உங்கள் வாழ்க்கை துணை எந்த ஊரிலிருந்து வரப்போறாங்க தெரியுமா?

ஒரு ஆணுடைய வாழ்க்கை துணையாக வரப்போகிற பெண் எந்த திசையில் இருந்து வரப்போகிறார் என்பதை நம்மால் அறிந்து கொள்ள முடியுமா? என்றால் ஜோதிடம் முடியும் என்று கூறுகிறது. குறிப்பாக உங்கள் ராசியே அதனை காண்பித்து விடும் என்றும் ஜோதிடர்கள் கூறுகின்றார்கள். ஒருவருடைய திருமண வாழ்க்கையை குறிப்பிடக் கூடியது அவருடைய ஜாதகத்தில் உள்ள ஏழாம் வீடு தான். 

இதன் அடிப்படையில் தான் உங்களுக்கு எந்த திசையில் இருந்து துணை அமைவார் என்று தெரிந்து கொள்ளலாம் என்கிறார்கள் ஜோதிடர்கள். ஒவ்வொரு ராசிக்கும் ஒவ்வொரு கிரகத்தின் பலன்கள் உண்டு. ஆகவே ஒருவரின் ஜாதகத்தின் படி ஏழாம் வீட்டில் இருக்கும் அதிபதியின் திசையை கொண்டே அவர்களுக்கு வரப்போகும் துணை இருக்கும் திசை கணிக்கப்படுகிறது. 

மேஷ ராசிக்காரர்களின் ராசி படி அவர்களுக்கு கிழக்கு மற்றும் தென்கிழக்கு திசையில் இருந்து அவர்களுக்கான வாழ்க்கை துணை அமைய வாய்ப்புகள் அதிகம் உள்ளது.

ரிஷப ராசிக்காரர்களுக்கு மேற்கு, வட மேற்கு திசைகளில் இருந்து துணை அமைய அதிக வாய்ப்புகள் உள்ளது என்கிறது ஜோதிடம்.

மிதுன ராசிக்காரர்களுக்கு கிழக்கு அல்லது வடகிழக்கிலிருந்து துணைகள் அமைய நிறைய வாய்ப்புகள் உள்ளதாம். 

கடக ராசிக்காரர்களுக்கு தெற்கு மற்றும் தென்மேற்கிலிருந்து துணைகள் வர வாய்ப்பு அதிகமாக உள்ளதாம்.

சிம்மராசிக்காரர்களுக்கு மேற்கு மட்டும் வடமேற்கு பகுதிகளில் இருந்து துணை வரை அதிக வாய்ப்பு உள்ளது.

கன்னி ராசிக்காரர்களுக்கு வடக்கு மற்றும் வடகிழக்கு திசையில் இருந்தும், துலாம் ராசிக்காரர்களுக்கு கிழக்கு மற்றும் தென்கிழக்கு திசையில் இருந்தும் வரன்கள் வர அதிக வாய்ப்பு உள்ளது. 

விருச்சிக ராசிக்காரர்களுக்கு தெற்கு மற்றும் தென்மேற்கு திசையில் இருந்து துணை குறித்த தகவல்கள் வரும். 

தனுசு ராசி காரர்களுக்கு மேற்கு மற்றும் வடகிழக்கு மற்றும் மகர ராசிக்காரர்களுக்கு வடக்கு மற்றும் வடமேற்கு பகுதிகளில் இருந்து துணை குறித்த தகவல்கள் வந்துசேரும். 

கும்ப ராசிக்காரர்களுக்கு தென்கிழக்கு திசையில் இருந்தும் கிழக்கு திசையில் இருந்தும் செய்திகள் வரும் மேலும் மீன ராசிக்காரர்களுக்கு தெற்கு மற்றும் தென்மேற்கு திசையில் இருந்து சுப தகவல்கள் வரும் என்கிறது ஜோதிடம்.