· 2025-10-11T13:52:50+0000 · 69 articles

சிவகார்த்திகேயன் - வெங்கட் பிரபு கூட்டணியில் உருவாகும் புதிய படம்

ஏ.ஆர்.முருகதாஸ் இயக்கத்தில் சிவகார்த்திகேயன் நடித்த ‘மதராஸி’ திரைப்படம் வெளியாகி கலவையான விமர்சனங்களைப் பெற்றது. இந்தப் படத்தை தொடர்ந்து சுதா கொங்கரா இயக்கத்தில் சிவகார்த்திகேயன் ‘பராசக்தி’ படத்தில் நடித்து வருகிறார். இந்த படம் பொங்கல் பண்டிகையை முன்னிட்டு திரையரங்குகளில் வெளியாகிறது. தொடர்ந்து அவர் டான் பட இயக்குநர் சிபி சக்கரவர்த்தியுடன் மீண்டும் இணைய உள்ளதாக தகவல் வெளியானது.

சிபி சக்கரவர்த்தி - சிவகார்த்திகேயன் இணையும் படம் கைகூடுமா என்பது குறித்து எந்த அப்டேடும் வெளியாகவில்லை. இந்நிலையில், சிவகார்த்திகேயன் நடிக்கும் அடுத்த படத்தை வெங்கட் பிரபு இயக்குகிறார். வெங்கட்பிரபு - சிவகார்த்திகேயன் இணையும் இந்த படத்தை சத்யஜோதி நிறுவனம் தயாரிக்கவுள்ளது. இந்த படம் தொடர்பாக நண்பரின் வீடியோ பதிவொன்றில் வெங்கட்பிரபு, புதிய அப்டேட்டை தந்துள்ளார்.

சிவகார்த்திகேயனை வைத்து தான் அடுத்த படம் இயக்க உள்ளதாகவும் அதற்கான முதற்கட்டப் பணிகள் மும்முரமாக நடைபெற்று வருவதாகவும் இயக்குநர் வெங்கட் பிரபு கூறியுள்ளார். விஜயின் கோட் படத்துக்குப் பிறகு, சிவகார்த்திகேயனை வைத்து வெங்கட் பிரபு இயக்கும் திரைப்படம் என்பதால் எதிர்பார்ப்பு அதிகரித்துள்ளது. இந்த் படத்தின் படப்பிடிப்பு ஜனவரி மாதம் தொடங்கும் என கூறப்படுகிறது.

Info

Category:

Actors

Created:

2025-10-11T13:52:50+0000

Updated:

2025-10-11T13:52:50+0000