Ads
கைமாறு
நம்பிக்கை வைத்தே
நடந்து செல்கிறோம்
ஆனால் பாதை
வேறு எங்கோ
திரும்பி விடுகிறது
அன்பு பயணத்தில்
அரவம்
தீண்டி விடுகிறது
பச்சோந்திகளுக்கு
பழக்கப்பட்டவை அவை
அப்பாவிகள் நாம்தான்
அனாதையாகி விடுகிறோம்
பொய் தோரணங்களில்
புதைந்து போவதால்
உண்மை முகங்களை கண்டு
வியந்து நிக்கிறோம்
பணங்கள்
குணங்களை
மாற்றி விடுகிறது
வசதிகள்
வாய்மையை
ஒழித்து விடுகிறது
பகட்டும் பெருமையும்
பாசத்தை அழித்து
விடுகிறது
போலி சேவல்களின்
கூவலில்
பொழுதுகள் விடியவில்லை
திரோகங்கள் மட்டுமே
விழித்து நிற்கிறது
வசனம் பேசியவர்கள்
வசதி வந்ததும்
விஷமேறி விடுகிறது
புதிய முகவரிகள்
காணும்போது
பழையவை
காணாமல் போய் விடுகிறது
நேர்மையாய்
நடந்து பார்
ஏமாளி என்பார்கள்
உண்மையாய்
இருந்து பார்
உதவாக்கரை என்பார்கள்
மனம் வைத்து
பழகினாலும்
குணம் காட்டி விடுவார்கள்
உயிராய் நேசித்தாலும்
கொடிய
கைமாறு செய்வார்கள்
துரோகம் செய்பவரை மட்டும்
தூக்கி தோளில் சுமப்பார்கள்
Ads
Ads