கனடா - ஐரோப்பிய ஒன்றிய உச்சி மாநாடு மாண்ட்ரீலில்

கனடா பிரதமர் மார்க் கார்னி, கனடா - ஐரோப்பிய ஒன்றிய உச்சி மாநாட்டை மாண்ட்ரீலில் அக்டோபர் 29-30 தேதிகளில் நடத்துகிறார். அமெரிக்காவுடனான உறவு சீர்குலைந்த நிலையில், பாதுகாப்பு, செயற்கை நுண்ணறிவு, முக்கிய கனிமங்கள் துறைகளில் ஒத்துழைப்பை ஆழப்படுத்த இரு தரப்பும் முயல்கிறது.

பிரதமர் கார்னி ஐரோப்பிய நாடாளுமன்றத்தில் ஐரோப்பாவும் கனடாவும் ஒன்றாக வலுவானவை என பேசியிருந்தார். ஐரோப்பிய ஆணைய தலைவர் உர்சுலா வான் டெர் லேயன், கனடாவை முதல் இணை உறுப்பினராக்கும் யோசனையை முன்வைத்தார். இது குறித்த வரைவு அறிக்கை மாநாட்டில் விவாதிக்கப்பட உள்ளது.

டிஜிட்டல் வர்த்தக ஒப்பந்தத்தில் மின் கையொப்பம், காகிதமில்லா வர்த்தகம், தரவு பாய்வு குறித்து இறுதி கட்ட பேச்சு நடக்கிறது. கனடா 2024ல் ஐரோப்பிய ஒன்றியத்திற்கு 15 பில்லியன் டாலர் டிஜிட்டல் சேவைகளை ஏற்றுமதி செய்துள்ளது.