Ads
May 18 Tamil Genocide Remembrance Day
May 18 Tamil Genocide Remembrance Day photos
பொதுநலன் கருதி வெளியீடு 😊1. சீலிங் ஃபேனைத் துடைக்கும் முன் முதலில் காய்ந்த துணியால் துடைத்து விட்டு பின் ஈரத்துணியில் துடைக்கவும் இல்லை என்றால் தூசுக்கள் ஃபேன் முழுதும் அப்பிக் கொள்ளும்2. லாப்டில் உள்ள பொருட்களை எடுக்கும் போது #பொறுமையாக எடுக்கவும். கவனம் தவறினால் தலையில் விழ வாய்ப்புகள் அதிகம். மண்ட பத்திரம்3. சீலிங் ஃபேன்களை ஆப் செய்து விட்டு பிறகு ட்யுப் லைட்டுகளை துடைக்கவும். இல்லையேல் இறக்கையில் சிரம்,கரம் பட்டு ரணம் ஆக நேரிடும்4. ஒட்டடை அடிக்கும் போது ஹெல்மெட் போட்டுக் கொண்டால் தூசு தும்புகள் கண்,வாய்,தலையில் விழாமல் தடுக்கலாம்5. இத்தனை வேலைகள் கஷ்டப்பட்டு செய்த பின்னால் ''என்ன கிளீன் பண்ணிருக்கீங்க அங்கங்க அழுக்கு இருக்கு" என்று ஒரு அசரீரி கேட்கும்.அதைக் கேட்டுப் பொங்கி எழாமல் சட்டையைப் போட்டுக் கொண்டு அருகில் உள்ள பேக்கரிக்குச் சென்று ஒரு கப் காபி சாப்பிடவும். அதனால் மேற்படி டேமேஜ் ஆகாமல் தவிர்க்கலாம்.பாதுகாப்புடன் ஆயுதபூஜையை கொண்டாடுவீர்
தமிழ் வருடம் ஸ்ரீ குரோதி, புரட்டாசி மாதம் 19 ஆம் தேதி மேஷம் -ராசி: விலை உயர்ந்த பொருட்களை வாங்குவீர்கள். சக ஊழியர்கள் ஆதரவாக இருப்பார்கள். எதிர்பாராத சில புதிய வாய்ப்புகள் கிடைக்கும். சுப காரிய பேச்சு வார்த்தைகள் கைகூடும். திறமைகளை வெளிப்படுத்த வாய்ப்புகள் கிடைக்கும். புதிய பயணங்களின் மூலம் நட்பு வட்டாரம் விரிவடையும். சகோதரர்கள் வழியில் ஒத்துழைப்பு ஏற்படும். சுகம் நிறைந்த நாள்.அதிர்ஷ்ட எண் : 8அதிர்ஷ்ட நிறம் : இளமஞ்சள் ரிஷபம் ராசி: தந்திரமாக செயல்பட்டு எண்ணியதை நிறைவேற்றி கொள்வீர்கள். உத்தியோகப் பணிகளில் முக்கியத்துவம் அதிகரிக்கும். உடனிருப்பவர்களால் லாபம் ஏற்படும். திடீர் வாய்ப்புகள் மூலம் மாற்றம் உண்டாகும். எதிர்ப்புகளின் தன்மைகளை புரிந்து கொள்வீர்கள். நெருக்கமானர்களிடம் விட்டுக்கொடுத்து செயல்படவும். புகழ் நிறைந்த நாள்.அதிர்ஷ்ட எண் : 4அதிர்ஷ்ட நிறம் : மஞ்சள் மிதுனம் -ராசி: நண்பர்களின் வழியில் அனுகூலம் உண்டாகும். வித்தியாசமான கற்பனைகளால் குழப்பமான சூழல் ஏற்படும். கணவன், மனைவிக்கிடையே புரிதல் அதிகரிக்கும். வியாபார பணிகளில் அலைச்சல் உண்டாகும். பூர்வீக வீட்டை சீரமைப்பீர்கள். உத்தியோகப் பணிகளில் விவேகத்துடன் செயல்படவும். பாராட்டு நிறைந்த நாள்.அதிர்ஷ்ட எண் : சாம்பல் நிறம்அதிர்ஷ்ட நிறம் : சாம்பல் கடகம் -ராசி: கடன் சார்ந்த சிந்தனைகள் ஏற்பட்டு நீங்கும். சக ஊழியர்களின் வழியில் அனுகூலமான சூழ்நிலை அமையும். எதிர்பார்த்த சில பணிகள் நிறைவேறும். விருப்பமானவைகளை வாங்கி மகிழ்வீர்கள். தாயுடன் அனுசரித்துச் செல்லவும். குழந்தைகளை பற்றிய புரிதல் ஏற்படும். மனதில் இருந்துவந்த குழப்பங்களுக்கு தீர்வு கிடைக்கும். ஆதாயம் நிறைந்த நாள்.அதிர்ஷ்ட எண் : 7அதிர்ஷ்ட நிறம் : நீலம் சிம்மம் -ராசி:சகோதரர்களின் வழியில் ஒத்துழைப்பு உண்டாகும். எதிலும் தன்னம்பிக்கையுடன் செயல்படுவீர்கள். போட்டி மனப்பான்மையை குறைத்துக்கொள்வது நல்லது. காது தொடர்பான இன்னல்கள் குறையும். இசை சார்ந்த துறைகளில் முனேற்றமான வாய்ப்புகள் கிடைக்கும். கனிவான செயல்பாடுகளால் மதிப்பு அதிகரிக்கும். தாமதம் நிறைந்த நாள். அதிர்ஷ்ட எண் : 5அதிர்ஷ்ட நிறம் : சிவப்பு கன்னி -ராசி: செயல்பாடுகளில் இருந்துவந்த சோர்வு குறையும். குடும்பத்தில் கலகலப்பான சூழல் உண்டாகும். பொருளாதார சிக்கல்கள் குறையும். வேலையாட்களிடம் அனுசரித்துச் செல்லவும். வியாபாரத்தில் சாதகமான சூழல் அமையும். கொடுத்த வாக்குறுதிகளை காப்பாற்றுவீர்கள். அலுவலகத்தில் மதிப்பு அதிகரிக்கும். விருப்பம் நிறைவேறும் நாள்.அதிர்ஷ்ட எண் : 6அதிர்ஷ்ட நிறம் : அடர்மஞ்சள் துலாம் -ராசி: சில பணிகளை நீங்களே செய்து முடிப்பது நல்லது. குடும்பத்தில் விட்டுக்கொடுத்துச் செயல்படவும். எதிலும் தாழ்ந்த மனப்பான்மை இன்றி செயல்படவும். மற்றவர்கள் பற்றிய கருத்துகளை தவிர்க்கவும். புதிய முதலீடுகளில் கவனம் வேண்டும். பணிகளில் அலைச்சல்கள் அதிகரிக்கும். எதிலும் பொறுமையுடன் செயல்படுவது நல்லது. விவேகம் வேண்டிய நாள்.அதிர்ஷ்ட எண் : 8அதிர்ஷ்ட நிறம் : பச்சை விருச்சிகம்- ராசி: எதிலும் விவேகத்துடன் செயல்படுவது நல்லது. திடீர் பயணங்களால் புதிய அனுபவம் கிடைக்கும். வியாபார போட்டிகளை சமாளிப்பீர்கள். இலக்குகளில் மாற்றம் ஏற்படும். கல்வி பணிகளில் புரிதல் இன்மை ஏற்படும். விருப்பமானவைகளை வாங்கி மகிழ்வீர்கள். சக ஊழியர்களிடத்தில் கருத்து வேறுபாடுகள் ஏற்பட்டு நீங்கும். அனுபவம் மேம்படும் நாள்.அதிர்ஷ்ட எண் : 7அதிர்ஷ்ட நிறம் : வெளிர்மஞ்சள் தனுசு -ராசி: பெரியோர்களின் ஆசிகள் கிடைக்கும். உயர் அதிகாரிகளின் உதவிகள் கிடைக்கும். சேமிப்பு சார்ந்த சிந்தனைகள் ஏற்படும். சமூகப் பணிகளில் மேன்மை உண்டாகும். விருப்பமான பொருட்களை வாங்குவீர்கள். செயல்பாடுகளில் அனுபவம் வெளிப்படும். மனைகள் மூலம் ஆதாயம் உண்டாகும். மனதளவில் தெளிவு பிறக்கும். அலைச்சல் நிறைந்த நாள்.அதிர்ஷ்ட எண் : 5அதிர்ஷ்ட நிறம் : ஆரஞ்சு மகரம் -ராசி:அனுபவ முடிவுகளால் அனுகூலம் உண்டாகும். அலுவலகத்தில் அதிகாரம் மேம்படும். உழைப்புக்கான பலன்கள் கிடைக்கும். எதிராக செயல்பட்டவர்கள் விலகிச் செல்வார்கள். வாகன வசதிகள் மேம்படும். செலவுகளை குறைக்க திட்டமிட்டு செயல்படுவீர்கள். கணவன், மனைவிக்கிடையே ஒற்றுமை அதிகரிக்கும். வெற்றி நிறைந்த நாள்.அதிர்ஷ்ட எண் : 4அதிர்ஷ்ட நிறம் : பொன்னிறம் கும்பம் –ராசி:புதியவர்களின் அறிமுகத்தால் மாற்றங்கள் பிறக்கும். புனித ஸ்தலங்களுக்கு சென்று வருவீர்கள். வியாபாரத்தில் சில மாற்றமான சூழல் ஏற்படும். வாகன பழுதுகளால் தாமதம் உண்டாகும். எதிலும் பதற்றமின்றி செயல்படுவது நல்லது. தந்தைவழி உறவுகளால் அனுகூலம் ஏற்படும். நன்மை நிறைந்த நாள்.அதிர்ஷ்ட எண் : 8அதிர்ஷ்ட நிறம் : அடர்நீலம் மீனம் -ராசி: மற்றவர்களின் விவகாரங்களில் தலையிடுவதை தவிர்க்கவும். வியாபாரத்தில் போட்டிகள் அதிகரிக்கும். ஜாமீன் விஷயங்களில் கவனம் வேண்டும். உயர் அதிகாரிகளிடம் விவேகத்துடன் செயல்படவும். வாக்குறுதி அளிப்பதை குறைத்துக் கொள்ளவும். குடும்பத்தில் வளைந்து கொடுத்து செயல்படுவது நல்லது. சமூகப் பணிகளில் அலைச்சல் மேம்படும்.நிதானம் வேண்டிய நாள்.அதிர்ஷ்ட எண் : 5அதிர்ஷ்ட நிறம் : ஊதா இன்றைய நாள் இனிய நாளாக அமைந்திட வாழ்த்துகள்.
இலங்கையில் மேற்கொள்ளப்படவுள்ள முதலீடுகள் மற்றும் அபிவிருத்தி திட்டங்கள் தொடர்பிலும் ஜனாதிபதி அனுரகுமார திஸாநாயக்கவுடன், இந்திய வெளிவிவகார அமைச்சர் எஸ்.ஜெய்சங்கர் கலந்துரையாடியுள்ளார்.இதன்படி, காங்கேசன்துறை துறைமுகத்தை நவீனமயமாக்கும் நடவடிக்கைகளுக்காக 61.5 மில்லியன் அமெரிக்க டொலர் நிதியுதவியை இந்தியா வழங்கவுள்ளதாக அறிவிக்கப்பட்டுள்ளது.அத்துடன் இலங்கை தொடருந்து திணைக்களத்துக்கு 22 டீசல் இயந்திரங்களைப் பரிசாக வழங்குவதற்கு இந்தியா தீர்மானித்துள்ளதாகவும் இந்திய வெளிவிவகார அமைச்சர் ஜனாதிபதி அனுரகுமார திஸாநாயக்கவிடம் தெரிவித்துள்ளார்.இதேவேளை, எரிசக்தி, வலுசக்தி, சுகாதாரம், சுற்றுலா, பால்வள மேம்பாடு மற்றும் டிஜிட்டல் மயமாக்கல் உள்ளிட்ட விடயங்கள் தொடர்பிலும் இலங்கைக்கான விஜயத்தின் போது இந்திய வெளிவிவகார அமைச்சர் கலந்துரையாடியுள்ளதாக அந்த நாட்டு வெளிவிவகார அமைச்சு விடுத்துள்ள அறிக்கையில் தெரிவிக்கப்பட்டுள்ளது.000
பேருந்தில் பயணிகளிடம் கட்டணம் அறவிட்ட பின்னர் அதற்கான பயணச்சீட்டையும் மிகுதிப் பணத்தையும் வழங்காத நடத்துனர்கள் தொடர்பில் முறைப்பாடு செய்ய முடியும் என தேசிய போக்குவரத்து ஆணைக்குழு அறிவித்துள்ளது.1955 என்ற அவசர தொலைபேசி இலக்கத்திற்குத் தொடர்பு கொண்டு, குறித்த முறைப்பாடுகளை முன்வைக்க முடியும் என அந்த ஆணைக்குழு குறிப்பிட்டுள்ளது.எரிபொருள் விலை திருத்தம் செய்யப்பட்டதன் பின்னர், பேருந்து பயண கட்டணமும் குறைக்கப்பட்டுள்ளது.இந்தநிலையில், மிகுதிப் பணத்தைப் பெற்றுக்கொள்வது தொடர்பில் பேருந்து நடத்துனர்களுக்கும், பயணிகளுக்கும் இடையில் வாய்த்தர்க்கம் ஏற்பட்டுள்ள சம்பவங்கள் பதிவாகியுள்ளதாகவும் தேசிய போக்குவரத்து ஆணைக்குழு தெரிவித்துள்ளது.000
எதிர்வரும் நவம்பர் மாதம் 14 ஆம் திகதி இடம்பெறவுள்ள நாடாளுமன்றத் தேர்தலுக்கான வேட்பு மனுக்களைப் பெற்றுக் கொள்ளும் செயற்பாடுகள் ஆரம்பிக்கப்பட்டுள்ளன.இதற்கமைய 11ஆம் திகதி வரை 22 தேர்தல் மாவட்டங்களுக்குமான வேட்பு மனுக்கள் அந்தந்த மாவட்ட தேர்தல் தெரிவத்தாட்சி அதிகாரிகள் ஊடாக ஏற்றுக் கொள்ளப்படுமென அறிவிக்கப்பட்டுள்ளது.இதேவேளை, எதிர்வரும் 27 ஆம் திகதியை விசேட தினமாக அறிவித்து உத்தியோகபூர்வ வாக்காளர் அட்டைகளை விநியோகிக்கும் பணிகள் முன்னெடுக்கப்படும் எனப் பிரதி அஞ்சல்மா அதிபர் ராஜித ரணசிங்க தெரிவித்துள்ளார். கொழும்பில் இடம்பெற்ற ஊடக சந்திப்பில் வைத்து அவர் இதனைக் குறிப்பிட்டுள்ளார்.000
2024 ஆம் ஆண்டு நாடாளுமன்ற தேர்தலில் இளைஞர்கள் மற்றும் மகளிர் பிரதிநிதித்துவம் அதிகரிக்கப்பட வேண்டும் என பெஃரல் அமைப்பு அரசியல்கட்சிகளிடம் கோரிக்கை விடுத்துள்ளது.கொழும்பில் இடம்பெற்ற ஊடக சந்திப்பில் கலந்து கொண்டு கருத்துரைத்த பெஃரல் அமைப்பின் நிறைவேற்று பணிப்பாளர் ரோஹண ஹெட்டியாராச்சி இதனை தெரிவித்துள்ளார்.இது குறித்து அவர் மேலும் தெரிவித்துள்ளதாவது,நாடாளுமன்ற தேர்தலுக்கான வேட்பு மனுக்களை ஏற்றுக்கொள்ளும் நடவடிக்கை ஆரம்பமாகின்றது. நாட்டில் போராட்ட களத்தின் பின்னர் இடம்பெறுகின்ற நாடாளுமன்ற தேர்தல் இதுவாகும். நாட்டில் மாற்றம் ஒன்றை மக்கள் எதிர்ப்பார்க்கின்றனர். எனவே தேர்தலில் இளைஞர்களுக்கும் மகளிருக்கு முன்னுரிமையளிக்குமாறு நாம் அரசியல் கட்சிகளிடம் கோரிக்கை விடுக்கின்றோம்.குறைந்தபட்சம் 2 பெண் வேட்பாளர்களையேனும் முன்னிறுத்துமாறு கோருகின்றோம். சுயாதீன குழுக்கள் தேர்தலில் போட்டியிடுவதாயின் அவர்களுக்கு 5 லட்சத்து 20 ஆயிரம் ரூபா மாத்திரமே செலவிட நேரிடும். ஏனெனில் சுயாதீன வேட்பாளர்கள் மாத்திரமே நாடாளுமன்ற தேர்தலில் போட்டியிடுவதற்கு 2000 ரூபா கட்டுப்பணம் அறவிடப்படுகின்றது. இது மிகவும் குறைந்த கட்டணமாகும்.அரசியல் கட்சிகளின் உறுப்பினர்களிடம் கட்டுப்பணம் அறவிடப்படமாட்டாது. 196 பேர் மாத்திரமே மக்கள் வாக்கெடுப்பினால் தெரிவு செய்யப்படுவார்கள்.ஏனைய 29 பேர் தேசிய பட்டியல் ஊடாக தெரிவு செய்யப்படுவார்கள். தேர்தல் சட்டவிதிமுறைகளை மீறி செயற்படுபவர்களுக்கு எதிராக நடவடிக்கை எடுக்கப்படும் என ரோஹண ஹெட்டியாராச்சி தெரிவித்துள்ளார்.000
இலங்கையில் இம்முறை மிகவும் அமைதியான முறையில் ஜனாதிபதித் தேர்தலை நடத்தியுள்ளோம். இந்தத் தேர்தலில் நாட்டு மக்கள் வழங்கிய தீர்ப்பை மதிப்பதுடன் எனது ஜனாதிபதிப் பதவிக் காலத்தில் நாட்டுக்கும், மக்களுக்கும் என்னால் இயன்ற பணிகளை ஆற்றியுள்ளேன். அந்தச் சந்தர்ப்பத்தில் இந்தியா வழங்கிய முழுமையான ஒத்துழைப்புகளுக்கு நன்றிகளைத் தெரிவித்துக்கொள்கின்றேன் என முன்னாள் ஜனாதிபதி ரணில் விக்கிரமசிங்க தெரிவித்தார்.உத்தியோகபூர்வ விஜயம் மேற்கொண்டு நேற்றையதினம் (04) இலங்கை வந்த இந்திய வெளிவிவகார அமைச்சர் கலாநிதி சுப்பிரமணியம் ஜெய்சங்கர், முன்னாள் ஜனாதிபதி ரணில் விக்கிரமசிங்கவை சந்தித்து விசேட கலந்துரையாடலில் ஈடுபட்டார். இதன்போதே, ரணில் விக்கிரமசிங்க இவ்வாறு தெரிவித்தார்.ஜனாதிபதி அநுரகுமார திஸாநாயக்க தலைமையிலான புதிய அரசு இந்தியாவுடனான வலுவான உறவைப் பேணும் என்று நம்புவதாகவும் முன்னாள் ஜனாதிபதி ரணில் விக்கிரமசிங்க, இந்திய வெளிவிவகார அமைச்சரிடம் மேலும் தெரிவித்தார்.இலங்கைக்கான இந்தியத் தூதுவர் சந்தோஷ் ஜா, பிரதித் தூதுவர் கலாநிதி சத்தியஞ்சல் பாண்டே, முன்னாள் ஜனாதிபதி ரணில் விக்கிரமசிங்கவின் சிரேஷ்ட ஆலோசகர் ருவன் விஜயவர்தன உள்ளிட்டோர் இந்தச் சந்திப்பில் கலந்து கொண்டனர்.கொழும்பில் உள்ள முன்னாள் ஜனாதிபதி ரணில் விக்கிரமசிங்கவின் தனிப்பட்ட இல்லத்தில் இந்தச் சந்திப்பு இடம்பெற்றமை குறிப்பிடத்தக்கது000
பங்ளாதேஷின் இடைக்கால அரசாங்கம் வெளிநாடுகளில் உள்ள தனது தூதரகங்களில் மறுசீரமைப்பு செய்து வருகிறது.அந்த வகையில், இந்தியாவுக்கான தூதுவர் உட்பட ஐந்து நாடுகளுக்கான தனது தூதர்களை மீட்டுக்கொண்டுள்ளது. இதனை அந்நாட்டு வெளியுறவு அமைச்சு அறிவித்துள்ளது.தெற்காசிய நாடான பங்ளாதேஷில் ஏற்பட்ட அதிரடி அரசியல் மாற்றங்களால் அமைதிக்கான நோபெல் பரிசு பெற்ற முகம்மது யூனுஸ் தலைமையில் மாணவர்கள் ஆதரவுடனான இடைக்கால அரசாங்கம் ஆட்சி செய்து வருகிறது.பங்ளாதேஷில் பல வாரங்களாக நீடித்த போராட்டங்களுக்குப் பிறகு ஷேக் ஹசீனா, கடந்த ஆகஸ்ட் 5 ஆம் திகதி தனது பிரதமர் பதவியைத் துறந்துவிட்டு இந்தியாவுக்குத் தப்பிச் சென்றார்.இந்நிலையில், பங்ளாதேஷ் அரசாங்கம் வெளிநாடுகளில் உள்ள தனது தூதரகங்களில் உள்ள உயர்மட்ட அதிகாரிகளை மாற்றியமைக்கும் பணியை முடுக்கிவிட்டுள்ளது.அந்த வகையில், ஐந்து நாடுகளுக்கான தனது தூதுவர்களை உடனடியாக நாடு திரும்புமாறு பங்ளாதேஷ் வெளியுறவு அமைச்சு உத்தரவிட்டுள்ளது.அந்தத் தூதுவர்கள் நாடு திரும்பியதும் தங்களுடைய பொறுப்புகளில் இருந்து தங்களை விடுவித்துக் கொள்ள வேண்டும் என்றும் வெளியுறவு அமைச்சு கேட்டுக் கொண்டுள்ளது.ஏற்கனவே, பிரிட்டனுக்கான பங்ளாதேஷ் தூதுவர் சைதா முனா தஸ்னீமை நாடு திரும்பும்படி உத்தரவு பிறப்பிக்கப்பட்டிருந்தது. அதைத் தொடர்ந்து இப்போது ஐந்து தூதுவர்கள் நாடு திரும்ப உத்தரவு பிறப்பிக்கப்பட்டுள்ளது.முன்னாள் பிரதமர் ஹசீனா ஆட்சியின்போது அவருடைய கொள்கைகளுக்கு எதிராக மாணவர்கள் தலைமையில் நாடு முழுவதும் போராட்டங்களும் வன்முறைச் சம்பவங்களும் தலைவிரித்தாடின. அதன் விளைவாக 700 இற்கும் மேற்பட்டோர் உயிரிழந்தனர் என்பதும் சுட்டிக்காட்டத்தக்கது.000
பங்ளாதேஷின் இடைக்கால அரசாங்கம் வெளிநாடுகளில் உள்ள தனது தூதரகங்களில் மறுசீரமைப்பு செய்து வருகிறது.அந்த வகையில், இந்தியாவுக்கான தூதுவர் உட்பட ஐந்து நாடுகளுக்கான தனது தூதர்களை மீட்டுக்கொண்டுள்ளது. இதனை அந்நாட்டு வெளியுறவு அமைச்சு அறிவித்துள்ளது.தெற்காசிய நாடான பங்ளாதேஷில் ஏற்பட்ட அதிரடி அரசியல் மாற்றங்களால் அமைதிக்கான நோபெல் பரிசு பெற்ற முகம்மது யூனுஸ் தலைமையில் மாணவர்கள் ஆதரவுடனான இடைக்கால அரசாங்கம் ஆட்சி செய்து வருகிறது.பங்ளாதேஷில் பல வாரங்களாக நீடித்த போராட்டங்களுக்குப் பிறகு ஷேக் ஹசீனா, கடந்த ஆகஸ்ட் 5 ஆம் திகதி தனது பிரதமர் பதவியைத் துறந்துவிட்டு இந்தியாவுக்குத் தப்பிச் சென்றார்.இந்நிலையில், பங்ளாதேஷ் அரசாங்கம் வெளிநாடுகளில் உள்ள தனது தூதரகங்களில் உள்ள உயர்மட்ட அதிகாரிகளை மாற்றியமைக்கும் பணியை முடுக்கிவிட்டுள்ளது.அந்த வகையில், ஐந்து நாடுகளுக்கான தனது தூதுவர்களை உடனடியாக நாடு திரும்புமாறு பங்ளாதேஷ் வெளியுறவு அமைச்சு உத்தரவிட்டுள்ளது.அந்தத் தூதுவர்கள் நாடு திரும்பியதும் தங்களுடைய பொறுப்புகளில் இருந்து தங்களை விடுவித்துக் கொள்ள வேண்டும் என்றும் வெளியுறவு அமைச்சு கேட்டுக் கொண்டுள்ளது.ஏற்கனவே, பிரிட்டனுக்கான பங்ளாதேஷ் தூதுவர் சைதா முனா தஸ்னீமை நாடு திரும்பும்படி உத்தரவு பிறப்பிக்கப்பட்டிருந்தது. அதைத் தொடர்ந்து இப்போது ஐந்து தூதுவர்கள் நாடு திரும்ப உத்தரவு பிறப்பிக்கப்பட்டுள்ளது.முன்னாள் பிரதமர் ஹசீனா ஆட்சியின்போது அவருடைய கொள்கைகளுக்கு எதிராக மாணவர்கள் தலைமையில் நாடு முழுவதும் போராட்டங்களும் வன்முறைச் சம்பவங்களும் தலைவிரித்தாடின. அதன் விளைவாக 700 இற்கும் மேற்பட்டோர் உயிரிழந்தனர் என்பதும் சுட்டிக்காட்டத்தக்கது.000
ஸ்ரீ குரோதி வருடம் புரட்டாசி மாதம் 19 ஆம் தேதி சனிக்கிழமை 5.10.2024சந்திர பகவான் இன்று துலாம் ராசியில் பயணம் செய்கிறார்.இன்று அதிகாலை 04.33 வரை துவிதியை. பின்னர் திரிதியை.இன்று இரவு 09.06 வரை சுவாதி. பின்னர் விசாகம்.உத்திரட்டாதி ரேவதி நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம்.
ஜிம்முக்கு செல்வோர் அல்லது செல்ல விரும்புவோர் கீழ்கண்ட முன்னெச்சரிக்கை நடவடிக்கைகளை மேற்கொண்டால் உடற்காயம், மாரடைப்பு, ஸ்ட்ரோக், சுயநினைவிழப்பு ஆகியவற்றில் இருந்து தங்களை தற்காத்துக் கொள்ளலாம்.ரத்த சர்க்கரை அளவுநீரிழிவு நோய் அல்லது குறைந்த ரத்த சர்க்கரை அளவு உள்ளவர்கள் ஜிம்முக்கு செல்லும் முன் உடலின் சர்க்கரை அளவை தெரிந்துகொள்ள வேண்டும். உடற்பயிற்சி செய்தால் ரத்தத்தில் சர்க்கரை அளவு குறைய வாய்ப்புள்ளது. இதனால் மயக்கம், வாந்தி அல்லது உடற்சோர்வு ஏற்படலாம். ரத்த சர்க்கரை அளவு மிகவும் குறைந்தால் சுயநினைவு இழக்க நேரிடும். மாவுச்சத்து அதிகம் உள்ள திண்பண்டங்களை ஜிம்முக்கு எடுத்து செல்வது நீரிழிவு நோயாளிகளுக்கு பயனுள்ளதாக இருக்கும்.சரியான பயிற்சி முறையை தெரிந்துகொள்ளவும்ஜிம் பயிற்சிகள் சிக்கலானவையாக இருக்கலாம். சரியான முறையில் பயிற்சிகளை செய்ய வேண்டியது அவசியம். இல்லையேல், காயங்கள் ஏற்பட வாய்ப்புண்டு. பயிற்சியில் ஏதேனும் சந்தேகம் இருந்தால் பயிற்சியாளரை அணுகவும். அதே போல, புதிய பயிற்சி மேற்கொள்ளும் முன்னர் பயிற்சியாளரிடம் கலந்தாலோசிக்கவும்.அளவோடு செய்யவும்உடற்பயிற்சி செய்வது அவசியம் தான். இருப்பினும், அளவிற்கு மிஞ்சினால் அமுதும் நஞ்சு என்பது போல அதிகமாக உடற்பயிற்சி செய்தாலும் உடலுக்கு தீங்கு ஏற்படக்கூடும். பரிந்துரைக்கப்பட்ட கால அளவிற்கு மட்டுமே உடற்பயிற்சி மேற்கொள்ள வேண்டும்.
பழைமையான ஆலயங்களில் சித்தர்கள் மற்றும் மகான்களின் சமாதி அமைந்திருப்பது வழக்கமான ஒன்றாக உள்ளது.அறுபத்து மூன்று சீடர்களோடு ஒரே இடத்தில் ஐக்கியமான தலமாக விளங்குவது, மயிலாடுதுறை சீகாழி சிற்றம்பல நாடிகள் ஆலயமாகும்.இந்த அபூர்வ ஆலயத்தினை அறியும் முன்பாக அதன் நாயகரும், குருவுமான சீகாழி சிற்றம்பலநாடிகளைப் பற்றிய வாழ்க்கை குறிப்புகள்.தோற்றம்சோழ வளநாட்டில் அமைந்துள்ள சீர்காழியில், சைவ வேளாண் குடியில் தோன்றியவர் சீகாழி சிற்றம்பல நாடிகள். ஒழிவில் ஒடுக்கம் செய்தருளிய காழிக் கண்ணுடைய வள்ளல் இவரது உடன் பிறந்தவர் என்று கூறப்படுகிறது. இவரது காலம் பதினான்காம் நூற்றாண்டு ஆகும்.சிற்றம்பல நாடிகள் திருச்செந்தூர் சென்று செந்திலாண்டவனைப் போற்றி வழிபட்டு, அருந்தவம் புரிந்தார். செந்தில் ஆண்டவனும் இவரது தவத்திற்கு இரங்கி, திருவருள் புரிந்து மெய்ஞானம் அளித்து அருளினார்.சிற்றம்பல நாடிகள் முருகனின் திருவருளைப் பெற்ற பின்பு மயிலாடுதுறையில் ஒரு மடாலயம் ஒன்றை அமைத்து அங்கேயே தங்கி தவமியற்றினார். தருமபுரம் ஆதீனத்து குருமுதல்வர் திருஞானசம்பந்தர் குருபரம்பரை முன்னோடிகளில் முதன்மையானவர் சீகாழி சிற்றம்பல நாடிகள் ஆவார். இவரிடம் உபதேசம் பெற்ற பலர், மெய்ஞான செல்வர்களாக விளங்கினர். இவரது சீடர்களாக அறுபத்துமூன்று பேர் இருந்தனர்.கசக்கும் நெய்ஒரு சமயம், சிற்றம்பல நாடிகள் தனது சீடர்களுடன் திருமடத்தில் உணவருந்துவதற்காக அமர்ந்தார். அவர்களுக்கு அன்னமும் பருப்பும் பரிமாறப்பட்டன. பரிமாறுபவர் தவறுதலாக நெய்க்குப் பதிலாக வேப்ப எண்ணெயை எடுத்துப் பரிமாறினார்.சிற்றம்பல நாடிகளும் அவரது சீடர்களும் எந்தவித வேறுபாடுமின்றி உணவருந்தினர்.ஆனால், கண்ணப்பர் என்ற ஒரு சீடர் மட்டும், அதன் கசப்புத் தன்மையை உணர்ந்தார். உடனே அதனை வெளிப்படுத்தினார். இதைக் கேட்ட சிற்றம்பல நாடிகள் நமது திருக்கூட்டத்தில் இன்னமும் பக்குவம் அடையாத சீடரும் இருக்கின்றார் போலும் என்று கூறினார்.உடனே தனது தவறை உணர்ந்த அந்த சீடர், திருக்கூட்டத்தை விட்டு வெளியேறினார்.தனது குருநாதருடைய திருவடியை தியானித்தவாறே வடக்கு நோக்கிச் சென்று, தவமியற்றி,வாழ்ந்து வந்தார்.சமாதி நிலை அடைய விருப்பம்இந்நிலையில், சிற்றம்பல நாடிகள் சமாதி நிலையை அடைய விரும்பினார். தனது சீடர்களிடம் தமது விருப்பத்தை எடுத்துக் கூறினார். சீடர்கள் அனைவருமே தங்கள் சம்மதத்தைத் தெரிவித்தனர். இதன் பின்பு சோழ மன்னனை அழைத்து, அம்மன்னனிடம், “யாம் திருக் கூட்டத்தோடு சித்திரைத் திங்கள் திருவோண நட்சத்திர நாளில் ஜீவசமாதி எனும் நிஷ்டையில் சமாதி கூட விரும்புகின்றோம். அதற்கு தக்க இடம் அமைத்து தருக”, என்று ஆணையிட்டார்.இதைக் கேட்ட மன்னன், இன்னும் பலகாலம் தாங்கள் இப்புவியில் வாழ வேண்டும் என வேண்டி நின்றான். ஆனால், சிற்றம்பல நாடிகள், தமது முடிவில் தீர்க்கமாக இருந்தார்.இதனால் சோழ மன்னன் மறுப்பு ஏதும் கூறாமல், சிற்றம்பல நாடிகளின் விருப்பப்படியே நடந்தான்.இதற்கு உரிய இடமாக மயிலாடுதுறைக்கு மேற்கேயுள்ள காவிரிக்கரை சோலை ஒன்றில், அறுபத்து மூன்று சமாதிக் கோயில்கள் அமைத்து,அதனைச் சிற்றம்பல நாடிகளிடம் தெரிவித்தான்.அதே போல இச்செய்தியை நாடெங்கும் பறையறைந்தும் தெரிவிக்கப் பட்டது.இந்த அதிசயத்தைக் காண அன்பர்கள் பலரும் அங்கே கூடி நின்றனர்.தான் குறித்த நாளில் சிற்றம்பல நாடிகள் தன் அடியவர் கூட்டத்தோடு அச்சோலைக்கு எழுந்தருளினார்.அங்கிருந்த அன்பர்களுக்கு அருளாசி வழங்கினார். அனைவரும் கேட்கும் வகையில்,மூன்று திருவெண்பாக்கள் பாடினார். தனக்கென்று அமைத்த சமாதியில் இறங்கி,சிவ சிந்தனையோடு சின்முத்திரை தாங்கி, மோன நிலையில் வீற்றிருந்தார். இதனைத் தொடர்ந்து அவரது சீடர்களும் தமக்கென ஒதுக்கப்பட்ட சமாதிகளில் இறங்கிச் சித்தி பெற்றனர்.சீடர் கண்ணப்பர்அப்போது வடக்கு நோக்கிச் சென்ற கண்ணப்பர் என்ற சீடர், இச்செய்தி அறிந்து அங்கு ஓடோடி வந்தார். சமாதிகள் அனைத்தையும் வணங்கினார். முடிவில், தனது குருநாதர் சிற்றம்பல நாடிகள் சமாதி முன்பு வணங்கி,“ ஆண்ட குருசிற்றம் பலவா அடியேற்காமீண்டும் எழுந்தருள வேண்டாவோ-நீண்டவனும்ஆரணனும் காணாத ஆனந்த வாரிதியில்பூரணமா வையாத போது ”,என்று மனமுருகிப் பாடினார்.அப்போது சிற்றம்பல நாடிகளின் சமாதி பெருத்த ஓசையுடன் வெடித்தது. தம்மை வணங்கி நின்ற தன் சீடர் கண்ணப்பரை தம் இருகைகளாலும் தழுவி, தம் மடியில் ஒன்றுபடுத்திக் கொண்டு, மீண்டும் சமாதியில் அமர்ந்தார். இந்த இடம் தற்போது சித்தர்காடு என்ற பெயருடன் விளங்குகின்றது.இத்தலமே தற்போது சீகாழி சிற்றம்பலநாதர் திருக்கோயிலாக அருள் வழங்கி வருகின்றது.தரிசன நேரம்காலை 7.00 மணி முதல் நண்பகல்12.00 மணி வரையிலும்,மாலை 5.00 மணி முதல் இரவு 8.00 மணி வரையிலும் ஆலய தரிசனம் செய்யலாம்.அமைவிடம்நாகை மாவட்டம், மயிலாடுதுறை வட்டத்தில், மயிலாடுதுறை இரயில் நிலையத்திற்கு மேற்கே இரண்டு கிலோமீட்டர் தொலைவில் இத்தலம் அமைந்துள்ளது.மயிலாடுதுறை – கும்பகோணம் வழித்தடத்தில் மயிலாடுதுறை இரயில்வே மேம்பாலத்தைக் கடந்ததும், சித்தர்காடு ஊராட்சி வரும். சாலையோர வளைவும் தென்படும். அதில் நுழைந்து வடக்கே சிறிது தூரம் சென்றால் இவ்வாலயத்தை எளிதில் அடையலாம்.நம்பிக்கையோடு தன் தலம் நாடி வருவோருக்கு வினைகள் அனைத்தையும் நீக்கி அன்று போல் இன்றும் அருள் புரிந்து வருகின்றார். அதேபோல, முறையாக தரிசித்து வணங்கும் எல்லோருக்கும் அவரவர் வேண்டும் வரங்களை வழங்கி வருகின்றார் என்பது பக்தர்களின் அசைக்க முடியாத நம்பிக்கையாக உள்ளது.
கலைவாணர் என்.எஸ்.கிருஷ்ணன் இல்லத்துக்கு எதிர்த்தாற் போலிருந்த வீட்டில் வெளிக்கதவு சாத்தியிருந்தது. உள்ளே ஆட்கள் பின்பக்கமாக இருந்திருப்பர் போலும்.வெளிக்கதவின் பூட்டு திறந்தபடி தொங்கிக் கொண்டிருந்தது.தெருவில் போன ஒரு பையன் அந்தப் பூட்டை எடுத்து தன் சட்டைப் பையில் போட்டுக் கொண்டு நழுவினான்.வாசலில் நின்று பார்த்த என். எஸ்.கிருஷ்ணன் வழிமறித்து,“இங்கே வாடா, தம்பீ…’ என்று அழைத்ததும்,மிகவும் சாதுவாக அவர் முன் வந்து நின்றான் பையன்.“தம்பி, பையில் என்ன இருக்கு?’ என்று கேட்டார்.“ஒண்ணுமில்லையே!’ என் றான்.“காட்டு, பார்க்கலாம்!’ என்று அவன் சட்டைப் பையில் கை விட்டார்.பூட்டு..!கையும், களவுமாக பிடிபட்டவன், அவரிடம் மன்னிப்பு கேட்டான்.“ஏண்டா, எடுத்தே?’ என்றார்.“பசி, பழைய சாமான் கடையில் போட்டால் ரெண்டு ரூபாய் கிடைக்கும்.சாப்பிடலாம்ன்னு எடுத்தேன்!’ என்று உள்ளதைச் சொன்னான்.அப்போது வெளியே வந்த வீட்டுக்காரர், கதவில் பூட்டு இல்லாததை பார்த்து விட்டார்.தெருவில் என்.எஸ்.கிருஷ்ணன் பையனுடன் பேசிக்கொண்டிருப்பதைப் பார்த்தார்.அவன் தான் எடுத்திருப்பான், என். எஸ்.கே.,பிடித்துக் கொண்டார் என்ற எண்ணத்தில் ஆத்திரத்தோடு வந்தார், பூட்டைப் பறி கொடுத்த வீட்டுக்காரர்.என்.எஸ்.கே.,யை கெஞ்சும் தோரணையில் பார்த்தான் பையன்.எதிர் வீட்டுக்காரர் வந்ததும், என். எஸ். கே., சிரித்தபடி,“வாங்க… வாங்க… பூட்டைத் தேடறீ ங்களா?ஒரு பையன் தூக்கிட்டு ஓடினான்.தம்பி, அவனை விரட்டிப் பிடித்துப் பூட்டைப் பறிச்சிக்கிட்டு வந்தான். நான் வாங்கி வைச்சிருக்கேன்.“இந்தாங்க பூட்டு, பாவம், பையன் கஷ்டப்பட்டான்.அதுக்காக ரெண்டு ரூபாய் கொடுத்தனுப்புங்கள்…’ என்றவர்,பையனிடம், “டேய், தம்பி கொடுப் பாரு; போயி வாங்கிட்டுப் போ!’ என்றார்.பாவம்! அவனுக்கு பசி நீங்க இரண்டு ரூபாய்க்கு வழி பிறந்தது.
*கணவன் மனைவிக்குள் பிரிவே வரக்கூடாது என்றால், ஞாயிற்றுக்கிழமை இந்த 1 பொருளை வாங்கும் பழக்கத்தை வைத்துக் கொள்ளுங்கள். ஆயுள் முழுவதும் உங்களுக்குள் பிரிவே வராது.*இன்றைய காலகட்டத்தில் கல்யாண வாழ்க்கையும், கணவரோடு வாழும் வாழ்க்கையும் ஒரு சிலருக்கு நரகமாக இருக்கிறது. வாழ்க்கை என்றாலே சந்தோஷமாக வாழத்தான். இந்த வாழ்வு ஒருமுறைதான். 24 மணி நேரத்தில் பாதி நேரம் தூக்கத்திலேயே கழிகின்றது. மீதி இருக்கும் நேரத்தில் வேலை செய்ய முக்கால்வாசி நேரம் கழிகிறது. மீதி இருக்கும் நேரத்திலாவது நம்முடைய வாழ்க்கையை சந்தோஷமாக அமைத்துக் கொள்ள வேண்டாமா.உங்களுடைய வீட்டில் கணவன் மனைவி ஒருவருக்கு ஒருவர் முகத்தைக் கூட பார்த்துக் கொள்ள பிடிக்காமல் இருந்தால், இந்த எளிமையான ஆன்மீகம் சொல்லும் பரிகாரம் உங்களுக்காகத்தான். இதோடு சேர்த்து பெண்கள் தங்கள் மாங்கல்ய விஷயத்தில் செய்யக்கூடாத ஆன்மீகம் சார்ந்த சின்ன சின்ன தவறுகளை பற்றியும் பார்த்து விடுவோம்.கணவன் மனைவி ஒற்றுமைக்கு பரிகாரம்கணவன் மனைவி ஒற்றுமை என்றால் முதலில் இருக்கக் கூடிய விஷயம் திருமாங்கல்யம். தாலி கட்டிய பிறகுதான் இந்த உறவு தொடங்குகிறது. இந்த தாலி கயிறு மாற்றும் போது பெண்கள் செய்யக்கூடிய ஒரு முக்கியமான தவறு இருக்கிறது. இந்த தவறை நீங்கள் இதுவரை செய்திருந்தால் இனிமேல் செய்யாதீங்க திருத்திக் கொள்ளுங்கள்.தாலி கயிறு மாற்றும் போது முதலில், கழுத்தில் மாங்கல்யத்தை போட்டுக்கொண்டே கத்தரிக்கோலை வைத்து அந்த கயிறை வெட்டவே கூடாது. கழுத்தில் இருக்கும் மாங்கல்ய கயிறு கழுத்தில் இருந்தபடியே வெட்டப்பட்டால், உங்களுக்கு மாங்கல்ய தோஷம் வரும் என்று சொல்லப்பட்டுள்ளது.புதுக்கயிறு கழுத்தில் மாட்டிக் கொண்டு, பழைய கயிறையோ, சரதையோ கழுத்திலிருந்து கழட்டி அதில் இருக்கும் கயிறை வெட்டி புது கயிறு கோர்த்து மீண்டும் உங்களுடைய கழுத்தில் மாட்டிக்கொள்ள வேண்டும். கூடுமானவரை மாங்கல்ய கயிறு மாற்றும் போது உங்கள் கணவர் உடன் இருக்கும்போது மாற்றிக்கொள்ளுங்கள்.உங்களது கணவரது கையால் மீண்டும் அந்த தாலி கயிறை உங்கள் கழுத்தில் போட்டுக் கொள்வது சிறந்தது. தாலி கயிறு மாற்றும் போது ராகு காலம் எமகண்டம் நேரம் இல்லாமல் பார்த்துக் கொள்ள வேண்டும். இல்லையென்றால் காலை 6:00 மணிக்கு முன்பாகவே சூரிய உதயத்திற்கு முன்பு தாலி கயிறு பிரம்ம முகூர்த்த நேரத்தில் மாற்றிக்கொள்ளுங்கள்.சரிங்க கணவன் மனைவிக்குள் பிரிவு வரக்கூடாது என்றால் ஞாயிற்றுக்கிழமை என்ன பொருளை வாங்கணும். மல்லிகை பூ தான். இரவு 8 மணிக்கு முன்பாக எந்த நேரத்தில் வேண்டுமென்றாலும் ஞாயிற்றுக்கிழமை மல்லிகை பூ வாங்கி மனைவிக்கு, கணவன் கொடுக்க வேண்டும். மல்லிகைப்பூ என்பது சுக்கிரன். அங்கு மகாலட்சுமியின் மனம் மகிழ இந்த மல்லிகைப் பூவின் வாசம் நமக்கு உதவி செய்கிறது. நம் வீட்டு மகாலட்சுமி நம்முடைய மனைவிதான்.அவளுடைய மனதை குளிர வைப்பதற்கு 50 ரூபாய்க்கு வாங்கும் மல்லிகை பூ போதுமானது. இதில் சுக்கிர வசியமும் அடங்கி இருக்கிறது. இதை எந்த தவறான நோக்கத்துடனும் சொல்லவில்லை. கணவன், மனைவிக்கு மல்லிகை பூ வாங்கி கொடுக்க வேண்டும், மனைவி கணவருக்கு எது விருப்பமோ அதை தெரிந்து வைத்துக் கொள்ள வேண்டும். கணவருடைய மனம் நோகாமல் மனைவி நடந்து கொள்ள வேண்டும்.நீ இல்லை என்றால் நானும் இல்லை என்ற முடிவுக்கு இருவரும் வரவேண்டும். அடிமையாக இருக்கச் சொல்லவில்லை எல்லாம் என் கணவர் தான் என்று மனைவி இருந்தால், கணவர் எல்லாம் என் மனைவி தான் என்று இருக்க தொடங்கி விடுவார். குடும்பத்தில் ஒற்றுமை நிலவ வேண்டும் என்றால் மேல் சொன்ன இந்த எளிமையான பரிகாரம் ஒன்றே போதும். யார் குடும்பத்திலும் விவாகரத்து என்ற வார்த்தை வரவே வராது நம்பிக்கை உள்ளவர்கள் பரிகாரங்களை பின்பற்றி பலன் பெறலாம்.
எத்தனையோ முறை திருப்பதி சென்றுள்ளோம் . இந்த முறை சென்றால் தயவுசெய்து இக்கோவில் தரிசனத்தை மட்டும் தவறவிடாதீர்கள் உலகப் பழம்பெறும் சிவலிங்கத்தை தரிசனம் செய்த புண்ணியம் உங்களுக்கு கிடைக்கும்.உங்கள் கர்மவினை முற்றிலும் நீங்கக்கூடிய வாய்ப்பு உங்களுக்கு கிடைக்கும். இதை தரிசனம் செய்த பல மனிதர்கள் வாழ்க்கையில் அத்தனை ஆனந்த திருப்பங்களும் வாழ்வில் பிறந்த பயனையும் பெற்றுள்ளனர் என்பது குறிப்பிடத்தக்கது.ரேணிகுன்டாவில் இருந்து 12 கிமீ தொலைவில் உள்ள "குடிமல்லம்" எனும் கிராமத்தில் உள்ள "பரசு ராமேஸ்வர" ஆலயத்தில் கிமு மூன்றாம் நூற்றாண்டைச் சேர்ந்த லிங்க வடிவம் காணப்படுகிறது. இக்கோயிலில் உள்ள செங்கல் கிபி ஒன்றாம் நூற்றாண்டைச் சேர்ந்ததாக அறியப்பட்டுள்ளது.பல்லவர், பாணர், சோழர் கால கல்வெட்டுகள் காணப்படுகின்றன. இவற்றில் பழமையானது நந்திவர்மன் காலத்து கல்வெட்டு.லிங்கம் 5 அடி உயரம். தடிமன் 1 அடி. லிங்கத்தின் தண்டு பகுதி 4 அடி. நுனியில் உள்ள மொட்டு 1 அடி. தண்டுப் பகுதியில் ஓர் வேடன் உருவம் வலது கையில் ஆட்டை தொங்கவிட்டும், மறு கையில் சிறு பாத்திரமும், தோளில் வேட்டை கோடரி (பரசு) யும் வைத்துள்ளவாறு செதுக்கப்பட்டுள்ளது.மார்பில் பூணூல் இல்லை. ஜடாமுடி தரித்துள்ளது. லிங்கத்தின் கீழ் யோனி பீடம் (ஆவுடை) காணப்படவில்லை.எனவே அக்காலத்தில் சிந்து சமவெளி நாகரீகத்தில் இருந்தது போல தமிழ்நாட்டிலும் (இந்தியாவின் பிற பகுதிகளிலும்) " இக்கோவில் கலை காணப்படுகிறது.பழமையான சிவலிங்கம் :-உலகின் மிகப் பழமையான சிவ லிங்கம் 'ஹரப்பா' வில் உள்ளது.அதற்கு அடுத்த பழமையான சிவலிங்கங்கள் தமிழகத்தில் மட்டுமே உள்ளன. 'குடிமல்லம்' என்ற இடத்தில் உள்ள சிவலிங்கம்.பழைய எல்லைப்படி இது தமிழகம். இன்றைய எல்லைப்படி இது ஆந்திரா. ஆம் ரேணிகுண்டாவிற்கு அருகில் உள்ள ஊர்.இந்த குடிமல்லம் சிவன் கோயில் ASI (Archaeological Survey of India) -ன் கட்டுப்பாட்டில் உள்ளது.உலகில் சிவலிங்கத்தை ஆராய்ச்சி செய்பவர்களின் கருத்துப்படி இதுவே மிகவும் பழமையான சிவலிங்கம்.ஆன்மீகத்தில் முன்னேற விரும்பும் ஒவ்வொரு மனிதனும் நிச்சயம் காண வேண்டிய சிவ ஸ்தலம்.மிகவும் சாதாரணமாக இருக்கும் என்பதற்கு இந்த ஊர் சிவலிங்கம் ஒரு உதாரணம். மக்கள் யாரும் இந்த ஊருக்கு வருவதில்லை. நன்கு விஷயம் அறிந்தவர்கள் மட்டுமே இந்த ஊர் கோயிலில் உள்ள சிவலிங்கத்தை காண வருகின்றனர்.உண்மை ஆன்மீகத்திற்கான திறவுகோல் இந்த சிவ லிங்கம். உண்மையில் தேடுபவர்களுக்கு மட்டுமே உண்மைப் பொருள் விளங்கும்.இத்தனை முக்கியமான சிவன் கோயிலுக்கு மக்கள் வருவதே இல்லை. ஆனால் ரேணிகுண்டாவை தாண்டித்தான் லட்சக்கணக்கானோர் திருப்பதிக்கு செல்கின்றனர்.அப்படி என்ன இந்த சிவ லிங்கத்தில் உள்ளது என்பது என்பதை காண ஆன்மீகவாதிகள் சென்று முன்னேற்றம் அடைந்துள்ளனர். ஆன்மீக முன்னேற்றம் பெற விரும்பும் ஒவ்வொருவரும் வாழ்கையில் ஒரு முறையாவது அந்த சிவலிங்கத்தை நேரில் சென்று தரிசனம் செய்ய தவறாதீர்கள்.
நாகேஷ் -நகைச்சுவையில் விசுவரூபம் எடுத்தவர்....... வாலி- கவிதையில் கரை கண்டவர்.வறுமையின் கோரப்பிடியில் சிக்கி வாலியும், நாகேஷும் தொடக்க நாட்களில் சாப்பாட்டுக்கே திண்டாட்டம் போட்ட காலத்தில்- தன் கையால் சமைத்துப் போட்டு -மாம்பலம் கிளப் ஹவுஸில் அவ்விருவரையும் காப்பாற்றியவர் ஸ்ரீகாந்த்.வாலியும் நாகேஷும் இணைபிரியா நண்பர்கள்.ஓர் அறையில் இருவரும் தங்கியிருந்தார்கள். ‘டேய் ரங்கராஜா. உன் கைக்கு இந்த வாட்ச் நல்லா இல்லடா. கழட்டிரு’ என்பார் நாகேஷ். அவரும் கழற்றித் தருவார். பிறகு அந்த வாட்ச் அடகுக்கடைக்குச் சென்று பணமாகி, ஹோட்டலுக்கும் சினிமாவுக்குமாகப் பயன்படுத்தப்படும். நாகேஷ் பாக்கெட்டில் காசு இருந்தால், அது வாலிக்கானது. இப்படித்தான் இருந்தார்கள்.சினிமா தேவதை, நாகேஷை இருகரம் கொண்டு வரவேற்றாள். படங்கள் வரத்தொடங்கின. நாகேஷின் நடிப்புத் திறனைக் கண்டு வியந்த கே.பாலசந்தர், தன் முதல் படத்தை இயக்கும்போது, நாகேஷை நாயகனாக்கினார். ‘நீர்க்குமிழி’ படத்தில் நாகேஷின் பண்பட்ட நடிப்பைக் கண்டு பாராட்டாதவர்களே இல்லை.இதைத் தொடர்ந்து பாலசந்தர் தன் படங்களில், விதம்விதமான பாத்திரங்களைக் கொடுத்தார் நாகேஷுக்கு. அது சின்ன கேரக்டரோ... பெரிய கேரக்டரோ... ஆனால் அங்கே அசத்தலான நடிப்பில் நம்மையெல்லாம் அசரடித்திருப்பார் நாகேஷ்.எம்ஜிஆருக்கு நண்பன், சிவாஜிக்கு நண்பன், ஜெமினிக்கு நண்பன், முத்துராமனுக்கு நண்பன், பிறகு ஜெய்சங்கருக்கு நண்பன் என்றெல்லாம் நடித்து வந்த நாகேஷ், ‘தில்லுமுல்லு’ படத்தில் ரஜினிக்கு நண்பனாகவும் ‘பாமா ருக்மணி’ படத்தில் பாக்யராஜுக்கு நண்பனாகவும் கூட நடித்திருப்பார்.அந்தக் காலத்தில், ஏவிஎம் படமாக இருந்தாலும் சரி, தேவர் பிலிம்ஸ் கம்பெனியாக இருந்தாலும் சரி, பத்மினி பிக்சர்ஸ் பி.ஆர்.பந்துலுவாக இருந்தாலும் சரி... ஏபி.நாகராஜனாக இருந்தாலும் சரி... முதலில் நாகேஷ் கால்ஷீட்டை வாங்கிவிடுவார்கள். பிறகுதான் நடிகர்களுக்கு கதை சொல்லுவார்கள். ‘நாகேஷ் கால்ஷீட்டை வாங்கிட்டீங்களா. அப்ப படத்தோட வெற்றிக்கு நாப்பது சதவிகிதம் கியாரண்டி’ என்று எம்ஜிஆரே சொல்லிப் புகழ்ந்த சம்பவங்கள், வேறு எந்த நகைச்சுவை நடிகருக்கும் இல்லாத புகழாரம்.
தமிழ் வருடம் ஸ்ரீ குரோதி, புரட்டாசி மாதம் 18 ஆம் தேதி மேஷம் -ராசி: அலுவல் பணியில் பொறுப்புகள் அதிகரிக்கும். குழந்தைகளின் வழியில் ஒத்துழைப்பு ஏற்படும். கடன் பிரச்சனைகள் குறையும். கூட்டாளிகளின் எண்ணங்களை புரிந்து கொள்வீர்கள். நெருக்கடியாக இருந்தவர்கள் விலகிச் செல்வார்கள். நண்பர்களின் ஆலோசனைகளால் மாற்றம் உண்டாகும். தனம் நிறைந்த நாள். அதிர்ஷ்ட எண் : 6அதிர்ஷ்ட நிறம் : பச்சை ரிஷபம் ராசி: வழக்கு தொடர்பான விஷயங்களில் சாதகமான முடிவுகள் கிடைக்கும். எதிராக இருந்தவர்களால் ஆதாயம் மேம்படும். உற்பத்தி துறைகளில் ஆலோசனை பெற்று முடிவெடுக்கவும். விருப்பமான பொருட்களை வாங்கி மகிழ்வீர்கள். தாய்மாமன் வழியில் ஒத்துழைப்பு உண்டாகும். பயணங்களின் மூலம் எதிர்பார்ப்புகள் நிறைவேறும். நட்பு மேம்படும் நாள். அதிர்ஷ்ட எண் : 3அதிர்ஷ்ட நிறம் : பிங்க் மிதுனம் -ராசி: எதிர்கால சேமிப்பு குறித்த சிந்தனைகள் அதிகரிக்கும். உயர் கல்வியில் இருந்துவந்த குழப்பம் நீங்கும். வித்தியாசமான அனுபவங்களால் புரிதல் உண்டாகும். பணியில் மாற்றமான சூழல் அமையும். உடன்பிறந்தவர்கள் பற்றிய புரிதல் மேம்படும். வர்த்தக வியாபாரத்தில் சிந்தித்துச் செயல்படவும். ஆடம்பர செலவுகளை குறைப்பீர்கள். சுபம் நிறைந்த நாள். அதிர்ஷ்ட எண் : 9அதிர்ஷ்ட நிறம் : சிவப்பு கடகம் -ராசி: குடும்பத்தில் புதிய நபர்களின் ஒத்துழைப்பு கிடைக்கும். உங்கள் கருத்துகளுக்கு மதிப்பு அதிகரிக்கும். தேவைகளை அறிந்து நிறைவேற்றி வைப்பீர்கள். வியாபார பணிகளில் பொறுமை வேண்டும். மறதி சார்ந்த பிரச்சனைகள் ஏற்பட்டு நீங்கும். அரசு காரியங்களில் சிந்தித்துச் செயல்படுவது நல்லது. தொழில்நுட்ப விஷயங்களில் ஆர்வம் ஏற்படும். தன்னம்பிக்கை வேண்டிய நாள். அதிர்ஷ்ட எண் : 6அதிர்ஷ்ட நிறம் : வெள்ளை சிம்மம் -ராசி:எண்ணிய பணிகளை வெற்றிகரமாக செய்து முடிப்பீர்கள். குடும்பத்தில் மகிழ்ச்சியான சூழல் அமையும். எழுத்து துறைகளில் புதிய வாய்ப்புகள் கிடைக்கும். இசை சார்ந்த துறைகளில் அனுபவம் ஏற்படும். பொழுதுபோக்கு விஷயங்களில் ஆர்வம் உண்டாகும். கணவன், மனைவிக்கிடையே உள்ள கருத்து வேறுபாடுகள் நீங்கும். பரிசு நிறைந்த நாள். அதிர்ஷ்ட எண் : 9அதிர்ஷ்ட நிறம் : இளஞ்சிவப்பு கன்னி -ராசி: தடைபட்ட வரவுகள் கிடைக்கப் பெறுவீர்கள். புதிய நபர்களின் அறிமுகம் மூலம் மாற்றங்கள் பிறக்கும். வியாபாரப் பணிகளில் மதிப்பு மேம்படும். உத்தியோகப் பணிகளில் திறமைகள் வெளிப்படும். மனதில் இருக்கும் தனிப்பட்ட ரகசியங்களை பகிர்வதை தவிர்க்கவும். பயணம் தொடர்பான செயல்பாடுகளில் ஆதாயம் உண்டாகும். முக்கியமான சில முடிவுகளை எடுப்பீர்கள். வெற்றி நிறைந்த நாள். அதிர்ஷ்ட எண் : 3அதிர்ஷ்ட நிறம் : மஞ்சள் துலாம் -ராசி: கொடுக்கல், வாங்கலில் ஆதாயம் அடைவீர்கள். இழுபறியான வழக்குகள் சாதகமாக முடியும். விரும்பிய விஷயங்களை அடைவதற்கான சூழல் அமையும். தோற்றப்பொலிவு பற்றிய சிந்தனைகள் அதிகரிக்கும். சிந்தனைகளில் இருந்துவந்த குழப்பம் குறையும். கம்பீரமான பேச்சுக்களால் காரிய அனுகூலம் உண்டாகும். வெளி வட்டாரங்களில் செல்வாக்கு அதிகரிக்கும். மாற்றம் நிறைந்த நாள். அதிர்ஷ்ட எண் : 2அதிர்ஷ்ட நிறம் : வெண்மை விருச்சிகம்- ராசி: குடும்பத்தில் அனுசரித்துச் செல்லவும். வெளி வட்டாரங்களில் அலைச்சல் மேம்படும். வரவுக்கு ஏற்ப செலவுகள் இருக்கும். அக்கம்-பக்கம் இருப்பவர்களால் சில மாற்றமான சூழல் ஏற்படும். வியாபாரத்தில் உழைப்புக்கு உண்டான லாபம் கிடைக்கும். சக ஊழியர்களிடத்தில் அனுசரித்துச் செல்லவும். புதிய முதலீடுகளில் விவேகம் வேண்டும். ஓய்வு நிறைந்த நாள். அதிர்ஷ்ட எண் : 1அதிர்ஷ்ட நிறம் : இளமஞ்சள் தனுசு -ராசி: மனதளவில் புதிய தேடல் பிறக்கும். நீண்ட தூர பயண வாய்ப்புகள் கைகூடும். வியாபார பணிகளில் லாபகரமான சூழல் உண்டாகும். அரசு பணிகளில் இருந்துவந்த இழுபறிகள் விலகும். சக ஊழியர்களிடம் இருந்துவந்த கருத்து வேறுபாடுகள் மறையும். மனதளவில் புத்துணர்ச்சி உண்டாகும். பூர்வீக சொத்துக்களால் ஆதாயம் ஏற்படும். நலம் நிறைந்த நாள். அதிர்ஷ்ட எண் : 6அதிர்ஷ்ட நிறம் : நீலம் மகரம் -ராசி:வியாபாரத்தில் முன்னேற்றம் ஏற்படும். அணுகு முறையில் சில மாற்றங்கள் உண்டாகும். பேச்சு வன்மையால் அனுகூலம் ஏற்படும். எதிராக இருந்தவர்கள் விலகிச் செல்வார்கள். எதிர்பாலின மக்களின் ஆதரவு கிடைக்கும். தன வரவுகள் தேவைக்கு இருக்கும். பணிபுரியும் இடத்தில் ஒற்றுமை மேம்படும். பயணங்களால் எதிர்பார்ப்புகள் நிறைவேறும். அமைதி நிறைந்த நாள். அதிர்ஷ்ட எண் : 5அதிர்ஷ்ட நிறம் : சாம்பல் கும்பம் –ராசி:புதிய முயற்சிகளை செயல் வடிவில் மாற்றுவீர்கள். உடன்பிறந்தவர்கள் ஆதரவாக இருப்பார்கள். விருப்பமான விஷயங்களை தைரியமாக செய்து முடிப்பீர்கள். திறமைகளை வெளிப்படுத்த வாய்ப்புகள் கிடைக்கும். கல்வியில் இருந்துவந்த ஆர்வமின்மை குறையும். வியாபாரத்தில் ஆதாயமான சூழல் அமையும். சலனம் நிறைந்த நாள். அதிர்ஷ்ட எண் : 3அதிர்ஷ்ட நிறம் : இளமஞ்சள் மீனம் -ராசி: எதிர்பாராத சில செலவுகளால் சேமிப்புகள் குறையும். பயனற்ற விவாதங்களை தவிர்க்கவும். பேச்சுக்களில் கனிவு வேண்டும். திட்டமிட்ட சில காரியங்களில் அலைச்சல் அதிகரிக்கும். தொழில்நுட்ப கருவிகளால் விரயங்கள் ஏற்படும். உடன்பிறந்தவர்கள் இடத்தில் அனுசரித்துச் செல்லவும். அமைதி வேண்டிய நாள். அதிர்ஷ்ட எண் : 9அதிர்ஷ்ட நிறம் : பழுப்பு இன்றைய நாள் இனிய நாளாக அமைந்திட வாழ்த்துகள்.
ஸ்ரீ குரோதி வருடம் புரட்டாசி மாதம் 18 ஆம் தேதி வெள்ளிக்கிழமை 4.10.2024.சந்திர பகவான் இன்று துலாம் ராசியில் பயணம் செய்கிறார்.இன்று அதிகாலை 02.38 வரை பிரதமை. பின்னர் துவிதியை. இன்று மாலை 06.48 வரை சித்திரை. பின்னர் சுவாதி. பூரட்டாதி உத்திரட்டாதி நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம்.
பெருமாள் பக்தர் ஒருவர் அதிகாலை நீராடி, விஷ்ணு சகஸ்ரநாமம் சொல்லி பெருமாளைத் தரிசிப்பார். ஆனாலும், ஏதோ ஒரு குறையை உணர்ந்தார்.ஒரு குருவிடம் சென்று, ""குருவே! பெருமாளின் கருணையால் செல்வத்திற்கு குறையில்லை. இருந்தாலும், மனதில் குறை இருப்பதை உணர்கிறேன்'' என்றார்.குரு அங்கிருந்த ஒரு பக்தனை அழைத்து,""தம்பி! உன் குடும்பம் நலமா? ஏதேனும் உனக்கு குறை இருக்கிறதா?'' என்று கேட்டார்.அந்த நபரோ, ""பெருமாளின் மகாமந்திரத்தைச் சொல்லும் எனக்கு ஏது குறை...?''என்றார்.உடனே பெருமாள் பக்தர் ஆச்சரியத்துடன், ""எனக்கு அந்த மந்திரம் தெரியாதே! அதைச் சொல்லேன்!'' என்றார்.வந்தவர்,""கோவிந்தா! கோவிந்தா!'' என்றார்.பக்திமான் ஏமாற்றத்துடன்,""இது தானா! நான் தினமும் விஷ்ணு சகஸ்ரநாமமமே சொல்கிறேன். அதை விடவா இது பெரிது?'' என்றார்.குரு அவரிடம்,""நீ தவறாக நினைக்கிறாய். ஆயிரம் பெயர்களால் விஷ்ணுவை வணங்குவதே சகஸ்ரநாமம். இது பீஷ்மர் அர்ஜூனனுக்கு உபதேசித்தது. இதைப் போல அற்புதம் வேறில்லை. ஆனால், எல்லாரும் பீஷ்மராக முடியுமா?பாமரனும், பெருமாள் அருள் பெற சொல்லப்பட்டதே கோவிந்த நாமம்.திரௌபதியின் மானம் காத்தது அதுவே. எந்த மந்திரமும் அறியாதவன் கூட "கோவிந்தா' என்று உளப்பூர்வமாகச் சொன்னால் பெருமாள் ஓடி வருவார்'' என்றார் குரு.பக்தரின் மனதில் தெளிவு பிறந்தது.
நல்லது......ஆரோக்கியம்: வாழைக்காயில் நிறைந்த ஊட்டச்சத்துகள், குறிப்பாக வைட்டமின் C, வைட்டமின் A, மற்றும் நார்ச்சத்து, உடலுக்கு தேவையான பல்வேறு ஊட்டச்சத்துகளை வழங்குகின்றனஇரத்த சர்க்கரை அளவை கட்டுப்படுத்தும்: வாழைக்காய், அதன் தனித்துவமான பூரிப்புமூலமாக, இரத்த சர்க்கரை அளவுகளை கட்டுப்படுத்த உதவுகிறது.
சூப்பர் ஸ்டார் ரஜினிகாந்த் நடித்த ’வேட்டையன்’ படத்தை தயாரித்த லைக்கா நிறுவனம், அஜித் நடித்த 'விடாமுயற்சி' படத்தையும் தயாரித்துள்ளது என்பதும், 'விடாமுயற்சி' படத்தின் படப்பிடிப்பு கிட்டத்தட்ட இறுதி கட்டத்தை நெருங்கி விட்டது என்பதும் குறிப்பிடத்தக்கது.இந்த நிலையில், 'விடாமுயற்சி' படத்தின் டீசர் அவசர அவசரமாக தயாராகி வருவதாகவும், ’வேட்டையன்’ படத்தின் இடைவேளையின் போது 'விடாமுயற்சி' படத்தின் டீசர் வெளியிட திட்டமிடப்பட்டு உள்ளதாகவும் கூறப்படுகிறது.’வேட்டையன்’ திரைப்படம் வரும் பத்தாம் தேதி திரையரங்குகளில் வெளியாக இருக்கிறது.
தமிழக மீனவர்கள் இலங்கை கடற்படையினரால் தொடர்ச்சியாக கைது செய்யப்படுவதைக் கண்டித்து, ஒக்டோபர் 8 ஆம் திகதி சென்னையில் உள்ள இலங்கை துணை தூதரகம் முன்பு பாட்டாளி மக்கள் கட்சி போராட்டம் நடத்தவுள்ளதாக பா.ம.க. தலைவர் அன்புமணி ராமதாஸ் அறிவித்துள்ளார்.இது தொடர்பில் அவர் வெளியிட்டுள்ள அறிக்கையில்,கடந்த ஜூன் 16 ஆம் திகதி முதல் இன்று வரையிலான மூன்று மாதக் காப்பகுதிக்குள் மாத்திரம் 404 மீனவர்கள் கைது செய்யப்பட்டுள்ளனர்.அதுமட்டுமின்றி 54 படகுகளும் பறிமுதல் செய்யப்பட்டுள்ளதுடன், ஒட்டுமொத்தமாக சேர்த்து தமிழக மீனவர்களின் 192 படகுகள் பறிமுதல் செய்யப்பட்டு இலங்கை துறைமுகங்களில் நிறுத்தி வைக்கப்பட்டு உள்ளன.இன்றைய நிலையில் மட்டும் இலங்கை சிறைகளில் 162 பேர் தடுத்து வைக்கப்பட்டுள்ளனர்.எனவே, இலங்கை சிறைகளில் வாடும் 162 மீனவர்களையும் அவர்களின் படகுகளுடன் விடுதலை செய்ய வேண்டும்.இலங்கையில் பறிமுதல் செய்யப்பட்டுள்ள 192 படகுகளையும் விடுவிக்க வேண்டும் என்று இலங்கை அரசையும், அதற்கான நடவடிக்கைகளை எடுக்க மத்திய, மாநில அரசுகளையும் வலியுறுத்தி ஒக்டோபர் 8 ஆம் திகதி சென்னையில் பாமக சார்பில் இலங்கை துணைத்தூதரக முற்றுகைப் போராட்டம் நடைபெறவுள்ளதாக அவர் சுட்டிக்காட்டியுள்ளார்.