இன்றைய ராசி பலன்கள் - 15.6.2026

மேஷம்: மனதில் இருந்த அச்சம், கவலைகள் நீங்கி, நம்பிக்கை, உற்சாகம் பிறக்கும். கணவன் - மனைவிக்குள் அன்யோன்யம் அதிகரிக்கும். பிள்ளைகளின் உடல்நலம் சீராகும். தொழில், வியாபாரத்தில் பழைய சரக்குகளை விற்று காசாக்குவீர்கள்.

ரிஷபம்: உங்கள் மனதுக்குப் பிடித்த புதிய பாதையில் பயணிக்கத் தொடங்குவீர்கள். பணவரவு உண்டு. உங்கள் ரசனைக்கேற்ப வீடு, வாகனம் அமையும். கணவன் - மனைவிக்குள் மனம்விட்டுப் பேசுங்கள். ஆன்மிகத்தில் நாட்டம் உண்டாகும்.

மிதுனம்: சில காரியங்களை போராடி முடிப்பீர்கள். கணவன் - மனைவிக்குள் விட்டுக்கொடுத்துச் செல்வது அவசியம். வெளி உணவுகளை தவிர்க்கவும். வியாபாரத்தில் போட்டி அதிகரித்தாலும், சமாளிப்பீர்கள். பல வகையிலும் பொருட்கள் சேரும்.

கடகம்: வெளி வட்டாரத்தில் புதியவர்களின் நட்பு கிடைக்கும். தள்ளிப்போன வழக்கில் சாதகமான திருப்பம் வரும். அரசு, வங்கி காரியங்கள் விரைந்து முடியும். புதியவர்களின் அறிமுகமும், அதனால் ஆதாயமும் கிடைக்கும். பேச்சில் பொறுமை தேவை.

சிம்மம்: பழைய பிரச்சினைக்கு சுமுகத் தீர்வு கிடைக்கும். அதிகாரப் பதவியில் இருப்பவர்களின் அறிமுகம் உண்டாகும். எதிர்பார்த்த இடத்தில் இருந்து நல்ல செய்திகள் வரும். தொழில், வியாபாரத்தை விரிவுபடுத்த கடன் உதவி கிடைக்கும்.

கன்னி: இழுபறியாக இருந்த வேலைகள் விறுவிறுப்பாக நடந்து முடியும். பெற்றோர் உடல்நலம் சீராகும். அரசு, வங்கி சம்பந்தப்பட்ட காரியங்கள் சாதகமாகும். வியாபாரத்தில் புதிய வாடிக்கையாளர்கள் தேடி வருவார்கள். பண வரவு உண்டு.

துலாம்: வெகு நாட்களாக மனதை வாட்டிய பிரச்சினைக்கு முடிவுகட்டுவீர்கள். குடும்பத்தில் நிம்மதி, மகிழ்ச்சி அதிகரிக்கும். புதிய ஆடை, ஆபரணங்கள் சேரும். தொழில், வியாபாரத்தில் ஊழியர்கள் பொறுப்பை உணர்ந்து பணியாற்றுவார்கள்.

விருச்சிகம்: போட்டிகள், சவால்களை எதிர்கொள்வீர்கள். குடும்பத்தினரிடம் விட்டுக்கொடுத்துச் செல்லுங்கள். உடல்நலத்தில் கூடுதல் கவனம் செலுத்துவது நல்லது. வெளி உணவுகளை தவிர்ப்பது அவசியம். வியாபாரத்தில் நிதானம் தேவை.

தனுசு: பால்ய நண்பர்கள் தக்க சமயத்தில் உதவுவார்கள். தாய்வழி உறவினர்களால் வீட்டில் மகிழ்ச்சி தங்கும். வயிற்றுப்போக்கு, தலைசுற்றல் நீங்கும். அலுவலகத்தில் உயர் அதிகாரி அன்பு காட்டுவார். சுறுசுறுப்பாக செயல்பட்டு வேலைகளை முடிப்பீர்கள்.

மகரம்: உங்களது எதார்த்தமான, சாமர்த்தியமான பேச்சால், தடைபட்ட காரியங்களை முடித்துக் காட்டுவீர்கள். குடும்பத்தினர் ஆதரவாக இருப்பார்கள். பிள்ளைகள் உடல்நலம் சீராகும். மருத்துவச் செலவுகள் குறையும். வியாபாரத்தில் போட்டி விலகும்.

கும்பம்: பண வரவால் பழைய கடனை அடைப்பீர்கள். குடும்பத்தில் உங்கள் பேச்சுக்கு மதிப்பு கூடும். வாகனச் செலவுகள் குறையும். தொழில், வியாபாரத்தில் போட்டிகள் மறையும். ஆன்மிகம், யோகா, தியானத்தில் ஈடுபாடு அதிகரிக்கும்.

மீனம்: எதிர்மறை எண்ணங்கள் மறையும். உற்சாகம், தோற்றப் பொலிவு அதிகரிக்கும். கையில் காசு பணம் புரளும். விருந்தினர்கள் வருகையால் குடும்பத்தில் சந்தோஷம் நிலைக்கும். அலுவலகத்தில் சக ஊழியர்கள் ஆதரவாக இருப்பார்கள்.