பாலிவுட் கவர்ச்சி நாயகி கீர்த்தி சனோன் இன்று டெல்லி உயர்நீதிமன்றத்தில் தனது ஆளுமை உரிமை (Personality Rights) பாதுகாப்பு கோரி மனு தாக்கல் செய்துள்ளார். தனது பெயர், முகம், குரல், புகைப்படங்களை யாரும் AI மூலம் அல்லது அனுமதியின்றி வணிக ரீதியாக பயன்படுத்த தடை விதிக்க வேண்டும் என கேட்டுள்ளார்.

இன்று அக்டோபர் 16-ம் தேதி நீதிபதி புருஷைந்திர குமார் கவுரவ் முன் இந்த வழக்கு விசாரணைக்கு வந்தது. நடிகையின் வழக்கறிஞர் பிரவீன் ஆனந்த் ஆளுமை உரிமை குறித்த தீர்ப்புகளை சமர்ப்பிக்க வேண்டும் என நீதிமன்றம் கேட்டுள்ளது. அடுத்த விசாரணை அக்டோபர் 29-ம் தேதிக்கு ஒத்திவைக்கப்பட்டுள்ளது.

இதற்கு முன் கங்கனா ரனாவத், தபு, கஜோல், விஜய் தேவரகொண்டா, அல்லு அர்ஜுன், மோகன்லால் ஆகியோருக்கு இதே போன்ற பாதுகாப்பு வழங்கப்பட்டுள்ளது. தற்போது கீர்த்தி 'காக்டெய்ல் 2' படத்தில் நடித்து முடித்துள்ளார்.