· 2025-06-17T14:20:10+0000 · 13 articles

சிவாஜி பற்றி சோ கூறியவை

ஒரு படபடிப்பில் சிவாஜி நடித்த ஒரு காட்சி படமாக்கப்பட்டது.

காட்சி முடித்ததும் உடன் நடித்த நடிகர்களெல்லாம் சிவாஜியின் நடிப்பை புகழ்ந்து தள்ளினார்கள்.

ஆனால் சோ மட்டும் அமைதியாக வேடிக்கை பார்த்துக் கொண்டிருந்தார்.

அனைவரும் கலைந்து சென்ற பின்பு சிவாஜி சோவை பார்த்து கேட்டார். ஏண்டா நீ மட்டும் எதுவும் சொல்லாம அமைதியா இருக்கே என்றார்.

சோ சொன்னார்...

உண்மையை சொல்லட்டுமா சார்...நீங்க இன்று நடித்த நடிப்பு ரொம்ப ஓவர் ஆக்டிங். அவங்கெல்லாம் உங்க கிட்டே நல்ல பேர் வாங்குறதுக்காக புகழ்றாங்க....என்றார்.

சிவாஜி எந்த சலனமும் இல்லாமல் கேட்டு, இப்ப கவனி.நான் நடிச்சு காட்டுறேன் என்று எழுந்து நின்று நடித்தார்.

மெல்லிய குரலில், உடலில் அதீதமான அசைவுகளின்றி எளிமையான ஆனால் ஆழமான முகபாவங்களில் நடித்து காட்டினார்.

சோவால் நம்ப முடியவில்லை.

அசந்துப் போய்...சார்...அபாரம், நிஜமாகவே உலக தரத்தில் இருந்தது.

ஏன் சார் படங்களில் இதுபோல் தரமான திறமையை ஒளித்து வைக்கிறீர்கள்..? என்றார்.

அட...போடா...!

இது போல நடிச்சா உன்னை போல நாலு பேர்தான் பார்ப்பான்.ஜனங்க பாக்கமாட்டாங்க...என்றார்.

இந்த நிகழ்வை குறிப்பிட்ட சோ அவர்கள் சிவாஜிக்கு உலக நடிப்பும் தெரியும்,உள்ளுர் நடிப்பும் தெரியும். ஆனால் மக்களின் ரசனைக்காக அவர் தன்னைத்தானே தாழ்த்திக் கொண்டார்....என்று குமுதம் இதழில் சோ எழுதிய தொடரில் குறிப்பிடுகிறார்...!

Info

Category:

Actors

Created:

2025-06-17T14:20:10+0000

Updated:

2025-06-19T04:59:26+0000

Comments (0)