வரலாற்றில் இன்று வைகாசி 12

வரலாற்றில் இன்று வைகாசி 12

1888 – தென்கிழக்காசியாவில், வடக்கு போர்னியோ பிரித்தானியாவின் நேரடி ஆட்சியின் கீழ் வந்தது.

1922 – 20 தொன் விண்கல் வேர்ஜீனியாவில் வீழ்ந்தது.

1926 – இத்தாலியில் தயாரிக்கப்பட்ட நோர்ச் வான்கப்பல் வட முனைக்கு மேலாகச் சென்ற முதலாவது வானூர்தி ஆகும்.

1937 – ஆறாம் ஜோர்ஜ், எலிசபெத் மகாராணி பிரித்தானியாவின் ஆட்சியாளர்களாக முடிசூடினர்.

1941 – உலகின் முதலாவது நிரலொழுங்கு, தானியங்கிக் கணினி Z3 அறிமுகப்படுத்தப்பட்டது.

1942 – இரண்டாம் உலகப் போர்: அமெரிக்க எண்ணெய்க் கப்பல் வர்ஜீனியா மிசிசிப்பி ஆற்றில் ஜெர்மானிய யூ-507 நீர்மூழ்கியினால் தாக்கி மூழ்கடிக்கப்பட்டது.

1949 – பனிப்போர்: சோவியத் ஒன்றியம் பெர்லின் மீதான முற்றுகையை நிறுத்தியது.

1965 – சோவியத் ஒன்றியத்தின் லூனா 5 விண்கலம் சந்திரனில் மோதியது.

1978 – சாயிரில், கொல்வேசி நகரைத் தீவிரவாதிகள் கைப்பற்றினர்.

1981 – ஐரியக் குடியரசுப் படையைச் சேர்ந்த தன்னார்வலர் பிரான்சிசு இயூசு சிறையில் உண்ணாநோன்பிருந்து இறந்தார்.

1982 – போர்த்துகலில் திருத்தந்தை இரண்டாவது ஜோன் போலைக் கொலை செய்ய எடுக்கப்பட்ட முயற்சி தோல்வியடைந்தது.

1998 – இந்தோனேசியாவில் திரிசக்தி பல்கலைக்கழகத்தில் நான்கு மாணவர்கள் சுட்டுக் கொல்லப்பட்டனர்.

 இதனை அடுத்து அங்கு கலவரங்கள் ஆரம்பமாயின.

2002 – முன்னாள் அமெரிக்க அரசுத்தலைவர் ஜிம்மி கார்ட்டர் கியூபாவுக்கு ஐந்து-நாள் பயணம் மேற்கொண்டு கியூபா வந்தார்.

2003 – ரியாத் நகரில் அல் காயிதா மேற்கொண்ட தாக்குதல்களில் 26 பேர் கொல்லப்பட்டனர்.

2006 – பிரேசில், சாவோ பாவுலோ நகரில் மக்கள் ஆர்ப்பாட்டத்தின் போது 150 பேர் உயிரிழந்தனர்.

2008 – சீனாவின் சிச்சுவான் மாகாணத்தில் 8.0 அளவு நிலநடுக்கம் ஏற்பட்டதில் 69,000 பேர் உயிரிழந்தனர்.

2010 – லிபியாவின் திரிப்பொலி பன்னாட்டு விமான நிலையத்துக்கருகில் விமானம் ஒன்று வீழ்ந்ததில் 103 பேர் உயிரிழந்தனர், ஒருவர் உயிர் தப்பினார்.

2015 – நேபாளத்தில் இடம்பெற்ற நிலநடுக்கத்தில் 218 பேர் உயிரிழந்தனர்.

2017 – பணயத் தீநிரல் உலக அளவில் ஏறத்தாழ 400 ஆயிரம் கணினிகளைத் தாக்கியது.