச மற்றும் ஊள்ளுர் தொண்டு நிறுவனங்கள் ஊடாக மாணவர்களிற்கு மதிய உணவு வழங்கப்பட்டு வந்தது. எனினும் குறித்த திட்டத்திற்கான காலம் நிறைவடைந்த நிலையில் அத்திட்டம் கைவிடப்பட்டது.இந்த நிலையில், தற்பொழுது நாட்டில் ஏற்பட்டுள்ள பொருளாதார நிலை காரணமாக மக்களிற்கன அன்றாட உணவு தேவை பூர்த்தி செய்யப்படுவது தொடர்பில் கணிப்பிடப்பட்டது.இந்த நிலையில். கிராமப்புறங்களில் உள்ள பல குடும்பங்கள் நாளாந்த உணவை பூர்த்தி செய்ய முடியாத நிலையில், மாணவர்கள் பாடசாலைக்கு செல்கின்றமை தொடர்பில் கணிப்பில் கண்டறியப்பட்டது.இந்த நிலையில், தெரிவு செய்யப்பட்ட 5 பாடசாலைகளில் கல்வி கற்கும் 700 மாணவர்களிற்கு பாடசாலை நாட்களில் மதிய உணவினை வழங்கும் வேலைத்திட்டம் இன்று ஆரம்பிக்கப்பட்டது.குறித்த ஆரம்ப நிகழ்வானது கிளிநொச்சி சிவபாத கலையகம் அரசினர் தமிழக் கலவன் பாடசாலையில் இடம்பெற்றது. நிகழ்வில் வடக்கு மாகாண கல்வி அமைச்சின் செயலாளர் ஐ.வரதீஸ்வரன், கிளிநொச்சி தெற்கு வலயக்கல்விப்பணிப்பாளர் பி. கமலராஜன், கரைச்சி பிரதேச செயலாளர் பி ஜெயகரன், இலங்கை அனைத்துலக மருத்துவநல அமைப்பின் இலங்கைக்கான வதிவிடப்பிரதிநிதி எஸ்.கிருஸ்ணகுமார் அயல் பாடசாலை அதிபர்கள், ஆசிரியர்கள், மாணவர்கள் என பலரும் கலந்து கொண்டனர்.இதன்போது விருந்தினர்கள் வரவேற்கப்பட்டது, பாண்ட் வாத்திய அணிவகுப்புடன் விழா மண்டபம் வரை அழைத்து செல்லப்பட்டு, மங்கள விளக்கேற்றப்பட்டது, தொடர்ந்து குறித்த வேலைத்திடடத்தின் ஆரம்ப நிகழ்வு இடம்பெற்றிருந்தமை குறிப்பிடத்தக்கது.