மேஷம், முதல் மீனம் வரை 12 ராசிக்கான ராகு கேது பெயர்ச்சி பலன்

மேஷம், முதல் மீனம் வரை 12 ராசிக்கான ராகு கேது பெயர்ச்சி பலன் பார்ப்போம்.

ரிஷப ராசியில் உள்ள ராகு மேஷ ராசிக்கும், விருச்சிக ராசியில் உள்ள கேது துலாம் ராசிக்கும் இடப்பெயர்ச்சியாகின்றனர். பிலவ வருடம் பங்குனி 7ம் தேதி 21/03/2022 மதியம் 3.02 மணிக்கு திங்கட்கிழமை வாக்கியப்பஞ்சாங்கப்படி ராகு கேது பெயர்ச்சி நிகழ உள்ளது திருக்கணித பஞ்சாங்கத்தின்படி பிலவ வருடம், பங்குனி மாத 29ம் தேதி 12.04.2022 மதியம் 1.38 மணியளவில் ராகு கேது பெயர்ச்சி நிகழ உள்ளது.

ராகுவும் கேதுவும் ஓவ்வொரு ராசியிலும் ஓன்றறை ஆண்டுகள் தங்கி சுப அசுப பலன்களைத் தருவார்கள். ஜனன ஜாதகத்தில் ராகு கேது 3, 6, 11 ,ஆகிய இடங்களில் அமரும் போது நல்ல பலனை தரக்கூடியவை. ராகு கேதுவுக்கு 3, 7, 11, பார்வைகள் விஷேசமானது.

பிறந்த ஜாதகத்தில் ராகு- கேது மேஷம், ரிஷபம், கடகம், கன்னி, மகரம், ஆகிய வீடுகளில் இருந்தால் வலுவான யோகம் உண்டு என்பது ஜோதிட விதி. நவக்கிரகங்களில் புதனை விட செவ்வாயும், செவ்வாயை விட சனியும், சனியை விட குருவும், குருவை விட சுக்கிரனும், சுக்கிரனை விட சந்திரனும் சந்திரனை விட சூரியனும் சூரியனை விட ராகுவும் ராகுவை விட கேதுவும்,பலம் பெற்றவர்கள். இந்த ராகு கேது பெயர்ச்சியால் சில ராசிக்காரர்கள் கோடீஸ்வர யோகம் பெறப்போகிறார்கள். அதே நேரத்தில் ரிஷபம், கடகம், துலாம், மகரம், ராசிக்காரர்கள் பரிகாரம் செய்தால் பாதிப்புகள் குறைய வாய்ப்பு உள்ளது.

ராகு கேது பெயர்ச்சி

ராகு ஆசைக்கு காரகர், கேது மோட்சத்திற்கு காரகர் இவர்களுக்கு ராசி மண்டலத்தில் சொந்த ஆட்சி வீடு கிடையாது இவர்கள் யாருடைய வீட்டில் இருக்கின்றனரோ யாருடைய சாரத்தில் இருக்கிறார்களோ அதனுடைய பலனை செய்வார்கள். ராகு இப்போது மேஷ ராசியில் செவ்வாய் வீட்டில் அமர்ந்து செவ்வாயைப் போல செயல்படப்போகிறார். கேது இனி துலாம் ராசியில் அமர்ந்து சுக்கிரனைப் போல செயல்படப்போகிறார்.

மேஷம்:

ராகு ஜென்ம ராசியில் அமர்ந்து 7ம் இடத்தை பார்ப்பதால் இது வரை செய்த பரிகாரங்களுக்கு இப்பொழுது தான் பலன் கிடைக்கும். திருமண யோகம் வரும். உத்தியோக உயர்வு கல்வி மேன்மையை பெற்று நல்ல வேலைக்கு போகலாம். உயர்கல்வியும் படிக்கும் வாய்ப்பு வரும். கேது 7ஆம் வீட்டில் இருப்பதால் வீண் விரைய செலவு அதிகரிக்கும் சுப செலவுகளாக மாற்றுங்கள். காரியங்களில் கவனமும் விழிப்புணர்வும் அவசியம்.

ரிஷபம்:

ரிஷப ராசியில் பிறந்தவர்களுக்கு இந்த ராகு கேது பெயர்ச்சி குடும்பத்தில் மகிழ்ச்சியை கொடுக்க இருக்கிறது. மன உளைச்சலில் இருந்து விடுபட இருக்கிறீர்கள். கணவன் மனைவிக்கு இடையே இருக்கும் கருத்து வேறுபாடுகள் நீங்கி ஒருவரையொருவர் புரிந்து கொள்ள முயற்சி செய்வீர்கள், இருப்பினும் ராகு அமர்ந்து இருக்கும் இடம் உங்கள் ராசிக்கு சரியாக இல்லாமல் இருப்பதால் உங்களிடம் உண்மை தன்மை இல்லை எனில் அதுவே பிரிவை நோக்கி பயணிக்க செய்யும், எனவே கவனமுடன் இருப்பது நல்லது. எதையும் ஒளிவு மறைவில்லாமல் நேர்மையாக நடந்து கொண்டால் குடும்ப வாழ்வில் சிக்கல் இல்லாமல் செல்லும்.

மிதுனம்:

ராகு லாப ஸ்தானத்தில் அமர்ந்து வெற்றியை தருவார். தொழில் வியாபாரத்தில் இரட்டிப்பு லாபத்தை தருவார் ராகு பகவான்.

மறைமுக வழியில் பங்குச்சந்தை முதலீடுகளில் லாபம் தருவார் ராகு பகவான். எதிர்பார்ப்பு எண்ணங்கள் ஈடேறும். கோடீஸ்வர யோகத்தை தரப்போகிறார் ராகுபகவான்.

கடகம்:

கடக ராசியில் பிறந்தவர்களுக்கு இந்த ராகு கேது பெயர்ச்சி காரிய வெற்றியை கொடுக்கும் அற்புதமான பலன்களைக் கொடுக்க இருக்கிறது. நீங்கள் தொட்டதெல்லாம் துலங்க கூடிய வாய்ப்புகள் உண்டு. தொழில் மற்றும் வியாபாரம் செய்பவர்களுக்கு மனதில் நிம்மதி அதிகரிக்கும். தொழில் ஸ்தானத்தில் ராகு அமர்ந்திருப்பதால் நீங்கள் எதிர்பார்ப்பதை விட உயர்ந்த இடத்திற்கு செல்லலாம். வேலை இல்லாமல் வேலை தேடிக் கொண்டிருப்பவர்களுக்கு எதிர்பார்க்கும் நல்ல வேலை அமைந்து செட்டில் ஆகிவிடுவார்கள். சுபகாரிய முயற்சிகள் வெற்றி தரும். கணவன் மனைவிக்கு இடையில் இருக்கும் பரஸ்பர அன்பு அதிகரிக்கும், இதனால் மகிழ்ச்சிக்கு குறைவிருக்காது.

சிம்மம்:

ஒன்பதாம் வீடான பாக்ய ஸ்தானத்தில் ராகு பயணம் செய்யப்போகிறார். நல்லது நிறைய நடக்கும் ராகு அள்ளித்தரப்போகிறார். புது வீடு கட்டலாம். புது தொழில் தொடங்கலாம்.

உங்களுடைய வாழ்க்கையில் மிகப்பெரிய மாற்றம் ஏற்படப்போகிறது. யோகங்கள் நிறைந்த ராகு கேது பெயர்ச்சியாக உள்ளது.

திடீர் அதிர்ஷ்டம் தேடி வரப்போகிறது. எதிர்பாராத பண மழையில் நனையத் தயாராகுங்கள்.

கன்னி:

கன்னி ராசியில் பிறந்தவர்களுக்கு இந்த ராகு கேது பெயர்ச்சி பல மாற்றங்களை கொடுக்க இருக்கிறது. இடமாற்றம், தொழில் மாற்றம், உத்தியோக மாற்றம் போன்ற மாற்றங்கள் சிலருக்கு ஏற்படுவதற்கான வாய்ப்புகள் உண்டு. ஒரு சிலருக்கு குடும்பத்தை விட்டு பிரிந்து இருக்கும் சூழ்நிலை ஏற்படலாம். பொருளாதார ரீதியான ஏற்றம் இருப்பதால் வரவுக்கு உரிய செலவு சரியாக இருக்கும், சேமிப்பும் அதிகரிக்க வாய்ப்புகள் உண்டு. தேவையற்ற நபர்களின் அறிமுகத்தை கூடுமானவரை தவிர்த்துக் கொள்ளுங்கள். முன்பின் தெரியாதவர்கள் மூலம் குடும்பத்தில் தேவையில்லாத சிக்கல்கள், கணவன் மனைவி உறவில் விரிசல் ஏற்படுவதற்கு வாய்ப்புகள் உண்டு எனவே கவனம் தேவை

தூலம்:

துலாம் ராசியில் பிறந்தவர்களுக்கு இந்த ராகு கேது பெயர்ச்சி பல எதிர்பார்ப்புகளை அதிகரிக்க செய்யும். தேவையற்ற ஆசைகளை மனதில் வளர்த்துக் கொள்ளாமல் இருப்பது நல்லது. களத்திர ஸ்தானத்தில் ராகு பயணிக்க இருப்பதால் கூட்டுத் தொழில் செய்பவர்களுக்கு புதிய மாற்றங்கள் ஏற்படலாம். கணவன்-மனைவிக்குள் இருக்கும் கருத்து வேறுபாடுகளை மனம் விட்டு பேசி தீர்த்துக் கொள்வது நல்லது. தேவையற்ற சிந்தனைகள் உங்களை பல உறவுகளிடம் இருந்து விலகி செல்ல செய்யும் என்பதால் எண்ணும் எண்ணத்தில் கவனம் தேவை.

விருச்சிகம்:

விருச்சிக ராசிக்காரர்களுக்கு ராகு ராசி நாதன் செவ்வாயைப் போல செயல்படப்போகிறார். ஜென்ம கேது மன ரீதியாக நிறைய வலிகளை கொடுத்து வந்தார்.

சில மாதங்களில் முடிவுக்கு வரப்போகிறது. புதிய தெம்பும் தைரியமும் கிடைக்கும். பணம் கொடுக்கல் வாங்கலில் இருந்த பிரச்சினைகள் முடிவுக்கு வரும்.

திடீர் பண வரவு வந்து திக்கு முக்காட வைக்கப்போகிறது. ராகு கேது பெயர்ச்சி மிகப்பெரிய வெற்றியை தரப்போகிறது.

தனுசு:

ஐந்தாம் வீடான பூர்வ புண்ணிய ஸ்தானத்தில் அமரப்போகும் ராகு பகவானால் முன்னோர்கள் சேர்த்து வைத்த சொத்துக்கள் கிடைக்கும். அந்த பணத்தை தக்க வைத்துக்கொள்ள வேண்டும்.

ஏதாவது ஒரு வழியில் பணம் தேடி வரும். பிள்ளைகள் வழியில் யோகம் தேடி வரும். பூர்வீக சொத்துக்கள் மூலம் வருமானம் அதிகரிக்கும். ஒன்றரை வருடத்தில் கோடீஸ்வர யோகத்தை தேடித்தருவார்.

பணப்பிரச்சினை நீங்கும். தொழிலில் லாபம் அதிகரிக்கும். பொருளாதாரத்தில் இருந்த மந்தத்தன்மை நீங்கும். பிள்ளைகளால் ஏற்பட்ட மன உளைச்சல் முடிவுக்கு வரும். போட்டி பொறாமைகள் விலகும் காலம் வரப்போகிறது.

மகரம்:

மகர ராசியில் பிறந்தவர்களுக்கு இந்த ராகு கேது பெயர்ச்சி உங்களுக்கு இருந்து வந்த தடைகளை தகர்த்து எறிய செய்து தன்னம்பிக்கையை அதிகரிக்க செய்யும். உற்றார் உறவினர்களின் ஆதரவு பெருகும். தாய்வழி உறவினர்கள் மூலம் வீண் விரயங்கள் ஏற்படுவதற்கு வாய்ப்புகள் இருப்பதால் விழிப்புணர்வு தேவை. தேவையற்ற இடங்களுக்கு பயணம் செய்வதை தவிர்ப்பது நல்லது. அசையும் மற்றும் அசையா சொத்துக்கள் வாங்கும் முயற்சிகளில் சாதகப்பலன் காணலாம். வெளியூர் மற்றும் வெளி நாட்டுடன் தொடர்புடைய தொழிலில் இருப்பவர்களுக்கு லாபம் அதிகரிக்கும். குடும்பத்தை விட்டு பிரியும் சூழ்நிலை ஏற்படலாம். இட மாற்றம் குறித்த விஷயங்களில் எச்சரிக்கை தேவை. கடன் தொல்லையிலிருந்து விடுபட இருக்கிறீர்கள். உங்களை சுற்றி இருந்த எதிரிகளின் சூழ்ச்சிகளை முறியடித்து வெற்றி காணலாம்.

கும்பம்:

கும்ப ராசிக்காரர்களுக்கு ராசிக்கு மூன்றாவது வீட்டிற்கு ராகு வருவதால் தைரியம் தன்னம்பிக்கை அதிகரிக்கும். புதிய தொழில் முயற்சிகளில் வெற்றி கிடைக்கும்.

இரட்டிப்பு லாபம் கிடைக்கும். பாக்ய ஸ்தானத்திற்கு வரப்போகும் கேது அப்பா வழி சொத்துக்களை தேடித்தருவார்.

முன்னோர் வழி சொத்துக்கள் மூலம் பண வரவு அதிகரிக்கும். வீண் விரைய செலவுகளைத் தவிர்த்தால் இந்த ராகு கேது பெயர்ச்சி காலத்தில் கோடீஸ்வரர் ஆகும் யோகம் தேடி வரும்.

மீனம்:

ராகு அள்ளிக்கொடுப்பார். திடீரென கோடீஸ்வர யோகத்தையும் தருவார். கேது மோட்ச காரகன் தடை செய்வார். மீன ராசி மீன லக்னகாரர்களுக்கு கோடீஸ்வர யோகத்தை தருவார்.

ஏதாவது ஒரு விதத்தில் பணம் வரும். பேசியே காரியம் சாதிப்பார்கள். ராகு 2ஆம் வீட்டில் குடும்ப, வாக்கு ஸ்தானத்தில் அமர்ந்து பயணம் செய்வதால் பணத்தை அள்ளிக்கொடுப்பார்.