உலக நாடுகளின் தேசியக் கொடிகளில் ஏன் 'ஊதா' நிறம் அரிதாக இருக்கிறது தெரியுமா?

உலகில் உள்ள பெரும்பாலான தேசியக் கொடிகளில் சிவப்பு, நீலம், பச்சை, வெள்ளை, மஞ்சள் போன்ற நிறங்களைப் பார்க்கலாம். ஆனால், ஊதா நிறம் மட்டும் மிகவும் அரிது.

அதற்கு ஒரு சுவாரஸ்யமான வரலாற்றுக் காரணம் இருக்கிறது.

பண்டைய காலங்களில் துணிகளுக்கு நிறம் ஏற்ற இயற்கைச் சாயங்களே பயன்படுத்தப்பட்டன. அப்போது ஆழமான, நீடித்த ஊதா நிறத்தை உருவாக்குவது மிகவும் கடினமாக இருந்தது. அதற்காக மத்திய தரைக்கடல் பகுதியில் வாழ்ந்த மியூரெக்ஸ் (Murex) என்ற கடல் நத்தையிலிருந்து பெறப்பட்ட Tyrian Purple என்ற சாயம் பயன்படுத்தப்பட்டது. அதை தயாரிக்க பல ஆயிரக்கணக்கில் நத்தைகள் தேவைப்பட்டன.

அதனால் இந்தச் சாயத்தைத் தயாரிப்பது மிகவும் உழைப்பும் செலவும் அதிகம் கொண்ட செயலாக இருந்ததால், அது அக்காலத்தில் மிக உயர்ந்த மதிப்புடைய பொருளாகக் கருதப்பட்டது.

அரசர்கள், பேரரசர்கள் மற்றும் உயர்குடியினர் மட்டுமே பெரும்பாலும் ஊதா நிற ஆடைகளை அணிந்தனர். இதுவே ஊதா நிறத்தை அதிகாரம், செல்வம் மற்றும் அரச அந்தஸ்தின் அடையாளமாக மாற்றியது.

பின்னர், 1856-ஆம் ஆண்டு, இளம் வேதியியலாளர் வில்லியம் ஹென்றி பெர்கின் செயற்கை ஊதா நிறச் சாயத்தை கண்டுபிடித்தார். அதன் பிறகுதான் ஊதா நிறம் பொதுமக்களுக்கும் எளிதாகக் கிடைக்கத் தொடங்கியது.

ஆனால், அதற்குள் பல நாடுகள் தங்களது தேசியக் கொடிகளை ஏற்கனவே வடிவமைத்து விட்டன. அதனால் இன்றும் தேசியக் கொடிகளில் ஊதா நிறம் மிகவும் அரிதாகவே காணப்படுகிறது.

குறிப்பிடத்தக்க விதமாக, டொமினிகா மற்றும் நிகராகுவா ஆகிய நாடுகளின் கொடிகளில் மட்டுமே சிறிய அளவில் ஊதா நிறம் இடம்பெற்றுள்ளது.

ஒரு நிறத்திற்குப் பின்னால் இவ்வளவு சுவாரஸ்யமான வரலாறு இருப்பது ஆச்சரியம்தானே!