ஆதிதிருவரங்கம் எனும் அபூர்வ ஆலயம்

திருவரங்கம் இரங்கநாதரை பார்ப்பதே மிகப் பெரிய பாக்கியம். அவரது ஆசி இருந்தால் மட்டுமே அவரை சென்று பார்க்க முடியும் என்று சொல்கிறார்கள்.

இரங்கநாதர் ஆலயங்கள் ஒவ்வொன்றிலும் பெருமாள் விதவிதமான சயனக் கோலத்தில் அருள்பாலித்து வருகிறார்.

சயனக் கோலத்தில் பெருமாள் சுமார் 15 அடி முதல் 21 அடி வரை காணப்படுகிறார். இந்த சயனக் கோல பெருமாள்களை மிஞ்சும் வகையில் திருக்கோவிலூர் அருகே ஆதித் திருவரங்கத்தில் இருக்கும் பெருமாள் மிக பிரம்மாண்டமான சயனக் கோலத்தில் இருக்கிறார்.

23 அடி நீளத்தில் இங்கு இரங்கநாதர் புஜங்க சயனத்தில் காட்சியளித்துக் கொண்டிருக்கிறார்.

தமிழகத்திலேயே மிகப்பெரிய சயனக் கோல பெருமாள் இவர்தான். ஸ்ரீரங்கம் பெருமாளையும் விட பெரியவர்.

ஸ்ரீரங்கம் தலம் தோன்றும் முன்பே உதித்து விட்டவர் .எனவே இவரை 'பெரிய பெருமாள் 'என்று சொல்கிறார்கள்.

ஸ்ரீரங்கத்து இரங்கநாதர் 7 வது அவதாரத்தில் தான் வந்தார். ஆனால் ஆதி திருவரங்கம் இரங்கநாதர் முதல் அவதாரத்திலேயே வந்து விட்டவர். இதிலிருந்து ஆதிதிருவரங்கம் இரங்கநாதர் முதன்மையானவர் என்பது புரியும். ஆதி திருவரங்கம் இரங்கநாதரை பார்ப்பதே மிகப்பெரிய பாக்கியம் .அவரது ஆசி இருந்தால் மட்டுமே அவரை சென்று பார்க்க முடியும் என்று சொல்கிறார்கள்.

இக்கோயில் திராவிட கட்டிடக் கலை பாணியில் கட்டப்பட்டுள்ளது.