Support Ads
Main Menu
 ·   · 234 posts
  •  · 2 friends
  •  · 3 followers

தொட்டமல்லூர் நவநீத கிருஷ்ணர்!

மிகவும் பிரசித்தி பெற்ற தொட்டமல்லூர் நவநீத கிருஷ்ணன் கோவில் பெங்களூரில் இருந்து மைசூரு செல்லும் பாதையில் சுமார் 60 கி.மீ தொலைவில் உள்ளது ..


பெங்களூரு மைசூரு நெடுஞ்சாலையில் சென்னபட்டினம் தாண்டி சுமார் 4 கி.மீ தொலைவில் நெடுஞ்சாலையிலேயே நவநீத கிருஷ்ணன் கோவில் தோரண வாயில் காணலாம் .


இது ஒரு பெருமாள் கோவில் . ராமப்ரேயா சுவாமி என்பது பெருமாள் பெயர் .


தாயார் பெயர் அரவிந்தவல்லி .இந்த பகுதியில் இந்த பெருமாள் கோவில் அப்ரமேயச்வாமி கோவில் என்று தான் பிரபலமாக அறியபடுகிறது .


இந்த கோவிலின் மற்றொரு சிறப்பு இங்கு உள்ள தவழும் நவநீத கிருஷ்ணன் சன்னதி தான் . 


இங்கு வந்து தரிசனம்  செய்தால் புத்திர தோஷம் மற்றும் சயன தோஷம் நீங்கி புத்திர பாக்கியம் கிடைக்கும் என்பது பக்தர்களின் பெரும் நம்பிக்கை .


பிரார்த்தனை நிறைவேறியவர்கள் மரத்தாலான மற்றும் வெள்ளியிலான தொட்டில்களை இங்கு காணிக்கையாக செலுத்துக்கிரார்கள் .


இந்த ஊருக்கு வேறு சில பெயர்களும் உள்ளது .


தக்ஷிண அயோத்தியை ,

சதுர் வேத மங்களபுரம் , 

ராஜேந்திர சிம்ஹ நகரி என்றெல்லாம் பெயர்கள் இருந்திருக்கிறது .


தவழும் நவநீத கிருஷ்ணனுக்கு கன்னடத்தில் 'அம்பேகள்' கிருஷ்ணன் என்று சொல்கிறார்கள் .


ஸ்ரீ தேவி, பூ தேவி சமேத  அப்ரமேயர் 


 இந்த ஆலயம் இரண்டு அடுக்கு ஆலயங்களாக உள்ளது. ஆலயத்தில் நுழைந்த உடன் எதிரில் தெரிவது அப்ரமேயர் ஆலயம் . 


அற்புதமான உருவ அமைப்பில் சாலிக்கிராம கல்லில் வடிவமைக்கப்பட்டு உள்ள மூலவர் தனது கைகளில் சங்கு மற்றும் சக்கராத்தை ஏந்தியும் மீதி உள்ள இரண்டு கைகளை இரண்டு முத்திரைகளைக் காட்டியவாறும் நின்றுள்ள கோலத்தில் காட்சி தருகிறார். 


ஆனால் அவரைப் போன்ற வடிவமைப்பில் உள்ள உத்சவ மூர்த்தியிலோ அப்ரமேயர் தனது இரண்டு மனைவிகளான ஸ்ரீ தேவி மற்றும் பூதேவி தாயாருடன் காட்சி தருகிறார்.


அவர் கொடுக்கும் அருள் அளவில்லாதது என்பதையே 'அப்ரமேய' என்ற வார்த்தையின் அர்த்தம்.


அற்புதமான உருவ அமைப்பில் சாலிக்கிராம கல்லில் வடிவமைக்கப்பட்டு உள்ள மூலவர் தனது கைகளில் சங்கு மற்றும் சக்கராத்தை ஏந்தியும் மீதி உள்ள இரண்டு கைகளை இரண்டு முத்திரைகளைக் காட்டியவாறும் நின்றுள்ள கோலத்தில் காட்சி தருகிறார். 


ஆனால் அவரைப் போன்ற வடிவமைப்பில் உள்ள உத்சவ மூர்த்தியிலோ அப்ரமேயர் தனது இரண்டு மனைவிகளான ஸ்ரீ தேவி மற்றும் பூதேவி தாயாருடன் காட்சி தருகிறார்.


அவர் கொடுக்கும் அருள் அளவில்லாதது என்பதையே 'அப்ரமேய' என்ற வார்த்தையின் அர்த்தம்.


அரவிந்தவல்லித் தாயார் 


அந்த ஆலய சன்னதியை விட்டு வெளியில் வந்து இடது புறமாக பிராகாரத்தில் பின்புறம் சென்றால் சில படிக்கட்டியில் ஏறிச் சென்று அரவிந்தவல்லித் தாயாரை தரிசிக்க வேண்டும். 


இங்குள்ள தாயாரைப் பற்றியும்  உள்ள சிறு செய்தி என்னவென்றால், இந்த ஆலயத்தின் வடமேற்குப் பக்கத்தில் இருந்த விஷ்ணு தீர்த்தம் என்ற குளத்தில்தான் தாயார் தோன்றினாராம்.


தாயாரும் அப்ரமேயரான விஷ்ணுவின் பின்புற சன்னதியில் நின்றவாறு உள்ளார்.


நவநீத கிருஷ்ணர் 


அங்கிருந்தே அதே பிராகாரத்தில் சென்றால் எதிர் மூலைப் பகுதியில் உள்ள நவநீத கிருஷ்ணரை தரிசிக்கலாம். 


இங்கு நவநீத கிருஷ்ணர் தவழும் நிலைக்கான தோற்றத்தில், ஒரு குழந்தைப் போலக் காட்சி தருகிறார்.


குழந்தைப் பேறு அற்றவர்கள் இங்குள்ள சன்னதியில் அவருக்கு அர்ச்சனை செய்து குழந்தைப் பிறந்தால் தொட்டில் போடுவதாக வேண்டிக் கொண்டு செல்கிறார்கள். 


குழந்தை பிறக்க வேண்டும் என  வேண்டிக் கொண்டு இங்கு வந்து சிறு மரக்கட்டையிலான தொட்டிலையும் கட்டுகிறார்கள்.


இங்குள்ள கிருஷ்ணரின் அழகில் மயங்கி'ஜகதோத்தாரணா' என்ற கீர்த்தனை இயற்றியுள்ளார் புரந்தரதாசர். 


ஸங்கீத பிதாமகர் புரந்தரதாசர் ஒரு சமயம் தொட்டமளூர் திருத்தலத்திற்கு சென்றுள்ளார்.


அவர் காலதமாதமாக கோவிலுக்கு வந்ததால் கோவில் நடை மூடப்பட்டுவிட்டது.


மனம் வருந்திய புரந்தரதாசர்

கோவிலுக்கு வெளியே நின்று “ஜகதோத்தாரணா" என்ற பாடலைப் பாட,கோவில் கதவு திறந்து தவழ்ந்த கோலக் கண்ணன் தன் முகத்தை திருப்பி புரந்தரதாசருக்கு காட்சியளித்துள்ளார். 


இந்த தவழ்ந்த கோலக் கண்ணன், காண்பவர் உள்ளத்தைக் கொள்ளை கொள்ளும் வகையில் மோகனப் புன்னகையுடன் இத்தலத்தில் காட்சி தருகிறார். 


பிள்ளைப்பேறு வேண்டுவோர் இக்கண்ணனை வேண்டி பலன் பெறகின்றார்கள். 


உண்மையில் இந்த தவழ்ந்த கோலக் கண்ணனைப் பார்த்தால் மிக அழகான குழந்தை வடிவில் காணப்படுகின்றார், 


அந்த தவழ்ந்த கோலவடிவம் நம் கண்களிலேயே  நிற்கின்றது.


அந்த பிராகாரத்திலேய தொடர்ந்து நடந்து வந்தால் ராமபிரான் சீதை மற்றும் லஷ்மணரோடு இருப்பதைக் காணலாம். 


சீதையுடன்  ராமபிரான் அமர்ந்து இருக்க லஷ்மணர் கை கூப்பி அவர்களை வணங்கி நிற்க ஹனுமார் கீழே அமர்ந்து அவர்களை கும்பிட்டவாறு உள்ளார். 


அப்ரமேயர் ஆலயத்துக்கு செல்பவர்கள் ராமர் சன்னதியை தரிசிக்காமல் வந்தால் அது நல்ல பலனைத் தராது.


காரணம் விஷ்ணுவை தரிசித்து வணங்கிய ராமரும் விஷ்ணுவின் அவதாரம் என்பதினால் ராம அவதாரத்தில் இருக்கும் தன்னையும் வழிபட வேண்டும் என விஷ்ணு விரும்புவாராம்.


அந்த சன்னதிக்கு அடுத்து உள்ள சன்னதியில் வேணுகோபல ஸ்வாமி சங்கையும், சக்கரத்தையும் கையில் ஏந்திக் கொண்டு, இடது கையில் புல்லாங்குழலை வைத்தவாறு காட்சி தருகிறார். 


அடுத்த சன்னதியில் சுதர்ஷன நரசிம்மரும் காட்சி தருகிறார்.


இந்த ஆலயம் அமைந்து உள்ள மாலூரைக் குறித்து ஒரு அற்புதமான கதை உள்ளது.


முன்னொரு காலத்தில் இங்கு ஒரு பெரிய நதி ஓடிக் கொண்டு இருந்ததாகவும், இந்தப் பகுதியை ஆண்டு வந்த தமிழ் மன்னனை ஒரு யுத்தத்தில்  தோற்கடித்த பகை மன்னன் அவனைக் கொல்லாமல் கை கால்களை மட்டும் வெட்டி முடமாக்கி விட்டு சென்றுவிட்டானாம். 


ஆனால் அந்த மன்னன் பெரும் கடவுள் பக்தி கொண்டவன்.


ஆகவே அவன் மனம் தளராமல் இங்கு பகவான் பாசுரங்களை துதித்தவாறு அந்த நதிக் கரையிலேயே கிடக்க அதிசயமாக அவன் கைகால்கள் மீண்டும் முளைத்தனவாம். 


ஆகவே  தானியங்கள் முளை விழுந்து வளர்ந்து செடியாவதைப் போல  மீண்டும் அவயங்கள் முளைக்கக் காரணமான அந்த ஊரை முளை வந்த  ஊர் எனக் கூறி முளையூர், முலயூராகி, முளையூர் பேச்சு வாக்கில் மலயூராகி, மாலூராகி உள்ளது.


மிகப் பெரிய ராஜகோபுரத்தைக் கொண்டு உள்ள ஆலயத்தின் நுழை வாயிலின் வெளியில் சுமார் முப்பது அடி உயர துஜஸ்தம்பம் காணப்படுகின்றது.


இந்த கோவில் கிட்டத்தட்ட 3000 ஆண்டு பழமை வாய்ந்த கோவில் என்று சொல்ல படுகிறது .


ராம பிரான் இங்கு தங்கி அப்ரமேய சுவாமிகளை தரிசனம் செய்துள்ளதாக சொல்லபடுகிறது . 


ராமன் வணங்கிய அப்ரமேய பெருமாள் என்பதால் கோவிலுக்கு ராமப்ரமேய சுவாமி கோவில் என்று பெயர் வந்தது . 


ராமன் வணங்கியதால் தான் மல்லூர் தக்ஷிண அயோத்தி என்று அறியபடுகிறது .


ராமானுஜர் இங்கு விஜயம் செய்துள்ளார்.


புரந்தரதாசரரின் மிகவும் பிரபலமான 'ஜகதோத்தாரா' மல்லூர்  நவநீத கிருஷ்ணனை குறித்து பாடிய கீர்த்தனை பாடல் இந்த கோவிலின் மற்றொரு சிறப்பு.


ஒரு பெரிய மணல் பரப்பில் தான் இந்த கோவிலின் அடித்தளம் உள்ளதாக சொல்லபடுகிறது. 


கெட்டியான அடித்தளத்தில் இந்த கோவில் எழுப்பப்படவில்லை என்றும் சொல்லபடுகிறது .


இந்த கோவிலில் பெருமாள், தாயார், கிருஷ்ணன் சன்ன்னதிகள் தவிர வைகுந்தநாத சுவாமி, ஆழ்வார்கள், ராமானுஜர், கூரத்தாழ்வார், வேதாந்த தேசிகர் மற்றும் மணவாள முனிகளுக்கு தனி சன்னதிகள் உள்ளது.


காலை 8.30 மணி முதல் மதியம் 12.30 மணி வரையும் ,மாலை 5.30 முதல் இரவு 8.30 மணி வரையும் கோவில் நடை திறந்திருக்கும் .


ஆலய விலாசம்:APRAMEYA AND NAVANEETHA KRISHNA TEMPLE,

Channapatna Taluk, 

Dodda Mallur, 

Bangalore District, 

Pin :571501

Telephone: Sri Embar Venu :   09448077348.

0 0 0 0 0 0
  • 251
Info
Category:
Created:
Updated:
Comments (0)
Ads
Featured Posts
படித் *தேன்..*  சுவைத் *தேன்*...!  உடனே  பகிர்ந் *தேன்*
*தேன்*கொண்டு வந்தவரைப் பார்த்து,நேற்று ஏன் *தேன்* கொண்டுவரவில்லை என்று ஒருவர் கேட்கிறார். அதற்கு அவர் கூறிய *இனிமை பொருந்திய விடை...*  ஐயா நீங்கள் கூற
அதிபத்த நாயனார்  குருபூஜை
அதிபத்த நாயனார் சிவத்தொண்டர்களாக வாழ்ந்த அறுபத்து மூன்று நாயன்மார்களுள் ஒருவராவார். இவர் மீன்பிடிப்பதை தொழிலாக கொண்டிருந்தவர். தன்னுடைய சிவபக்தியின் க
ஆடிவெள்ளிக்கிழமையில் அம்மனை வழிபடுவதன் சிறப்புக்கள்
ஆடி மாத முதல் வெள்ளியை முன்னிட்டு தமிழகம் முழுவதும் உள்ள கோவில்களில் அதிகாலை முதல் பக்தர்கள் சுவாமி தரிசனம் செய்து வருகின்றனர்.வருடம் முழுவதும் உள்ள 1
பக்தி
பக்தி என்றால் மாணிக்க வாசகர் போல் இருக்க வேண்டும். மாணிக்க வாசக பெருமானிடம் ஈசனே என்ன வரம் வேண்டும் கேள் என்கிறார். அதற்கு மாணிக்கவாசக பெருமான் என்ன க
நாளைய உலகம் இன்றைய மழலைகளின் கைகளில் தங்கியுள்ளது ஆனால் எமது இளம் சமுகம் ஒன்று தனித்து விடப்பட்டுள்ளது.
நாளைய உலகம் இன்றைய மழலைகளின் கைகளில் தங்கியுள்ளது. ஆனால் நவீன உலக ஓட்டத்தைப்புரிய முடியாமலும் தெரியமுடியாமலும் எமது இளம் சமுகம் ஒன்று தனித்து விடப்பட்
குட்டி கதை - வாழ்வியல் நீதி
எமதர்மராஜன் ஒரு குருவியை வைத்த கண் வாங்காமல் பார்த்துக் கொண்டு இருந்தார். அடடா... இந்த குருவிக்கு கேடு காலம் வந்துவிட்டதே என்பதை உணர்ந்த கருடபகவான், உ
Ads
Latest Posts
கால்நடைகளுக்கான மேச்சல் தரவைகள் இன்மையால் பண்ணையாளர்கள் விவசாயிகள் வருடந்தோறும்  பாரிய சிரமங்களை எதிர்கொண்டு வருகின்றனர்.
வன்னியை பொறுத்த வரையில் கால்நடை வளர்ப்பும் விவசாயமும் ஒன்றோடொன்று பின்னிப்பிணைந்த வாழ்வாதாரத் தொழில்களாக  காணப்படுகின்ற போதும் கால்நடைகளுக்கான மேச்சல்
வன்னில் மிகவும் பழமை வாய்ந்த பல விவசாயக்கிராமங்கள் காடுகளாகவும் காட்டுவிலங்குகளின் ஆக்கிரமிப்புக்கும் உள்ளாகி வருகின்றன.
மக்களின் அடிப்படைத்தேவைகள் பூர்த்தி செய்யப்படாத நிலையில் ஓரளவு வசதி படைத்தவர்கள் அவர்கள் தங்களின் தேவைகளை நோக்கி நகர்வதன் மூலம் வன்னில் மிகவும் பழமை வ
இன்றைய தினம் மிலாது நபி
இன்றைய மிலாது நபி கொண்டாடப்படுகிறது. நபிகள் நாயகம் (ஸல்) வாழ்க்கை வரலாறு பற்றி தெரிந்துக் கொள்வோமா?https://www.youtube.com/watch?v=HFQRPPJfWyc
இறை பக்திக்கு எது முக்கியம்?
முனிவர் ஒருவர் மரத்தடியில் அமர்ந்து தம் வேட்டியில் இருந்த கிழிசலை தைத்துக்கொண்டு இருந்தார். அவர் ஒரு சிவபக்தர். அப்போது சிவனும், பார்வதியும் வான்வெளிய
இது கதை அல்ல...... நிஜம்
இந்த எழுபது வயதில் இதெல்லாம் தேவையா என்று உடல் கெஞ்சியது.  ஆனாலும் சிறு வயது தொட்ட நினைவுகள் பீறிட்டு எழ மனம் இருபது வயதாய் துள்ளியது.அக்ரஹாரத்தில் ஒவ
சிவபெருமானை நாம் நாள் தோறும் வணங்குகிறோம். ஆனாலும் பிரதோஷ காலத்தில் எம்பெருமானை ஆலயம் சென்று வணங்குவது சிறந்த பயனை அளிக்கும்.
சிவபெருமானை நாம் நாள் தோறும் வணங்குகிறோம். ஆனாலும் பிரதோஷ காலத்தில் எம்பெருமானை ஆலயம் சென்று வணங்குவது சிறந்த பயனை அளிக்கும்.மாதந்தோறும் இருமுறை – வளர
Ads