பிரபல நடிகை அனுபமா பரமேஸ்வரன் சமீபத்திய பேட்டியில் மனம் திறந்துள்ளார். தனது வாழ்வில் 2 ஆண்டுகள் நார்சிஸ்டிக் துன்புறுத்தலால் பாதிக்கப்பட்டிருந்ததாக அவர் தெரிவித்திருந்தார். அந்த கடுமையான காலகட்டம் காரணமாக சினிமாவில் இருந்து விலக நினைத்ததாக கூறியுள்ளார்.

"கண்ணாடியை பார்த்தால் என் முகத்தை பார்க்க முடியாது, வேறு ஏதோ ஒன்றை பார்ப்பது போல இருக்கும். ஒவ்வொரு நாளும் உயிர் பிழைத்திருப்பதற்கான போராட்டமாக உணர்ந்தேன்" என அவர் உருக்கமாக தெரிவித்துள்ளார்.

அந்த கடினமான காலத்திலும் தொடர்ந்து படப்பிடிப்புகளுக்கு சென்றதாகவும், ஆனால் முழு ஈடுபாட்டுடன் நடிக்க முடியவில்லை என்றும் கூறினார். "அந்த முடிவை எடுக்காததற்காக என்னை நானே பாராட்டிக்கொள்கிறேன்" என அவர் கூறியுள்ளது ரசிகர்களிடம் நெகிழ்ச்சியை ஏற்படுத்தியுள்ளது.