Added a post
கார் லைசென்ஸ் கேட்டு டெஸ்ட்டுக்கு போனாங்க ஒரு அம்மா .....அப்ப அதிகாரி அந்த அம்மா கிட்ட ஒரு கேள்வி கேட்டார் ...." ஏம்மா நீங்க காரை வேகமா 120 கிலோமீட்டர் வேகத்தில் போறீங்க திடீர் என்று ஒரு வளைவில் எதிரில் ஒரு லாரியும் பஸ்ஸும் மெதுவாக போய் கொண்டிருக்கு !உங்கள் வலது புறத்தில் ஒரு பெரிய மரம் இருக்கு...இடது புறத்தில் ஒரு பெரியவர் நின்று கொண்டு இருக்கார் ....இப்ப எதன் மேல் மோதி நிறுத்துவீர்கள் ...அந்த சட்டென்று சார் நான் மரத்தின் மீது மோதுவேன் என்றார்கள் ...அதிகாரி அந்த அம்மாவை போய் நன்றாக வண்டி ஓட்ட பழகி கொண்டு மூன்று மாதம் கழித்து வாருங்கள் என்று அனுப்பி வைத்தார்.அந்த அம்மாவும் அதே மாதிரி மூன்று மாதம் கடந்து வந்தார்கள் ...அதிகாரி அதே கேள்வியை கேட்க .. அந்த அம்மா ஒரு பதிலை சொல்ல மறுபடியும் மூன்று மாதம் கடந்து வர சொல்ல...இப்படியே 4 தடவை சென்றது..நான்காவது முறை அந்த அம்மா கோபத்துடன்.சார் உங்கள் கேள்விக்கு என்ன தான் பதில் ஏன் எனக்கு லைசென்ஸ் தர மறுக்கிறீர்கள் என்று கேட்க...அதிகாரி சிரிக்காமல் பதில் சொன்னார்...அம்மா முதல் தடவை மரத்தின் மேல் மோதுவேன் என்றீர்கள்..இரண்டாவது தடவை பெரியவர் மேல் ,மூன்றாவது முறை லாரி மீதும்4 ஆவது முறை பஸ் மீதும் மோதுவேன் என்று சொன்னீர்கள்.ஒருவாட்டியாவது நான் பிரேக் போடுவேன் என்று சொல்லவே இல்லையே...............
Added article
இயக்குநர் கே எஸ் ரவிக்குமார் எந்த கேள்வி கேட்டாலும் வித்தியாசமாக சுவாரசியமாக பதில் சொல்பவர், சமீபத்தில் மாதவன் குறித்து ஒரு செய்தியாளர் கேள்வி எழுப்பியபோது, மாதவனுடன் எதிரி படத்தின் ஷூட்டிங் ஸ்பாட்டில் நடந்த சம்பவங்கள் பற்றி கூறியிருந்தார்.கே எ ஸ் ரவிக்குமாரிடம் வரும் மாதவன், என்ன சார் நீங்களும் மணிசாரும்ம் ஒரே மாதிரி இருக்கீங்களே என நொந்து கொள்வாராம், அதற்கு கே.எஸ். ரவிகுமார் என்ன மேடி நீ, நானும் மணி சாரும் ஒன்னா அவர் எவ்வளவு பெரிய இடத்தில் இருக்காரு,நானும் மணி சாரும் ஒண்ணா அவர் எடுக்குற படங்கள் என்ன நான் எடுக்குற படங்கள். என்ன என சொல்லி இருக்கிறார்.இதற்கு பதில் அளித்த மாதவன், சார், அவரும் நீங்களும்,திட்றதுல ஒரே மாதிரி சார் என்ன சொன்னாராம். இதை ஜாலியாக ஒரு பேட்டியில் குறிப்பிட்டுள்ளார் கே எஸ் ரவிக்குமார்.
Added a post
உலகம் முழுக்க ரசிகர்களை கொண்ட சினிமா கலைஞர் தற்காப்பு கலை வல்லுநர் புரூஸ் லீ மொத்தம் ஏழு கின்னஸ் உலக சாதனைகளை படைத்துள்ளார், அவற்றை யாரும் இதுவரை முறியடிக்கவில்லை என்பது குறிப்பிடத்தக்கது.▪️முதல் சாதனை: ஒரு கையால் மட்டும் 400 புஷ்-அப்கள் எடுத்தது.▪️இரண்டாவது: இரண்டு விரல்களால் (அதாவது இடது மற்றும் வலது கைகளின் இரண்டு ஆட்காட்டி விரல்களால் மட்டும் 200 புஷ்-அப்கள் எடுத்தது.▪️மூன்றாவது: ஒரு கை கட்டைவிரலால் மட்டும் 100 புஷ்-அப்கள் எடுத்தது.▪️ நான்காவது: ஒரு நொடியில் அதுவது விரல் சொடுக்கும் நேரத்தில் 9 குத்துக்களை வேகமாக நிகழ்த்துதல்.▪️ நான்காவது: ஒரே குத்து விட்டு 135 கிலோ மணல் மூட்டையை 5 மீட்டர் தூரத்திற்கு தள்ளியது.▪️ ஐந்தாவது: 75 கிலோ எடையுள்ள எதிராளியை 6 மீட்டர் தூரத்திற்கு 2.5 சென்டிமீட்டர் தூரத்தில் அதாவது மிகவும் அருகில் இருந்து ஒரே ஒரு முறை குத்தி விழச்செய்தல்.▪️ஆறாவது: 135 கிலோ எடையுள்ள மணல் மூட்டையை 5 மீட்டர் தூரத்திற்கு அதாவது உயரத்திற்கு மேல்நோக்கி உதைத்தது.▪️ ஏழாவது: நுங்சாக் எனும் ஆயுதத்தை சுமார் 1600 பவுண்ட் சக்தியோடு பிரயோகிப்பார்.அதை ஸ்லோ மோஷன் மூலமாக மட்டுமே காண முடியும் அத்தனை வேகமான கிக்.கூடுதல் தகவலாக புருஸ்லீ மற்றும் முகம்மது அலி இருவரும் ஒரே விதமான குத்து சக்தி உடையவர்கள் என்பது ஆச்சரியம் என்றால் அதைவிட ஆச்சரியம் புரூஸ் லீயின் எடை 130 பவுண்ட் (59கிலோ) தான் ஆனால் முகமது அலியின் எடை 260 பவுண்ட் (120கிலோ)
Added a post
மேஷம்கணவன், மனைவிக்கு இடையே நெருக்கம் அதிகரிக்கும். சுபகாரியம் முயற்சிகள் கைகூடும். உடல் ஆரோக்கியத்தில் முன்னேற்றம் உண்டாகும். முயற்சிகளில் இருந்துவந்த தடைகள் விலகும். சிந்தனைகளில் தெளிவு பிறக்கும். தகவல் தொடர்பு துறையில் ஆதாயம் அடைவீர்கள். மனதளவில் தன்னம்பிக்கை உண்டாகும். வரவு நிறைந்த நாள்.அதிர்ஷ்ட எண் : 5அதிர்ஷ்ட நிறம் : இளஞ்சிவப்பு ரிஷபம்செயல்களில் இருந்துவந்த தாமதங்கள் நீங்கும். தடைபட்ட வரவுகள் கிடைக்கும். உறவினர்கள் மத்தியில் மதிப்பு ஏற்படும். வியாபாரத்தில் மேன்மை உண்டாகும். மறதி சார்ந்த பிரச்சனைகள் குறையும். பொருள் சேர்க்கை உண்டாகும். செயல்பாடுகளில் அனுபவம் மேம்படும். உடனிருப்பவர்களை அனுசரித்து சென்றால் ஆதாயம் கிடைக்கும். லாபம் நிறைந்த நாள்.அதிர்ஷ்ட எண் : 6அதிர்ஷ்ட நிறம் : பச்சை மிதுனம்அரசு வழியில் இருந்துவந்த நெருக்கடி நீங்கும். மனதில் புதிய சிந்தனை மேலோங்கும். ஆதாயகரமான முயற்சிகள் நிறைவேறும். குடும்பத்தில் சில பிரச்சனைகள் வந்து செல்லும். கடன் விஷயங்களில் கவனம் வேண்டும். உத்தியோக பணிகளில் அலட்சியம் இன்றி செயல்படவும். புதுமையான செயல்களில் ஆர்வம் ஏற்படும். அசதி மறையும் நாள்.அதிர்ஷ்ட எண் : 8அதிர்ஷ்ட நிறம் : நீலம் கடகம்ஒப்பனை தொடர்பான பணிகளில் லாபம் உண்டாகும். மறைமுகமான சூழலலில் வருமானம் மேம்படும். உடன் இருப்பவர்களின் தனிப்பட்ட விஷயங்களை புரிந்து கொள்வீர்கள். ஆன்மிக பணிகளில் ஆர்வம் ஏற்படும். எந்த ஒரு சூழ்நிலையும் சமாளிக்கும் மனப்பக்குவம் உருவாகும். பணிபுரியும் இடத்தில் அலைச்சல்கள் அதிகரிக்கும். வெளியூர் தொடர்பான வாய்ப்புகள் சாதகமாக அமையும். தன்னம்பிக்கை வேண்டிய நாள்.அதிர்ஷ்ட எண் : 3அதிர்ஷ்ட நிறம் : இளஞ்சிவப்பு சிம்மம்உடன்பிறந்தவர்கள் ஆதரவாகச் செயல்படுவார்கள். சிக்கனமாக செயல்பட்டு சேமிப்பை மேம்படுத்துவீர்கள். உடலில் இருந்துவந்த சோர்வுகள் நீங்கி புத்துணர்ச்சி அடைவீர்கள். இழுபறியான செயல்களை செய்து முடிப்பீர்கள். எதிர்காலம் சார்ந்து சில முடிவுகளை எடுப்பீர்கள். புதுவிதமான அணிகளின் மீது ஈர்ப்பு உண்டாகும். வியாபாரத்தில் சில நுட்பங்களை கற்றுக்கொள்வீர்கள். துணிவு மேம்படும் நாள்.அதிர்ஷ்ட எண் : 9அதிர்ஷ்ட நிறம் : பொன்னிறம் கன்னிஉறவுகள் வழியில் ஒத்துழைப்புகள் ஏற்படும். செய்யும் முயற்சிகளில் வெற்றி கிடைக்கும். நெருக்கமானவர்கள் மூலம் புதுவிதமான அனுபவங்கள் ஏற்படும். இழுபறியில் இருந்தவந்த காரியங்கள் முடிவுக்கு வரும். மறைமுக எதிர்ப்புகள் நீங்கும். குடும்பத்தினரின் தேவைகளை நிறைவேற்றுவீர்கள். எதிர்பாராத சில உதவிகள் கிடைக்கும். விவேகம் வேண்டிய நாள்.அதிர்ஷ்ட எண் : 5அதிர்ஷ்ட நிறம் : வெண்சாம்பல் துலாம்மனதளவில் இருந்துவந்த சோர்வுகள் நீங்கும். குடும்பத்தில் சிறுசிறு குழப்பங்கள் ஏற்படும். வெளிவட்டத்தில் மதிப்புகள் உயரும். பணியிடத்தில் சக ஊழியர்கள் ஒத்துழைப்பாக இருப்பார்கள். வர்த்தக பணிகளில் புதிய அனுபவம் ஏற்படும். தடைப்பட்ட வேலைகளை முடிப்பீர்கள். பயனற்ற பேச்சுக்களை குறைத்துக் கொள்ளவும். சுபகாரியம் செலவுகள் உண்டாகும். புகழ் மேம்படும் நாள்.அதிர்ஷ்ட எண் : 8அதிர்ஷ்ட நிறம் : நீலம் விருச்சிகம்புதிய முயற்சிகள் இழுபறியாகி முடியும். சிறு வார்த்தைகள் கூட மனக்கசப்பை ஏற்படுத்தலாம். அரசு சார்ந்த காரியத்தில் பொறுமை வேண்டும். பலதரப்பட்ட சிந்தனைகளால் குழப்பம் உண்டாகும். வேலையாட்களால் அலைச்சல்கள் ஏற்படும். எதிலும் கவனத்துடன் செயல்படுவது நல்லது. சக ஊழியர்களிடத்தில் அனுசரித்து செல்லவும். பொறுமை வேண்டிய நாள்.அதிர்ஷ்ட எண் : 7அதிர்ஷ்ட நிறம் : வெளிர்மஞ்சள் தனுசுவிரும்பிய காரியத்தை நினைத்த படியே செய்து முடிப்பீர்கள். குடும்பத்தில் கலகலப்பான சூழல் உருவாகும். பண விஷயத்தில் கவனம் வேண்டும். உத்தியோகத்தில் மேன்மையான வாய்ப்புகள் உண்டாகும். பிள்ளைகளால் மகிழ்ச்சியான செய்திகள் கிடைக்கும். வேலையில் நல்ல மாற்றங்கள் ஏற்படும். நலம் மேம்படும் நாள்.அதிர்ஷ்ட எண் : 6அதிர்ஷ்ட நிறம் : வெள்ளை மகரம்பிள்ளைகளுடன் இருந்துவந்த கருத்து வேறுபாடுகள் நீங்கும். எதிர்பாராத சில உதவிகள் மூலம் மாற்றம் உண்டாகும். தடையாக செயல்பட்டவர்கள் விலகிச் செல்வார்கள். பூர்வீக சொத்துக்களில் எதிர்பார்ப்புகள் நிறைவேறும். உடன்பிறந்தவர்கள் அனுகூலமாக நடந்து கொள்வார்கள். உடல் ஆரோக்கியம் மேம்படும். சமூகப் பணிகளில் இருப்பவர்களுக்கு முன்னேற்றம் ஏற்படும். உதவி கிடைக்கும் நாள்.அதிர்ஷ்ட எண் : 8அதிர்ஷ்ட நிறம் : பொன்னிறம் கும்பம்தாய்வழி உறவினர்களுடன் இருந்துவந்த கருத்து வேறுபாடுகள் குறையும். கடன் தொடர்பான பிரச்சனைகள் நீங்கும். ஆராய்ச்சி சிந்தனைகள் மனதில் அதிகரிக்கும். வெளிவட்டாரத்தில் செல்வாக்கு உயரும். குழந்தைகள் பற்றிய எண்ணங்கள் மேம்படும். எதிர்பாராத சில பயணம் மூலம் புதிய அனுபவம் உண்டாகும். ஓய்வு மேம்படும் நாள்.அதிர்ஷ்ட எண் : 6அதிர்ஷ்ட நிறம் : இளநீலம் மீனம்மேல்நிலை கல்வி தொடர்பான விஷயங்களில் ஆர்வம் அதிகரிக்கும். புதுமையான செயல்பாடுகளில் ஈடுபாடு உண்டாகும். வாகன பயணங்களால் லாபம் அதிகரிக்கும். உடல் தோற்றப் பொலிவில் மாற்றங்கள் ஏற்படும். ஆரோக்கியம் சார்ந்த செயல்பாடுகளில் கவனம் வேண்டும். கால்நடைகளின் மூலம் மேன்மை உண்டாகும். நட்பு மேம்படும் நாள்.அதிர்ஷ்ட எண் : 4அதிர்ஷ்ட நிறம் : மஞ்சள்
Added a post
குரோதி வருடம் பங்குனி மாதம் 21 ஆம் தேதி வெள்ளிக்கிழமை 4.4.2025.சந்திர பகவான் இன்று மிதுன ராசியில் பயணம் செய்கிறார்.இன்று அதிகாலை 03.46 வரை சஷ்டி. பின்னர் சப்தமி.இன்று காலை 11.30 வரை மிருகசீரிடம். பின்னர் திருவாதிரை.விசாகம், அனுஷம் நட்சத்திரத்தில் பிறந்தவர்களுக்கு சந்திராஷ்டமம். சற்று கவனமுடனும் எச்சரிக்கையுடனும் நடந்துகொள்வது அவசியம்.
Added a news
காணி விடுவிப்பு தொடர்பிலோ, மதங்கள் தொடர்பிலோ எமக்கு போதனைகள் செய்யவேண்டாம். அனைவருக்கும் சமமாக இருக்கும் சட்டத்தை நடைமுறைப்படுத்தி எமது நியாயமான கோரிக்கைக்கு தீர்வு வழங்கப்பட வேண்டும் என தையிட்டி திஸ்ஸ விகாரை அமைந்துள்ள காணி உரிமையாளர்கள் வலியுதுத்தியுள்ளனர்.அத்துடன் வலி வடக்கு தையிட்டி திஸ்ஸ விகாரை தொடர்பான கலந்துரையாடலுக்காக யாழ்ப்பாணம் வருகை தந்த நீதி அமைச்சர் சட்டத்தரணி ஹர்ஷன நாணயக்கார உள்ளூராட்சிமன்ற தேர்தலை காரணம் காட்டி கலந்துரையாடலின் இடை நடுவில் எழுந்து சென்றமை பாதிக்கப்பட்ட மக்களை அவமானப்படுத்தியதுடன் ஏமாற்றத்தையும் அளித்துள்ளதாகவும் கலந்துரையாடலில் பங்குபெற்றியவர்கள் குற்றம் சாட்டியுள்ளனர்யாழ் தையிட்டிப் பகுதியில் சட்டவிரோதமாக அமைக்கப்பட்டுள்ள சர்ச்சைக்குரிய திஸ்ஸ விகார தொடர்பில் இன்று வியாழக்கிழமை யாழ் நாக விகாரையில்நீதி அமைச்சர் பங்கு பெற்றலுடன் கலந்துரையாடலுக்கு பங்கு கொள்ளுமாறு மதத்தலைவர்கள் புத்திஜீவிகள் மற்றும் காணி உரிமையாளர்களுக்கு அழைப்பு விடுக்கப்பட்டது.இந்நிலையில் குறித்த கலந்துரையாடலுக்கு வருகை தந்த நீதி அமைச்சர் ஹர்ஷன நாணயக்கார கூட்டம் ஆரம்பித்து சிறிது நேரம் பங்கேற்ற நிலையில் தேர்தல் காலம் காரணமாக குறித்த கலந்துரையாடலிலிருந்து செல்வதாக கூறி அவ்விடத்தை விட்டு நழுவிச் சென்றிருந்தார். இதையடுத்து திஸ்ஸ விகாரை அமைக்கப்பட்டுள்ள காணி உரிமையாளர்கள் சிலர் தமது ஆதங்கங்களை ஊடகங்கள் முன்ல்ப் இவ்வாறு தெரிவித்தனர். தையிட்டி சட்டவிரோத திஸ்ஸ விகாரை தொடர்பில் நீதி அமைச்சருடன் கலந்துரையாடல் இடம் பெறும் என எமக்கு அழைப்பு விடுக்கப்பட்ட நிலையில் கலந்து கொண்டோம். குறித்த கலந்துரையாடல் இடம் பெறுவதற்கு முன்னர் நீதி அமைச்சின் கீழ் இயங்கும் நிறுவனமான தேசிய நல்லிணக்க சகவாழ்வு மையம் எமது தையிட்டிப் பகுதிக்கு வருகை தந்து காணி உரிமையாளர்களுடன் கலந்துரையாடலில் ஈடுபட்டனர். கலந்துரையாடலில் ஈடுபடும் போது உள்ளூராட்சி மன்ற தேர்தலில் போட்டியிடும் உறுப்பினர்கள் கலந்து கொள்ள வேண்டாம் என கூறிய நிலையில் வேட்பாளர்களாக போட்டியிடுபவர்கள் குறித்த கலந்துரையாடல் பங்கு பெற்ற வில்லை. யாழ் நாக விகாரையில் மாலை இடம் பெற்ற நீதி அமைச்சருடரான கலந்துரையாடலுக்கு அனைவரும் அழைக்கப்பட்டனர். குறித்த கலந்துரையாடலுக்கு வருகை தந்த அமைச்சர் தனது தலைமை உரையில் சமாதானம் விட்டுக்கொடுப்பு என போதனைகளைச் சொல்லிவிட்டு தேர்தல் காலம் என்பதால் நான் செல்கிறேன் என கூறி எழுந்த சென்று விட்டார்.நாங்கள் பல எதிர்பார்ப்புடன் குறித்த கலந்துரையாடலுக்கு சென்ற நிலையில் நீதி அமைச்சர் இடை நடுவில் எழுந்து சென்றது குறித்த கலந்துரையாடலுக்கு வருகை தந்தசமயத் தலைவர்கள் ,புத்திஜீவிகள் மற்றும் தையிட்டி விகாரை அமைந்துள்ள காணி உரிமையாளர்களுக்கு ஏமாற்றம் அளிக்கும் ஒரு விடயமாக பார்க்கிறோம் .அமைச்சர் சென்ற நிலையிலும் கலந்துரையாடல் தொடர்ந்து சென்றது. நாம் தெளிவாக கூறினோம் நாங்கள் மதங்களை மதிப்பவர்கள் சட்டவிரோதமாக அமைக்கப்பட்ட கட்டடத்தை தான் அகற்றச் சொல்கிறோம் இதை நீங்கள் மதவாதமாகவே இனவாதமாகவோ சித்தரிக்க வேண்டாம். எமது காணி என்பதற்கான ஆதாரம் எம்மிடம் ஆவணம் இருக்கிறது எமக்கு போதனை வேண்டாம் சட்டத்தை நடைமுறைப்படுத்துங்கள் என கூறினோம்.குறித்த கலந்துரையாடலை திசை திருப்பும் முகமாக அகில இலங்கை தமிழ் காங்கிரஸ் என்ற அமைப்பின் பிரதிநிதிகள் குறித்த கலந்துரையாடலின் இறுதியில் எழுந்து நின்று தையிட்டிப் பகுதியில் அறுநூறுக்கும் மேற்பட்ட சிங்கள குடும்பங்கள் வாழ்ந்ததாகவும் அவர்கள் மீள்குடியேற அனுமதி கோருவதாகவும் தெரிவித்தனர்.தையிட்டி விகாரை தொடர்பில் பேசுவதற்காக அழைத்துவிட்டு சிங்கள குடும்பங்களை மீள்குடியேற அனுமதி கேட்க்கும் கலந்துரையாடலாக இறுதியில் மாற்ற நினைக்கிறார்கள்.நாங்கள் அகில இலங்கை தமிழ் காங்கிரஸ் அமைப்பினர் முன்வைத்த கருத்து தொடர்பில் எதிர் கருத்து தெரிவிப்பதற்கு நேரம் கேட்டோம் எமக்கு வழங்கப்படவில்லைதேர்தல் அறிவிக்கப்பட்ட பின்னர் யாழ்ப்பாணத்தில் அபிவிருத்தி குழு கூட்டங்கள் அரசியல்வாதிகளின் பங்கு பெற்றுதலுடன் இடம்பெற்ற நிலையில் ஆளுங்கட்சியில் உள்ளூராட்சி மன்றங்களில் போட்டியிடும் உறுப்பினர்களும் குறித்த கலந்துரையாடல்களில் பங்கு பற்றினர்.ஆனால் விகாரை தொடர்பான கூட்டத்துக்கு மட்டம் நீதி அமைச்சர் தேர்தல் காலம் என கூறி இடை நடுவில் எழுந்து சென்றமை கூட்டத்தில் கலந்து கொண்டமை ஏற்றக்கூடிய விடையம அல்ல என அவர் மேலும் தெரிவித்தார்.இவ்வாறான நிலையில் இன்று வெள்ளிக்கிழமை கிளிநொச்சி மாவட்ட செயலகத்தில் நீதி அமைச்சர் பங்குபற்றும் கலந்துரையாடலுக்கு பொது அமைப்பின் பிரதிநிதிகள் அழைக்கப்பட்டுள்ளமை குறிப்பிடத்ததுடன் எதிர்வரும் 11 ஆம் திகதி பிரதமரும் 17 ஆம் திகதி ஜனாதிபதியும் பல்வேறு நிகழ்வுகளில் கலந்துகொள்ள யாழ்ப்பாணம் வருகைதரவுள்ளதும் குதிப்புடத்தக்கது000
Added a post
ஒரு கோவிலில் ஒரு அர்ச்சகர் இருந்தார்... அந்த கோவிலின் பின் பகுதியில் ஒரு பூனைக்குட்டி சில நாட்களாக சுற்றி வந்தது... அந்த அர்ச்சகர் அதற்கு பால் ஊற்றி பாதுகாத்து வந்தார்... ஒரு நாள் அந்த பூனை குட்டி மரத்தின் உச்சியில் ஏறி உட்கார்ந்து கொண்டு கீழே இறங்க பயந்துகொண்டு இருந்தது... அர்ச்சகரும் பாலை கீழே வைத்து அழைத்து பார்த்தார்... ஆனால் அது கீழே இறங்க பயப்பட்டது... அர்ச்சகர் என்ன செய்யலாம் என்று யோசித்தார்...மரத்தின் மேல் ஏறும் அளவிற்கு மரகிளை வலிமையானதல்ல... எனவே ஒரு கயிற்றை கொக்கியுடன் வீசி மர கிளையை கயிற்றை பிடித்து இழுத்து வளைத்தால் பூனை குதித்து விடும் என்று யோசனை செய்து அது படி செய்தார்... கயிறை இழுக்க கிளை வளைந்து கீழ் நோக்கி வந்தது... ஆனால் கொக்கி வழுக்கிவிடவே கிளை வேகமாக தன்னிலை அடைய பூனைக்குட்டி தூக்கிஎறியபட்டு கண்ணை விட்டு மறைந்தது... அர்ச்சகர் தன்னால் முடிந்த வரை பூனை குட்டியை தேடினார்... கிடைக்கவில்லை... மனம் வருந்தி இறைவனிடம் தான் செய்த தவறால் பூனைக்குட்டிக்கு ஆபத்து நேர்ந்ததற்கு மன்னிப்பு கேட்டார். அடுத்த நாள் அவர் கோவிலுக்கு வரும் ஒரு பெண்ணை மளிகைகடையில் கண்டு நலம் விசாரித்தார். அந்த பெண் கூடையில் பூனைக்கான பிஸ்கட் இருப்பதை பார்த்து வீட்டில் பூனை வளர்கிராயா என்று கேட்டார்...அந்த பெண் இல்லை சாமி என் மகள் இரண்டு நாட்களாக பூனை குட்டி வளர்க்க வேண்டும் என்று என்னிடம் கேட்டாள்... நான் மறுக்கவே அவள் அழுக ஆரம்பித்தாள்... நானும் அவளை சமாதானப்படுத்த கடவுளிடம் பூனை குட்டி கேள்... அவர் கொடுத்தால் நாம் வளர்க்கலாம் என்று சொன்னேன்... என் குழந்தை உடனே அங்கேயே கண்னை மூடி பூனைக்குட்டி வேண்டி பிரார்த்திக்க ஆரம்பித்தாள்.. என்ன ஆச்சரியம்... ஒரு பூனைகுட்டி ஆகாயத்தில் கால்களை விரித்த படி பறந்து வந்து குழந்தை காலடியில் விழுந்தது... பிறகு அதை எடுத்து பால் கொடுத்து வளர்க்கிறோம் என்று சொன்னாள்.
Added a post
ரணகள்ளி (Ranakal) அல்லது மடராசி கள்ளி (Kalanchoe pinnata) என்பது ஒரு மூலிகைச் செடி ஆகும். இது பொதுவாக இந்தியா, ஆப்பிரிக்கா மற்றும் வெப்பமண்டல பகுதிகளில் காணப்படும் ஒரு மருந்துச் செடி. தமிழில் இதை "பத்திர கள்ளி", "மரசெம்பருத்தி" என்றும் அழைக்கலாம்.ரணகள்ளியின் நன்மைகள்:காயம் மற்றும் வெட்டுக்காயங்களை குணப்படுத்தும் – இதன் இலைச்சாற்று காயத்தை விரைவாக ஆற்ற உதவுகிறது.கிட்னியில் உண்டாகும் கல்லை கரைக்கும் சிறந்த மூலிகையாக ரணகள்ளி பயன்படுகிறது.நீரிழிவு கட்டுப்பாடு – இதன் சாற்று இரத்தத்தில் சர்க்கரையின் அளவை கட்டுப்படுத்த உதவலாம்.அரிப்பை நீக்குதல் – தோல் வியாதிகள் மற்றும் அரிப்பு குறைக்க உதவுகிறது.குடல்நோய்களுக்கு தீர்வு – வயிற்றுப்போக்கு மற்றும் அஜீரணத்திற்கு நல்லது.சளி, இருமல் குணப்படுத்துதல் – இதன் சாறு சளி குறைக்கும் தன்மை கொண்டது.மூட்டு வலி மற்றும் வீக்கத்தை குறைத்தல் – இந்த மூலிகை அழற்சி எதிர்ப்பு (anti-inflammatory) தன்மை கொண்டது.புற்றுநோய் எதிர்ப்பு பண்பு – சில ஆய்வுகளின்படி, இதன் செயல்பாடுகள் புற்றுநோயை கட்டுப்படுத்தும் சக்தி கொண்டதாக இருக்கலாம்.ரணகள்ளியின் தீமைகள்:அதிக அளவில் பயன்படுத்துவோர் கவனிக்க வேண்டும் – அதிக அளவில் சாப்பிட்டால் வயிற்றுப் பிரச்சினைகள் ஏற்படலாம்.கர்ப்பிணிப் பெண்கள் தவிர்க்க வேண்டும் – சில மூலிகைகள் கர்ப்பிணிப் பெண்களுக்கு பாதிப்பு ஏற்படுத்தக்கூடும்.இரத்த அழுத்தம் குறைவதற்கான ஆபத்து – குறைந்த இரத்த அழுத்தம் (Low BP) உள்ளவர்கள் மருத்துவ ஆலோசனை பெற்ற பின் இதைப் பயன்படுத்த வேண்டும்.அலர்ஜி ஏற்படுத்தலாம் – சிலருக்கு தோலில் அரிப்பு, சிவப்பு போன்ற அலர்ஜி விளைவுகளைக் காணலாம்.ரணகள்ளியின் மருத்துவப் பயன்கள்:வெட்டுக்காயம், எரிச்சல், வெப்ப காயங்களுக்கு – இலை அரைத்து தடவலாம்.சளி, இருமல், ஆஸ்துமா குணமாக – இலைச்சாற்றை தேனுடன் கலந்து குடிக்கலாம்.குடல் புழுக்களை வெளியேற்ற – இதன் சாற்றை ஒரு சிறிய அளவில் உட்கொள்ளலாம்.நீரிழிவு கட்டுப்படுத்த – இதன் சாறு சில ஆய்வுகளின்படி இன்சுலின் செயல்பாட்டை மேம்படுத்துகிறது.மூட்டுவலி மற்றும் வீக்கம் குறைக்க – இதன் இலைச்சாற்றை உட்கொள்ளலாம் அல்லது புண்பட்ட இடத்தில் தடவலாம்.தோல் நோய்களுக்கு – புண்கள், எக்கிமா, அலர்ஜி போன்றவற்றுக்கு இலை அரைத்து தடவலாம்.முக்கிய குறிப்புரணகள்ளி ஒரு சிறந்த மூலிகையாக இருப்பினும், எந்த மூலிகையையும் அளவோடு, மருத்துவ ஆலோசனையுடன் பயன்படுத்துவது நல்லது. சில நோய்கள் அல்லது உடல் நிலைகளுக்கு இது பாதிப்பை ஏற்படுத்தலாம், எனவே உங்களுக்கு ஏற்றதா என்பதை மருத்துவரிடம் பரிசோதித்து, ஆலோசனைப் பெற்ற பின்னர் பயன்படுத்துங்கள்.
Added a post
மன்னன் ஒருவன், தனது பரிவாரங்களுடன் காட்டிற்குள் வேட்டையாட சென்றான். திடீரென மன்னன் அமர்ந்திருந்த குதிரை மட்டும் வெறிபிடித்து, காட்டிற்குள் மன்னனை எங்கெங்கோ இழுத்துச் சென்று, இறுதியில் ஒரு குழிக்குள் தள்ளிவிட்டு சென்றது. அந்த நேரத்தில் அங்கு வந்த கிராமத்து வாசிகள் 4 பேர் மன்னனை காப்பாற்றி பரிவாரங்களுடன் சேர்த்தனர்.மன்னன் அந்த 4 கிராமத்து வாசிகளையும் அரசவைக்கு அழைத்து, விருந்து உபசரிப்பு செய்து மகிழ்ந்தான். இறுதியாக அரசவையை விட்டு கிளம்பும் நேரத்தில், "உங்களுக்கு என்ன வேண்டும்" என்று மன்னன், அந்த கிராமத்து வாசிகளிடம் கேட்டான்.அதற்கு முதல் கிராமவாசி தனக்கு ஒரு மாடு வேண்டுமென்றான். இரண்டாமானவன் நிலம் வேண்டும் என்றான். மூன்றாமானவன் அழகான பெண்ணை திருமணம் செய்து வைக்க வேண்டும் என்றான். அவர்கள் கேட்டபடியே மன்னன் அவர்களுக்கு செய்து கொடுத்தான். நான்காமானவனிடம் “என்ன வேண்டும்..?" என்று மன்னன் கேட்க, அதற்கு அவன், "தங்களை காப்பாற்றிய அந்த நாளை ஒரு திருநாளாக நினைத்து, ஒவ்வொரு வருடமும் என் வீட்டிற்கு நீங்கள் வருகை தரவேண்டும் என்னோடு ஓரிரு நாள் தங்கி இருந்து சிறப்பிக்க வேண்டும்" என்று கேட்டுக் கொண்டான்.அவன் கேட்டுக் கொண்டபடியே ஒவ்வொரு வருடமும் அந்த கிராமத்திற்கே மன்னன் செல்ல ஆரம்பித்தான். மன்னன் செல்வதற்காக அந்த கிராமத்திற்கு சாலை வசதி செய்யப்பட்டது. அதன்பின்னர் மன்னன் தங்கியிருக்கும் நாட்களில் குடிநீருக்காக அந்த கிராமத்திற்கு குடிநீர் வசதி செய்து கொடுக்கப்பட்டது.மன்னன் தங்குவதற்காக அங்கு அரண்மனை கட்டப்பட்டது. அந்த இளைஞனின் நற்குணத்திற்காக மன்னன், தன் மகளை மணமுடித்து வைத்தான். ஆண் வாரிசு இல்லாத அந்த மன்னன், அந்த இளைஞனுக்கு முடிசூட்டி வைத்தான்.நாமும மன்னனிடம் முதல் மூன்று பேர் கேட்ட மாதிரியே இறைவனிடம் பொன், பணம், ஆபரணங்கள் என கேட்கின்றோம். நான்காமானவன் போல நாமும் இறைவனிடம், “என்னோடு வந்து தங்கியிருங்கள்" என்று கடவுளிடம் நாம் கேட்டதும் கிடைக்கும். அதோடு நமக்கு தேவையான சகலமும் பெற்று பெருவாழ்வு வாழலாம்.
Added a post
தினமும் காலை, நாராயண நாமத்தையும், இரவில் தூங்கும் முன், சிவ நாமத்தையும் சொல்லுங்கள்...' என, கூறியிருக்கிறார் காஞ்சி ஸ்ரீ மகா சுவாமிகள்.மிக எளிய வழிபாடு தான்; ஆனால், நம்மில் எத்தனை பேர் இதை கடைபிடிக்கின்றனர்.இறைவனின் நாமத்தை உச்சரிப்பதன் மகிமையைப் பற்றிய கதை இது:பஜனை கோஷ்டி ஒன்று, வீதியில் நாம சங்கீர் த்தனம் பாடியபடி சென்று கொண்டிருந்தது. அதை, அலட்சியம் செய்த ஒருவனுக்கு, ராம நாமத்தை உபதேசித்த ஞானி ஒருவர், 'இதை, விற்காதே; ஆத்மார்த்தமாக ஒரே ஒரு முறை யாவது சொல்லி பார்...' என்றார்.அவனும் அப்படியே செய்தான். காலகிரமத்தி ல் இறந்து போனான். அவன் ஆத்மாவை இழுத்துப் போய், யமதர்மராஜன் முன் நிறுத் தினர். அவரும், அவனுடைய பாப, புண்ணிய கணக்கை பரிசீலித்து, 'ஒருமுறை ராம நாமத் தை சொல்லி இருக்கிறாய்; அதற்காக, என்ன வேண்டுமோ கேள்...' என்றார்.ராம நாமத்தை உபதேசித்த ஞானி, 'அதை விற்காதே...' என்று கூறியிருந்தது நினைவுக் கு வந்தது. அதனால், அதற்கு விலை கூற மறுத்து, 'ராம நாமத்திற்கு, நீங்கள் என்ன தர வேண்டுமென நினைக்கிறீர்களோ, அதைத் தாருங்கள்...' என்றான்.திகைத்த யமதர்ம ராஜா, 'ராம நாமத்திற்கு, நாம் எப்படி மதிப்பு போடுவது...' என்று எண்ணி, 'இந்திரன் தான் இதை தீர்மானிக்க வேண்டும்; வா இந்திரனிடம் போகலாம்...' என்றார்.'நான் வருவதென்றால், பல்லக்கில் தான் வருவேன். அத்துடன், பல்லக்கு தூக்குபவர்க ளில், நீங்களும் ஒருவராக இருக்க வேண்டும். சம்மதமா...' என்றான்.'இவன் நம்மையும் பல்லக்கு தூக்கச் சொல்கிறான் என்றால், ராம நாமம், மிகுந்த மகிமை உடையதாகத் தான் இருக்க வேண்டும்; அதனால் தான் இப்படி எல்லாம் பேசுகிறான்...' என்று எண்ணிய யமதர்ம ராஜா, அதற்கு சம்மதித்து, அவனை பல்லக்கில் உட்கார வைத்து, சுமந்து கொண்டு இந்திரனிடம் போனார்.இந்திரனோ, 'ராம நாமத்தை என்னால் எடை போட முடியாது; பிரம்மதேவரிடம் கேட்போம்; வாருங்கள்...' என்றார்.'யமதர்மனோடு இந்திரனும் சேர்ந்து பல்லக்கு தூக்கினால் தான் வருவேன்...' என்று மீண்டும் அவன் நிபந்தனை விதித்தான். அதற்கு இந்திரனும் ஒப்புக் கொண்டான். பல்லக்கை சுமந்து கொண்டு, பிரம்மாவிடம் சென்றனர்.அவரும், 'ராம நாம மகிமை சொல்ல, என்னால் ஆகாது; வைகுண்டம் போய், அந்த பரம் பொருளையே கேட்கலாம் வாருங்கள்...' என்று சொல்ல, அவரும் பல்லக்கு சுமக்கும்படியாக ஆயிற்று.அனைவரும் மகா விஷ்ணுவிடம் சென்று, 'இந்தப் பல்லக்கில் இருக்கும் ஆன்மா, ஒரு முறை ராம நாமத்தை சொல்லியிருக்கிறது; அதற்காக, இவனுக்கு என்ன புண்ணியம் என்பதை தாங்கள் தான் கூற வேண்டும். எங்களால் முடியவில்லை...' என்றனர்.'இந்த ஜீவனை பல்லக்கில் வைத்து, நீங்கள் எல்லாரும் சுமந்து வருகிறீர்களே. இதிலிருந்தே ராம நாம மகிமை தெரியவில்லையா...' என்று சொல்லி பல்லக்கில் வந்த ஆன்மாவை தன்னுடன் சேர்த்துக் கொண்டார் பகவான்.அலட்சியமின்றி, ஆண்டவன் நாமம் சொல்வோம்; அவனருளாலே அல்லல்களை வெல்வோம்!
Added a post
கற்பூரவள்ளி (Karpooravalli) என்றால் என்ன?கற்பூரவள்ளி என்பது Lamiaceae குடும்பத்தைச் சேர்ந்த ஒரு மூலிகைத் தாவரமாகும். இதன் விஞ்ஞானப் பெயர் Plectranthus amboinicus ஆகும். தமிழில் இது ஒமவல்லி, சோவாய் இலையான், கற்பூரவல்லி என்பவாறு அழைக்கப்படுகிறது.இதன் இலைகள் காற்றில் மெதுவாக நசுங்கும்போது கற்பூரம் போன்ற வாசனை வரும். இலைகளின் புளிப்பு மற்றும் சற்றே காரமான தன்மை காரணமாக இது பல மருத்துவ பயன்பாடுகளுக்கு உகந்ததாகக் கருதப்படுகிறது.கற்பூரவள்ளியின் பயன்பாடுகள்சளி, இருமல், ஜலதோஷம் - கற்பூரவள்ளி இலைகளை நசுக்கி அதன் சாறு எடுத்து தேன் சேர்த்து குடித்தால் இருமல், சளி குறையும்.தொண்டை வலி - கற்பூரவள்ளி இலைகளை வேக வைத்துக் குடிப்பது தொண்டை வலியை குறைக்கும்.அமிலத்தன்மை, மாறுபட்ட ஜீரணம் - இதன் இலையை துவைத்து சாப்பிடுவதால் செரிமானம் மேம்படும்.தோல் நோய்கள் - கற்பூரவள்ளி இலைச் சாறை செம்மறியாட்டு எண்ணெயுடன் கலந்து தேய்ப்பதால் தோல் பிரச்சனைகள் தீரும்.தலைவலி, மூக்கடைப்பு - கற்பூரவள்ளி இலைகளை சூடாக்கி அதில் வரும் வாடையை உட்கொள்வதால் மூக்கடைப்பு சரியாகும்.கீல்வாதம், வலி - கற்பூரவள்ளி எண்ணெயை பயன்படுத்துவதால் உடலின் வலி குறையும்.கற்பூரவள்ளியின் மருத்துவ நன்மைகள்உடலில் சூட்டை குறைக்கும்நுரையீரல் சுத்தம் செய்யும்சளி, இருமல், தொண்டை வீக்கம் போன்றவற்றை போக்கும்உடல் நோய் எதிர்ப்பு சக்தியை அதிகரிக்கும்நோக்கள், பாக்டீரியா, வைரஸ்கள் எதிர்ப்பு தன்மை கொண்டதுசெரிமானத்தை மேம்படுத்தும்கற்பூரவள்ளியின் தீமைகள்அதிக அளவில் எடுத்தால் வயிற்று உப்புசம் மற்றும் அடைப்புக்கு காரணமாக இருக்கலாம்.கர்ப்பிணிப் பெண்கள் மருத்துவரின் ஆலோசனை இல்லாமல் அதிகமாக பயன்படுத்தக் கூடாது.சிலருக்கு இது தோலில் அரிப்பு அல்லது எரிச்சல் ஏற்படுத்தக்கூடும்.குழந்தைகளுக்கு அளவுக்கு மீறி கொடுத்தால் வயிற்றுப்போக்கு ஏற்படலாம்.கற்பூரவள்ளியின் சிறப்புஇயற்கையாகவே ஆரோமாடிக், மருத்துவ குணங்கள் நிறைந்தது.வீட்டில் வளர்த்துக் கொள்ள ஏற்றது.இயற்கை மருத்துவத்தில் இது ஒரு முக்கிய மூலிகை.குறிப்பு: மருந்தாக பயன்படுத்தும் முன் மருத்துவரின் ஆலோசனை பெறுவது நல்லது.
Added a post
இராமேஸவரம் கோவிலில் எவருக்குமே தெரியாத சில அற்புத சக்தி வாய்ந்த சன்னிதிகள்ராமேஸ்வரத்தில் பிரகாரங்களில் சுற்றி வரும்போது நிறைய லிங்கங்கள் இருப்பதை பார்த்திருப்பீர்கள்.இவற்றில் சில லிங்கங்கள் கோவில் நிர்வாகத்தாலும், பக்தர்களாலும் கவனிக்கபடாமல், பூஜைகள் நடை பெறாமலும் இருப்பதையும் பார்த்திருப்பீர்கள்.அப்படி ஒரு லிங்கம் பல நூறு வருடங்கள் பராமரிப்பு இல்லாமல் தூசி பிடிக்கப்பட்டு, பராமரிப்பு இல்லாமல் உள்ளது.சிவராத்திரி அன்று மட்டும் பக்தர் ஒருவர் கோவில் நிர்வாகிகளிடம் அனுமதி பெற்று அந்த சிவ லிங்கத்தை தனது சொந்த முயற்சியால் சுத்தம் செய்து லிங்கத்தை நன்றாக வில்வ இலைகளால் அலங்காரம் செய்து வருகின்றார்.மூன்றாம் பிரகாரத்தில் நளன், நீலன், கவன் ஆகியோரால் பூஜிக்கப்பட்ட சிவன் சன்னதிகளுக்கு அருகில் உள்ள இந்த லிங்கத்தின் பெயர் நீலேஸ்வரர் லிங்கம்.இந்த நீலேஸ்வரர் லிங்கத்தின் சிறப்பு என்ன வென்றால் பல நூறு வருடங்களுக்கு முன்பு சீதையால் பிரதிஷ்டை செய்யபட்ட தற்போதுள்ள ராமநாதர் லிங்கத்திற்கு பதிலாகஇருந்த மூலவர் லிங்கம் இவர்தான் என கூறப்படுகிறது.இந்த லிங்கத்தை இராமநாதபுரத்தில் வசிப்பவர்கள் யாரும் தரிசித்தது இல்லை.இந்த லிங்கத்தை தரிசிப்பதற்குரிய பிராப்தம் இருந்தால் தரிசிக்க முடியும். மேலும் ராமேஸ்வரம் கோவிலில் ராமநாதர் சன்னிதிக்கு பின்புறம் உப்புக்கல்லால் செய்யப்பட்ட ஒரு பழமையான லிங்கம் உள்ளது.பல வருடங்களாக அந்த உப்புக்கல்லால் செய்யப்பட்ட உப்புலிங்கம் கரையாமல் அப்படியே உப்புக்கல்லாகவே இருப்பது மிகவும் அதிசியமாகும்.இந்த லிங்கம் வந்ததற்கு ஒரு கதை கூறப்படுகிறது.ஒரு முறை சிலர், ராமேஸ்வரம் கோவிலில் உள்ள லிங்கம் மணலால் ஆனது அல்ல என்றும், அப்படி மணலால் செய்யப்பட்டது என்றால், அபிஷேகத்தின் போது கரைந்திருக்க வேண்டும் என்றும் வாதம் செய்தார்கள். அந்த நேரத்தில் பாஸ்கரராயர் என்ற அம்பாள் பக்தர், தண்ணீரில் எளிதில் கரையும் தன்மையுடைய உப்பில் ஒரு லிங்கம் செய்து, அதற்கு அபிஷேகம் செய்தார். ஆனால் அந்த லிங்கம் கரையவில்லை. அம்பாளை வணங்கும் தன்னால் பிரதிஷ்டை செய்யபட்ட லிங்கமே கரையாதபோது, காக்கும் கடவுளின் மனைவியான சீதாதேவி பிரதிஷ்டை செய்த லிங்கம் கரையாமல் இருப்பதில் என்ன அதிசயம் இருக்கிறது’ என்று கூறினார்.அவர் செய்த உப்பு லிங்கத்தை இப்போதும் நாம் தரிசனம் செய்யலாம். மேலும் இராமேஸ்வரம் கோவிலில் அநேகம் பேருக்கு தெரியாத சேதுமாதவர் சன்னதி ஒன்று உள்ளது.காலில் சங்கிலியுடன் பெருமாள்-சேதுமாதவர் சன்னிதி சுந்தரபாண்டியன் என்னும் மன்னன், பெருமாளின் தீவிர பக்தராக விளங்கினான்.அவனது குழந்தை பாக்கியம் இல்லா குறையைத் தீர்க்க மகாலட்சுமியையே அவரது மகளாக அவதரிக்கும் படி செய்தார் பெருமாள். அவள் மணப்பருவம் அடைந்த போது, பெருமாள் ஒரு இளைஞனின் வடிவில் வந்து அவளிடம் வம்பிழுத்தார். மன்னன் அந்த இளைஞனை சிறையில் அடைத்து, சங்கிலியால் காலைக் கட்டிப் போட்டான்.பக்தனின் பக்திக்கு கட்டுப்பட்ட பெருமாள், அவ்வாறு சங்கிலியால் கட்டுவதற்கு இடமளித்தார். அன்றிரவில் மன்னனின் கனவில் இளைஞனாக வந்து சிறையில் அடைபட்டிருப்பது தானே என்று மன்னனுக்கு உணர்த்தவே, இருவருக்கும் திருமணம் செய்விக்கப்பட்டது. இளைஞராக வந்த சுவாமி, இங்கு சேதுமாதவராக அருளுகிறார். அவரது காலில் சங்கிலி கட்டப்பட்டிருக்கிறது. இவரது சன்னதி அருகில் லட்சுமி நாராயணர், யோக நரசிம்மர் இருவரும் அருகருகில் காட்சி தருகின்றனர்.கடுமையான பிதுர்தோஷம் உள்ளவர்கள் இராமேஸ்வரம் கோவிலில் உள்ள அனைத்து தீர்த்தத்திலும் நீராடி விட்டு இந்த சேதுமாதவர் சன்னதி முன்பு, கடல் மணலில் லிங்கம் பிடித்து வைத்து தங்கள் கோரிக்கைகளைச் சொல்லி வணங்கினால் மட்டுமே கடுமையான பிதுர்தோஷத்தை நீங்கும் என்பது எவருக்குமே தெரியாத தேவ ரகசியமாகும்.ராமர் இங்கு சிவபூஜை செய்த போது அவரைப் பிடித்த பிரம்மஹத்தி தோஷம் (கொலை செய்த பாவம்) விலகியது. அந்த தோஷம் எங்கு செல்வதென தெரியாமல் திணறியது. அதனால் வேறு யாருக்கும் பாதிப்பு உண்டாகாமல் இருக்க, சிவன் பைரவரை அனுப்பினார். அவர் பிரம்மஹத்தி தோஷத்தை தன் திருவடியால் அழுத்தி, பாதாளத்தில் தள்ளினார். பின்னர் இத்தலத்திலேயே அமர்ந்து, இங்கு வரும் மனம் திருந்திய பக்தர்களின் கொடிய பாவங்களைப் பாதாளத்துக்குள் தள்ளுபவராக அருள் செய்கிறார். இவருக்கு “பாதாள பைரவர்’ என்று பெயர். இவரது சன்னதி கோடிதீர்த்தம் அருகில் உள்ளது.இந்த பைரவரை வழிபட்டால் கொடிய தோஷமான பிரம்மஹத்தி தோஷம் (கொலை செய்த பாவம்)வறுமை, நோய் யாவும் உடனடியாக அகலும்.இராமேஸ்வரம் கோவிலுக்கு செல்பவரகள் பல நூறு வருடங்கள் பழமையான நீலேஸ்வரர் லிங்கம். ,உப்புக்கல்லால் செய்யப்பட்ட உப்பு லிங்கம், சேது மாதவர் சன்னிதி மற்றும் பாதாள பைரவர் ஆகிய சன்னிதிகளுக்கு சென்று தரிசித்து பயன் பெறுங்கள்.
Added article
"7-9-1949"இடையபட்டி நேத்தாஜி பாடசாலை கட்டிட நிதிக்காககலைவாணர் N.S.கிருஷ்ணன் அவர்களின்கிந்தனார்காலட்சேபம் 7-9-49 அன்று நடைபெற்றது
Added article
தாயே, என் தாயே!நான்உரித்த தோலேஅறுத்த கொடியேகுடித்த முதல் முலையே,என் மனையாளின்மானசீகச் சக்களத்தி, சரண்.தகப்பா, ஓ தகப்பா!நீ, என்றோ உதறிய மைபடர்ந்தது கவிதைகளாய் இன்றுபுரியாத வரியிருப்பின் கேள்!பொழிப்புரை நான் சொல்லுகின்றேன்.தமயா, ஓ தமயா!என் தகப்பனின் சாயல் நீஅச்சகம்தான் ஒன்றிங்கேஅர்த்தங்கள் வெவ்வேறு.தமக்காய், ஓ தமக்காய்!தோழி, தொலைந்தே போனாயேதுணை தேடிப் போனாயோ?மனைவி, ஓ காதலி!நீ தாண்டாப் படியெல்லாம்நான் தாண்டக் குமைந்திடுவாய்சாத்திரத்தின் சூட்சமங்கள் புரியும் வரை.மகனே, ஓ மகனே!என் விந்திட்ட விதையேசெடியே, மரமே, காடேமறு பிறப்பேமரண செளகர்யமே, வாழ்!மகளே, ஓ மகளே!நீயும் என் காதலியேஎனதம்மை போல ..எனைப் பிரிந்தும் நீயின்பம் காண்பாயா?இல்லைகாதலித்த கணவனுக்குள் எனைத் தேடுவாயா?நண்பா, ஓ நண்பா!நீ செய்த நட்பெல்லாம்நான் செய்த அன்பின் பலன்இவ்விடமும் அவ்விதமே.பகைவா, ஓ பகைவா!உன் ஆடையெனும் அகந்தையுடன்எனதம்மணத்தைக் கேலி செய்வாய்.நீ உடுத்தி நிற்கும் ஆடைகளேஉனதம்மணத்தின் விளம்பரங்கள்.மதமென்றும், குலமென்றும்நீ துவைத்த துணிக் கடைகள்நிர்மூலமாகி விடும்நிர்வாணமே தங்கும்.வாசகா, ஓ வாசகா!என் சமகால சகவாசி,வாசி!புரிந்தால் புன்னகை செய்.புதிரென்றால் புருவம் உயர்த்து.பிதற்றல் எனத் தோன்றின்பிழையும் திருத்து.எனது கவி உனதும்தான்.ஆம்,நான் உன் வரியில் நான் தெரிவேன்
Added a news
பட்டிலந்த வதைமுகாம் விவாகாரத்தை தூசு தட்டும் இன்றைய அனுர தலைமையிலான அரசு அன்று மக்கள் மத்தியிலும் நாட்டிற்கும் காட்டிய கோர முகத்தை நட்டு மக்கள் மறந்துவிடவில்லை என்று சுட்டிக்காட்டிய சோசலிச சமத்துவ கட்சியின்காரைநகர் வேட்பாளர் பரமு திருஞானசம்பந்தன், யாராக இருந்தாலும் நீதியின் முன் நிறுத்தப்படுவது அவடியம் என்றும் குறிப்பிட்டுள்ளார்.நாட்டில் உச்ச பேசுபொருளாக இருந்துவரும் குறித்த விவகாரம் தொடர்பில் ஐக்கிய தேசிய கட்சியின் முக்கியஸ்தர் வஜிர அபேவர்த்தன அன்றைய காலச் சூழலுக்கு ஏற்ப அது ஒரு தற்காப்பு நடவடிக்கையாக இருந்தது என்று கூதியுள்ளார்.இன்நிலையில் குறித்த விடையம் தொடர்பில் கருத்துக்கூறுய குறித்த கட்சியின் வேட்பாளர் திருஞானசம்பந்தன், மேலும் கூறுகையில் -சோசலிசத்துக்காக போராடும் வேலைத்திட்டங்களுக்கு பிரதேச ரீதியில் வலுச் சேர்க்கும் வகையில் தான் உள்ளூராட்சி மன்றங்களில் போட்டியிடுகின்றோம் .அதேநேரம் அனுரவின் கட்சி ஒரு பாசிசவாதம் கொண்ட கோடூரமான கட்சி. இவர்களும் இராணுவத்தை பாதுகாக்கவே முற்படுகின்றனர்.இதனால் தமிழ் மக்கள் இவர்களிடம் எதனையும் எதிர்பார்க்க முடியாது என்றும் அவர் சுட்டிக்காட்டியுள்ளமை குறிப்பிடத்தக்கது.00
Added a news
இணைந்த வடக்கு கிழக்கு மாகாணத்துக்கு மீளப்பெற முடியாத சமஷ்டி முறையிலான அதிகாரப் பகிர்வை ஏற்படுத்த பெறுமதிமிக்க ஒத்துழைப்பை வழங்குங்குமாறு வடக்கு கிழக்கு ஒருங்கிணைப்புக் குழு கோரிக்கை விடுத்துள்ளது.யாழ்ப்பாணத்தில் இன்று கூடக சந்திப்பொன்றை முன்னெடுத்த குறித்த அமைப்பினர் மேலும் கூறுகையில் -2025 சித்திரை மாதம் மூன்றாம் திகதியாகிய இன்று, இலங்கையின் வடக்கு கிழக்கு மாகாணங்களின் எட்டு மாவட்டங்களிலும் இயங்கும் சிவில் அமைப்புகளின் வலைப்பின்னலான வடக்கு கிழக்கு ஒருங்கிணைப்புக் குழு ஆகிய நாம், இந்திய பிரதமர் நரேந்திர மோடி அவர்களிடம், இலங்கையின் நீண்டகால தேசியப் பிரச்சினையை நிரந்தரமாக தீர்ப்பதற்கு இந்திய அரசின் பெறுமதிமிக்க ஒத்துழைப்பை வழங்குமாறு பகிரங்கமாக வேண்டுகோள் விடுக்கிறோம்.ஒரு நட்பான அயல் நாடு எனும் வகையில் இலங்கையின் நெருக்கடி காலங்களில் இந்தியா எப்போதும் உதவிக்கு வருகிறது. 2022ஆம் ஆண்டு இலங்கை எதிர்கொண்ட பொருளாதார நெருக்கடியின் போது இந்தியா வழங்கிய மாபெரும் பங்களிப்பை நாம் எப்போதும் நன்றியுடன் நினைவிற் கொண்டுள்ளோம்.அவ்வாறே, 1980களில் இலங்கையின் தேசியப் பிரச்சினையை திர்ப்பதற்கு நடுவராக இந்தியா ஆற்றிய வகிபாகத்தையும் நினைவிற் கொண்டுள்ளோம்.இந்திய இலங்கை ஒப்பந்தத்தின் மூலம் இலங்கையின் 1978 ஆம் ஆண்டு அரசியலமைப்பிற்கு அறிமுகப்படுத்தப்பட்ட பதின்மூன்றாவது திருத்தச் சட்டமானது குறிப்பீட்ட சில உரிமைகளை இலங்கையின் வடக்கு கிழக்கு மாகாணங்களைச் சார்ந்த தமிழ் பேசும் மக்களுக்கும் ஒட்டுமொத்த இலங்கைக்கும் உறுதிப்படுத்தியுள்ளது.குறிப்பாக இலங்கையின் வடக்கு கிழக்கு மாகாணங்கள் இணைக்கப்பட்டு இணைந்த வடக்கு கிழக்கு மாகாணத்துக்கு மாகாண ஆட்சி வழங்கப்பட்டதுஅத்துடன் தமிழ் மொழியானது இலங்கையின் வடக்கு கிழக்கு மாகாணங்களின் அலுவல்கள் மற்றும் நிர்வாக மொழியாக ஏற்கப்பட்டுள்ளது.மேலும் மாகாண உயர் நீதிமன்றங்கள் அமைக்கப்பட்டு அவற்றுக்கு மேன்முறையீட்டு அதிகாரம் வழங்கப்பட்டுள்ளதுஇந்திய இலங்கை ஒப்பந்தத்தின் பிரதான நோக்கமானது, தேசிய பிரச்சினைக்கு தீர்வுகாண்பதும், இலங்கையின் வடக்கு கிழக்கு மாகாணங்களைச் சார்ந்த தமிழ் பேசும் மக்களுக்கு அதிகாரப் பகிர்வு அளிப்பதுமாகும். எனினும், 13வது திருத்தச் சட்டமானது வடக்கு கிழக்கு மாகாணங்களைச் சார்ந்த மக்களுக்கு இறையாண்மை உரிமைகளுடன் கூடிய நிலையான அதிகாரப் பகிர்வை உறுதிப்படுத்தவில்லை.இலங்கையின் நிறைவேற்று அதிகாரமுடைய ஜனாதிபதியானவர் தனது மீயுயர் அதிகாரத்தைப் பயன்படுத்தி மாகாண ஆட்சியை செயலிழக்க செய்ய முடியும் என்பது இந்த மாகாண ஆட்சி முறைமையின் இன்ளொரு மட்டுப்படுத்தலாகும்.ஒரு தூரதிஷ்டவசமான நிகழ்வாக, இலங்கையின் உச்ச நீதிமன்றமானது 2006 ஆம் ஆண்டு வடக்கு கிழக்கு மாகாணங்களின் இணைப்பாவது "செல்லுபடியற்றதும் சட்டவிரோதமானதும்" எனப் பிரகடனப்படுத்தியது. இது இந்தப் பிரதேசத்தைச் சார்ந்த தமிழ் பேசும் மக்களுக்கு ஓர் அரசியல் பின்னடைவாகும்.13 வது திருத்த சட்டம் இலங்கையின் அரசியல் அமைப்பில் உளிவாங்கப்பட்டு 35 வருடங்கள் கடந்துவிட்டவ இந்த இடைப்பட்ட காலத்தில், இரண்டு தசாப்தங்களுக்கும் மேலாக உள்நாட்டுப் போர் நடைபெற்று, 2009ஆம் ஆண்டு முடிவற்றது.போரின் போதும் போர் முடிவுற உடனடிக் கால கட்டத்திலும் பொது மக்கள் மீது பாரதூரமான மனித உரிமைகள் மற்றும் மனிதாபிமான மீறல்கள் மேற்கொள்ளப்பட்டன.தொடர்ந்து ஆட்சிக்கு வந்த அரசுகள் வடக்கு கிழக்கு மாகாணங்களுக்கு அதிகாரப் பயிர்வை உறுதிப்படுத்தாததுடன் இராணுவமயமாக்கலையும், சிங்கள் காலணித்துவத்தையும், பௌத்தமயமாக்கலையும் விரிவாக்கினர் அத்துடன் தமிழ் பேசும் மக்களின் மொழியுரிமை மற்றும் கலாசார உரிமைகள் மறுக்கப்பட்டுள்ளன. அரா அனுசரணையுடன் கூடிய பல்வேறுபட்ட அச்சுறுத்தல்களும் அந்துமீறல்களும் தொடர்கின்றன இந்த பிரதேசங்களைச் சர்ந்த தமிழ் பேசும் மக்களின் அரசியல், சமூக, கலாசார, பொருளாதார உரிமைகள் அரச கொள்கைகளாலும் நடைமுறைகளாலும் புறக்கணிக்கப்பட்டுள்ளன.எமது கடந்தகால மற்றும் நிகழ்கால அனுபலங்களின் அடிப்படையில், 13வது திருத்தச் சட்டத்தில் காணப்படும் அதிகாரப் பகிர்வு முறையானது நிலைபேறானதல்ல எந்த நேரத்திலும் இலங்கை அரசானது மாகாண அதிகாரத்தை மீளப்பெற முடியும். எனவே, வடக்கு கிழக்கு மாகாணங்களைச் சார்ந்த தமிழ் பேசும் மக்கள் சமஷ்டி முறையிலான அதிகாரப் பகிர்வு முறையே எமக்கு கௌரமமான உரிமைகளுடன் கூடிய வாழ்வை உறுதிப்படுத்தக் கூடிய நிலைபேறான ஒரே முறைமை என்று திடமாக நம்புகிறோம்.அந்தவகையில் தங்களுக்கு நல்வரவு கூறுவதுடன் இலங்கைக்கான தங்களின் உத்தியோகபூர்வ வருகையை நாம் உலர்வாக கௌரவிப்பதுடன், இலங்கையில் இணைந்த வடக்கு கிழக்கு மாகாணத்துக்கு மீளப்பெற முடியாத சமஷ்டி முறையிலான அதிகாரப் பகிர்வை ஏற்படுந்த தங்களின் பெறுமதிமிக்க ஒத்துழைப்பை வழங்குமாறு இந்த பகிரங்க வேண்டுகோளை முன்வைக்கிறோம் என்றுன் தெரிவித்துள்ளமை குறிபிடத்தக்கது
