நேபாள வெள்ளம்

சில நிமிடங்களில் 20 வருட உழைப்பு கண்முன்னே காணாமல் போன கதை.

உத்தரப்பிரதேசம் பல்லியாவை சேர்ந்த அசோக் சௌராசியா என்பவர், கடந்த இருபது வருடங்களாக நேபாளத்தில் உள்ள திரிசூலி பஜாரில் துணிக்கடை நடத்தி வந்திருக்கிறார். அங்கேயே சொந்தமாக மூன்று மாடி வீடு, கடை, குடோன் என தனது வாழ்க்கையை கொஞ்சம் கொஞ்சமாக கட்டி எழுப்பியிருக்கிறார்.

அன்று திடீரென வந்த வெள்ளம் எல்லாவற்றையும் மாற்றிவிட்டது.

தண்ணீர் பயங்கர சத்தத்துடன் ஊருக்குள் நுழைவதை பார்த்து, இருந்தவர்கள் எல்லாம் உயிரை காப்பாற்ற மேடான பகுதிக்கு ஓடியிருக்கிறார்கள். அசோக் அங்கிருந்த ஒரு மடாலயத்தின் சுவரை இறுக்கமாக பிடித்துக் கொண்டு, நூலிழையில் உயிர் தப்பியதாக சொல்லியிருக்கிறார்.

ஆனால் உயிர் மட்டும் தான் மிஞ்சியது.

அவர் கட்டிய வீடு, கடை, சேர்த்து வைத்த பொருட்கள், தொழில் என எல்லாமே வெள்ளத்தில் அடித்துச் செல்லப்பட்டுவிட்டது. கடைசியில் அவர் போட்டிருந்த சட்டை கூட இரவல் வாங்கியது என்று சொல்லும் போது அந்த வலியின் ஆழம் புரிகிறது.

இதைவிட பெரிய சோகம், இந்த வெள்ளத்தில் அவரது உறவினர்கள் இருவர் உயிரிழந்ததாக வந்த செய்தி தான். ஒருவரின் உடல் மட்டுமே மீட்கப்பட்டதாக தகவல்கள் சொல்கின்றன.

அவர் சொன்ன ஒரு வார்த்தை தான் எல்லாவற்றையும் சொல்லும் - "வெள்ளம் என்னிடம் இருந்த எல்லாவற்றையும் கொண்டு போய்விட்டது"

யோசித்துப் பாருங்கள், ஒரு மனிதன் 20 வருடம் உழைத்து ஒரு வாழ்க்கையை உருவாக்குகிறான். ஆனால் இயற்கையின் சீற்றம் அதை சில நிமிடங்களில் இல்லாமல் செய்துவிடுகிறது.

பணத்தை திரும்ப சம்பாதித்து விடலாம், வீட்டை திரும்ப கட்டிவிடலாம், தொழிலை திரும்ப ஆரம்பித்து விடலாம். ஆனால் இழந்த உயிர்களை திரும்ப கொண்டு வரவே முடியாது.

நேபாள வெள்ளத்தால் பாதிக்கப்பட்ட அசோக் போன்ற ஆயிரக்கணக்கான குடும்பங்கள் மீண்டு வர பிரார்த்திப்போம்