இந்தியாவுடன் வர்த்தகம் 70 பில்லியன் டாலராக உயர இலக்கு

கனடா மற்றும் இந்தியா இடையேயான இருதரப்பு வர்த்தகத்தை அடுத்த 5 ஆண்டுகளில் 30 பில்லியன் டாலரில் இருந்து 70 பில்லியன் டாலராக உயர்த்த இலக்கு நிர்ணயிக்கப்பட்டுள்ளது என கனடாவின் சர்வதேச வர்த்தக அமைச்சர் மணிந்தர் சித்து தெரிவித்துள்ளார். அமெரிக்காவின் மில்வாக்கியில் நடந்த G20 வர்த்தக அமைச்சர்கள் கூட்டத்தில் பேசிய அவர், தற்போது நடைபெற்று வரும் விரிவான பொருளாதார கூட்டு ஒப்பந்த (CEPA) பேச்சுவார்த்தைகள் அடுத்த சில மாதங்களில் முடிவடையும் என்றார்.

இந்தியாவின் வளர்ந்து வரும் ஆட்டோமொபைல், மின்சார வாகன மற்றும் பேட்டரி துறைகளுக்கு தேவையான முக்கிய கனிமங்கள் மற்றும் எரிசக்தியை கனடா வழங்க முடியும் என்றும் அவர் குறிப்பிட்டார். ஐந்தாவது சுற்று பேச்சுவார்த்தை அக்டோபர் 5 அன்று ஒட்டாவாவில் நடைபெறவுள்ளது. கனடா ஏற்கனவே இந்தியாவில் 100 பில்லியன் டாலருக்கும் மேல் முதலீடு செய்துள்ள மிகப்பெரிய முதலீட்டாளர் என்றும் தெரிவிக்கப்பட்டுள்ளது