செத்தும் பழி வாங்கும் சத்தியவதி (குட்டிக்கதை)

ஒரு பெண் கணிப்பொறி நிலையத்திற்கு வந்து தன் புகை படத்தை சிறிது மாற்றம் செய்து கொடுக்க சொன்னார்.

கடைக்காரர் சொல்லுங்க உங்களுக்கு என்ன மாறுதல் செய்ய வேண்டும்.

பெண் -ஒன்றும் இல்லைப்பா!! இந்த படத்தோட ஒரு வைர கம்மல், ஒரு சவரன்ல நெத்தி சுட்டி, கழுத்துல ஒரு அஞ்சு பவனுக்கு ஒரு ஆரம்,

ரெண்டு கைகளிலும் அஞ்சு அஞ்சு தங்க வளவி, அப்புறம் ஒரு பத்து பவுனுக்கு ஒரு ஒட்டியாணம், இத எல்லாம் சேர்த்து ஒரு ஆளுயர புகைப்படம் ஒன்னு வேண்டும் வீட்டில் வைக்க,!!!

கடைக்காரன். - என்னம்மா !! உங்க சங்கதி புதிதாக உள்ளதே!! கொஞ்சம் புரியரமாதிரி சொல்லுங்களேன்,

பெண் - அது ஒண்ணும் இல்லைப்பா !!

மருத்துவர் நான் ரொம்ப நாள் உயிரோடு இருக்க மாட்டேன் என்று சொல்லிட்டாரு,

எப்படியும் எங்க வீட்டுக்காரர் அவரோட வேலை செய்யும் பெண்ணை கல்யாணம் கட்டிக்க போகிறார்.

வீட்டுக்கு வந்தா அந்த மகராசி இந்த புகை படத்தை பார்த்து இல்லாத இந்த நகையெல்லாம் எங்கே என்று கேட்டு என் கணவனை கொன்று விட வேண்டும்!!

அப்பொழுதுதான் என் ஆத்மா சாந்தியடைய வேண்டும்!!

(வாய்விட்டு சிரிங்க... இது கதை தான்.. சிரிப்பதற்கு மட்டுமே)