முருகப் பெருமானின் அருளை பெற அருமையான இரண்டு வழிகள்

மனிதனின் தேவைகளையும் ஆசைகளையும் பூர்த்தி செய்வதில் முருகப் பெருமானுக்கு நிகரான கடவுள் யாரும் இல்லை என்றே சொல்லலாம். அதனாலேயே பெரும்பாலோனரின் இஷ்ட தெய்வமாகிறார். முருகா என்று மனம் உருகி கூப்பிடும் குரலுக்கே வந்து நின்று அவர்களின் தேவைகளை உடனே நிறைவேற்றி தரக்கூடிய அரும்பெரும் கடவுளாக திகழ்பவர் இந்த கந்த கடவுள். முருகப் பெருமானை ஒரே ஒரு மூல மந்திரத்தின் மூலம் பூஜித்து அவரின் அருள் பார்வையை முழுதாக பெற முடியும் என்றால் அது எத்தனை பெரிய விஷயம். அந்த மந்திரம் குறித்த தகவலை தான் ஆன்மீகம் சார்ந்த இந்த பதிவில் நாம் தெரிந்து கொள்ள போகிறோம். முருகர் வழிபாடை செய்வதற்கு இன்னொரு சிறப்பு காரணமும் உண்டு. குரு பார்க்கின் கோடி நன்மை உண்டு என்ற பழமொழியை அறியாதவர் எவரும் இல்லை.

ஒருவருடைய ராசியில் குரு பகவானின் அருட்பார்வையானது பட்டு விட்டால் அவர்கள் வாழக்கூடிய ராஜபோக வாழ்க்கையை யாராலும் தடுக்க முடியாது என்பதும் அனைவரும் அறிந்ததே. அந்த குருவிற்கு குருவாக விளங்கக்கூடியவர் எனில் அது கந்த கடவுள் தான். ஆகையால் தான் குரு ஸ்தலமான திருச்செந்தூரில் கந்தக்கடவுளான முருகர் குருவாகவே அமர்ந்து பக்தர்களுக்கு அருள் பாலிக்கிறார். 

முருகனுடைய கடைக்கண் பார்வை முழுவதுமாக கிடைத்து உங்களுடைய வாழ்க்கையில் இருக்கும் துன்பங்கள் அனைத்தும் தூரப் போக வேண்டும் எனில் நிச்சயம் திருச்செந்தூர் ஆலயம் சென்று முருகனை தரிசித்து அங்கு ஒரு மணி நேரம் அந்த ஆலயத்தில் அமர்ந்து அவரின் அருளை பெற்று கொள்ளலாம். அங்கு எதை வேண்டி செல்கிறோமோ அதை நிச்சயம் தரக்கூடிய தெய்வமாக இவர் இருக்கிறார் என்பதில் எந்த சந்தேகமும் இல்லை. 

இந்த வழிபாடை நாம் செவ்வாய்க்கிழமை அன்று காலை 6 யிலிருந்து 7 செவ்வாய் ஓரையில் செய்வது மிகவும் சிறப்பு. செவ்வாய்க்கிழமை முருகர் வழிபாட்டிற்கு உகந்த நாளாகும். ஆகையால் அந்த நாளில் அவருடைய இந்த நாமத்தை உச்சரித்து வேண்டுவது அதிக பலன்களை கொடுக்கும். செவ்வாய்க்கிழமை காலையிலே எழுந்து உங்கள் பூஜை அறையில் விளக்கேற்றி வழிபாட்டிற்கு தயாராகி விடுங்கள். 

முருகர் படத்திற்கு செவ்வரளி மாலையை சூட்டி 2 அகல் விளக்கில் நெய் ஊற்றி தீபம் ஏற்றி வைத்துக் கொள்ளுங்கள். உங்களால் முடிந்த ஏதேனும் எளிமையான நெய்வேத்தியத்தை படைத்த பிறகு வெற்றிலை, பாக்கு, பூப்பழம், ஊதுபத்தி என பூஜைக்கான சகலத்தையும் தயார் செய்து வைத்துக் கொள்ளுங்கள். இவையெல்லாம் செய்த பிறகு முருகரின் திரு உருவப் படத்திற்கு முன்பாக அமர்ந்து மனதார இந்த மந்திரத்தை சொல்ல வேண்டும். 

ஓம் ளெளம் சரவணபவ ஸ்ரீம் க்ரீம் கீலிம் க்ளெம் ளெளம் நமஹ என்ற இந்த மூல மந்திரத்தை ஒரே ஒரு முறை மனதார முருகனை நினைத்து உருகி சொல்லிய பின் உங்களுடைய எந்த வேண்டுதல் நிறைவேற வேண்டுமோ அதையும் நினைத்து நடக்க வேண்டும் என்று வேண்டிக் கொள்ளுங்கள்.

இந்த வழிப்பாட்டை முருகர் ஆலயத்தில் சென்று செய்தாலும் சிறப்பு அங்கு இதே போல செவ்வரளி மாலையை வாங்கி கொடுத்து முருகருக்கு முன்பாக நெய் விளக்கு தீபம் வைத்து விட்டு அமர்ந்து இந்த மந்திரத்தை ஜெபித்து வேண்டினாலும் இன்னும் கூடுதல் பலன்களை பெறலாம்.