திடீர் திருமணம் செய்துகொண்ட நடிகை ஆனந்தி

தமிழில் கயல், பரியேறும் பெருமாள், இரண்டாம் உலகப்போரின் கடைசி குண்டு போன்ற படங்களில் நடித்து பிரபலமானவர் ஆனந்தி. இவருக்கும் தெலங்கானாவை சேர்ந்த சாக்ரடீஸ் என்பவருக்கும் நேற்று திருமணம் நடைபெற்றது.   முதலில் இது காதல் திருமணம் அல்ல என்று கூறப்பட்டது. ஆனால், இது காதல் திருமணம் என்று இப்போது தெரியவந்துள்ளது. சில வருடங்களாக ஆனந்தியும் அவரும் காதலித்து வந்துள்ளனர். மணமகன் சாக்ரட்டீஸ், இணை இயக்குனராக பணியாற்றி வருகிறார். இவர் இயக்குனர் மூடர் கூடம் நவீனின் மைத்துனர்.

தமிழில், கயல் படம் மூலம் பிரபலமானவர் நடிகை ஆனந்தி.  தெலுங்கானாவை சேர்ந்தவர் இவர். தெலுங்கில் வெளியான, ஈ ராஜூலு என்ற படத்தின் மூலம் சினிமாவில் அறிமுகமானார்.  2014 ஆம் ஆண்டு வெளியான பொறியாளன் என்ற படம் மூலம் தமிழில் அறிமுகமானார். இதைத் தொடர்ந்து பிரபு சாலமன் இயக்கிய கயல் படத்தில் நடித்தார். இதில் அவர் நடிப்பு கவனிக்கப்பட்டது.

இதையடுத்து 'கயல்' ஆனந்தி ஆனார். தொடர்ந்து அவருக்கு வாய்ப்புகள் வரத் தொடங்கின. பின்னர், த்ரிஷா இல்லனா நயன்தாரா, எனக்கு இன்னொரு பேர் இருக்கு, சண்டி வீரன், விசாரணை, பரியேறும் பெருமாள் உட்பட சில படங்களில் நடித்து வந்தார். கடைசியாக இரண்டாம் உலக போரின் கடைசி குண்டு படத்தில் நடித்திருந்தார்.