வீட்டில் மின் பாதுகாப்பு வழிமுறைகள்

வீட்டில் ஏற்படக்கூடிய மின்சாரம் விபத்துக்களை தவிர்ப்பது எப்படி?

1. எர்த் லீக்கேஜ் சர்குட் பிரேக்கர் (ELCB) ஒவ்வொரு வீட்டிற்கும் அவசியம், செலவு பாராமல் வைக்க வேண்டும். அதாவது இது ஒரு எர்த் இணைப்பில் கசியும் மின்சாரத்தை உணர்ந்து மின் இணைப்பை உடனே துண்டிக்கும் கருவியாகும்.

2. வீட்டிலுள்ள பழுதான, உடைந்த  அல்லது பழைய சுவிச்சுகளை அவசியம் மாற்றிவிட வேண்டும்.

3. நீரேற்றும் மோட்டர் சுவிச் போர்ட், வாஷிங் மிஷின் மற்றும் ஃபிரிட்ஜ் இவற்றின் கீழ் தரையில் ரப்பர் மேட் போட்டுக் கொள்வது பாதுகாப்பானது.

4. எந்த சுவிட்சை இயக்கும் போதும் இடது கையை பின்புறத்தில் கட்டிக் கொண்டு, வலது கை சுட்டு விரலால் மட்டுமே இயக்க வேண்டும். இதயம் இடது புறத்தில் உள்ளதால், மின்சாரம் கசிவு ஏற்பட்டு உடலில் பாயும்போது, முன்சாரம் இதயம் வழியாக பாயாமல் தவிர்கலாம்.

4. பாத்ரூம் சுவிச்போர்டின் மேல், ஒரு பழைய டூத் பிரஷ் வைத்துக்கொண்டு, அதனால் சுவிட்சைப் போடுவதே பாதுகாப்பானது.

5. மழைக்காலம் மற்றும் குளிர் நேரங்களில் வாட்டர் ஹீட்டர் அடிக்கடி பயன்படுத்த வேண்டியிருப்பதால், அதன் விஷயத்தில் மிகவும் ஜாக்கிரதையாக இருக்க வேண்டும். 

ஹீட்டருக்குல் தண்ணீர் செல்லாவிட்டால், ஹீட்டர் எலிமெண்ட் உருகி, மின்சாரம் பாய்ந்து விபத்து ஏற்பட வாய்ப்புள்ளது. ஹீட்டருக்கு கொடுக்க கூடிய இன்லெட், அவுட்லெட் ஏதும் மாறவே கூடாது. அவுட்லெட் , ஹாட் வாட்டர் டேப் வழியாக தண்ணீர் வருவதை உறுதி செய்து கொண்ட பின்னர்தான் ஹீட்டர் சுவிட்சை ஆன் பண்ண வேண்டும். நீர்மூழ்கி (இம்மர்சன்) ஹீட்டர் பயன்படுத்தும்போது சுவிட்சை ஆப் செய்துவிட்டுதான் தண்ணீரில் கை வைக்க வேண்டும்.

6. ஈரமான மின்சாதனங்களான வாஷிங் மெஷின், கிரைண்டர் போன்றவற்றைக் கையாளும் போது, சுவிச்சை ஆஃப் பண்ணாமல் ஈரத் துணிகளை எடுப்பதோ, மாவை அள்ளுவதோ கூடவே கூடாது.

7. இவ்வளவு கவனமாக இருந்தும், ஆக்சிடெண்டலாக ஷாக் அடிக்க நேர்ந்தால், நேர்ந்து விட்டால், அருகிலுள்ளவர் ஒரு கம்பால், பாதிக்கப்பட்டவரின் கையை அடிக்க வேண்டுமேயன்றி, அவரை நேரடியாக தொடவே கூடாது. இம்மாதிரியான நேரங்களில் உணர்ச்சி வசப்படாமல், அறிவு பூர்வமாக செயல்பட வேண்டும். செருப்பு இதற்கு நல்ல ஸேஃப்டி டூல். அதனால், அடித்துக் கூட காப்பாற்றலாம்.

8. கைக் குழந்தையை இடுப்பில் வைத்துக் கொண்டு மின்சாதனங்களைத் தொடவே கூடாது.

9. ஒருமுனை (சிங்கிள் பேஸ்) சப்ளை வைத்திருப்போர், இரு முனை அயன்கிளாட் சுவிட்ச்சும், 3 பேஸ் சப்ளை வைத்திருப்பவர்கள் 4 முனை சுவிட்ச்சும் வைத்திருக்க வேண்டும். நியூட்ரலில் லின்க் போட்டிருக்க வேண்டும்; ஃப்யூஸ் போடக் கூடாது. நியூட்ரல் கிரவுண்டிங்கை சரியாகப் பராமரிக்க வேண்டும்.

10. ELCB ஐ அவசியம் வாங்கிப் பொருத்துங்கள். ELCB இம்மாதிரி சமயங்களில் நம்மைக் காப்பாற்றும். வீடுகளில் வழக்கத்துக்கு மாறான வழியில் மின்சாரம் செல்லும் போது (உதாரணமாக ஒருவருக்கு ஷேக் அடிக்கும் போது), இந்த பாதுகாப்பு சாதணம் அதை உணர்ந்து மின்சாரம் இணைப்பை உடனே துண்டித்து, பெரிய அசம்பாவிதம் நடக்காமல் நம்மை காக்கும்.

11. தவழும் குழந்தைகள் உள்ள வீட்டுல் கண்டிப்பாக, தாழ்வாக உள்ள மின்சாரம் சாக்கெட்களை அதற்கான மூடி கொண்டு கவர் செய்யவேண்டும். கண்ட இடத்திலும்  எக்ஸ்டென்ஷன் வயர்களை போட்டுவைக்க கூடாது.