Feed Item

பசியுடன் பாடசாலை செல்லும் குழந்தையின் ஏக்கம்..

தேங்காய்ச் சொட்டு!
************************
பட்டினி கிடந்து நாங்கள் சாகிறோம்
பார்க்க இங்கு யாருமில்லை.
பாராளுமன்ற உணவுக்காக-பலகோடி
ஒதுக்குதல் ஞாயமில்லை.

அடுப்பு எரித்து எத்தனை நாட்கள்
அம்மா,அப்பா வேலையில்லை-நாங்கள்
உடுப்பு வாங்கி எத்தனை நாட்கள்
ஊருக்கு வெளியில் போனதில்லை.

அப்புவும்,ஆச்சியும் நட்டு வைத்த
அழகான தென்னைமரங்களிவை
இப்புவிதன்னில் எம்மைக்காக்கும்
இதயம் நிரம்பிய வரங்களிவை.

அரசை நம்பி உணவுக்கலைந்தால்
ஆயுள் எம்மிடம் மிஞ்சாது.
அனைவரும் மரங்கள் நட்டு வளர்த்தால்
அகிலத்தில் பஞ்சம் எமக்கேது.

அன்புடன் -பசுவூர்க்கோபி

  • 68
Comments
Info