தொலைக்காட்சி விளம்பரங்கள்

தற்போது தொலைக்காட்சியில் வரும் விளம்பரங்களைப் பார்த்தால்

"நாங்கள் ஏமாற்றுவோம், நீங்கள் ஏமாந்துதான் ஆக வேண்டும் என்பது போல இருக்கின்றது.

மூன்று நடிகர்கள் பவ்யமாக சலாம் போட்டு பான்பராக் போடச் சொல்கிறார்கள்.

ரம்மி ஆட்டத்தை தேசீய விளையாட்டாக மாற்ற ஒருபுகழ் பெற்ற நடிகர் முயற்சி செய்கிறார்.

ஒரு காஃபி பொடி விளம்பரத்தில் விளம்பரத்துக்கு கீழே இது கற்பனை சித்தரிப்பு என்று பகிரங்கமாக அறிவித்துவிட்டு நம்மை குடிக்கச் சொல்கிறார்கள்.

இன்னொரு விளம்பரத்தில் ....

உடம்பில் 10% மட்டுமே ஆடை அணிந்த இளம் பெண்கள் பீச்சில் கும்மாளமிட்டு குதித்து ஓடுகிறார்கள். விளம்பர முடிவில் Innerwear சம்பந்தப்பட்ட ஒரு வார்த்தை மின்னல் வேகத்தில் வந்து மறைகிறது. அவர்களுக்கே அது குற்ற உணர்வாக தெரிகிறது போலும்.

உருளைக்கிழங்கு சிப்ஸ் சாப்பிடும் ஒரு விளம்பரத்தில் தோனி தடிமனான கண்ணாடி போட்டுக் கொண்டு தன்னை லூசு என்று சொல்லிக் கொள்கிறாரா இல்லை நம்மை லூசு என்று சொல்கிறாரா என்று புரியவில்லை.

மியூச்சுவல் ஃபண்ட் சம்பந்தப்பட்ட விளம்பரங்களில் கிரிக்கெட் வீரர்கள் அதை தலையில் தூக்கி வைத்துக கொண்டாடுகிறார்கள்.

ஆனால்... அதற்கு அடுத்தபடியாக வருகின்ற ஒரு அறிவிப்பு அவசர அவசரமாக மணிக்கு ஆயிரம் கி.மீ வேகத்தில், மியூச்சுவல் ஃபண்ட் அபாயச் சந்தைக்கு உட்பட்டவை என்று சொல்லி விட்டு எங்கே அந்த வார்த்தைகள் நம் காதுகளில் விழுந்து விடுமோ என்று அவசர அவசரமாக இடியாப்பம் விற்கிற நபர்களைப் போல் காணாமல் போய் விடுகிறது.