நேபாளத்தில் ஏற்பட்ட அந்த பயங்கரமான வெள்ளக் காட்சியை பார்த்தபோது, ஒரு காட்சி மட்டும் பலருடைய கவனத்தையும் ஈர்த்தது.

சேறும், பாறைகளும், மரங்களும் கலந்த காட்டாற்று வெள்ளம் தனது பாதையில் இருந்த வீடுகளையும் கட்டிடங்களையும் அடித்துச் சென்றுகொண்டிருந்தது.

ஆனால்…

அந்த பேரழிவுக்கு நடுவில் ஒரு பச்சை நிற வீடு மட்டும் அசையாமல் நின்றது.

அதன் மேலே ஒரு குடும்பம் உயிரைக் கையில் பிடித்தபடி நின்றுகொண்டிருந்தது.

வெள்ளம் முழுவதுமாக வடிந்த பிறகு எடுக்கப்பட்ட காட்சியிலும், சுற்றிலும் இருந்த கட்டிடங்கள் அழிந்து கிடக்க… அந்த வீடு மட்டும் பெரிதாக எந்த சேதமும் இல்லாமல் நின்றுகொண்டிருந்தது.

அந்தக் காட்சியைப் பார்த்த பலரும் சமூக வலைத்தளங்களில்,

“இந்த வீட்டைக் கட்டிய பொறியாளருக்கு ஒரு பாராட்டு!”

என்று பதிவிட்டார்கள்.

அது வெறும் பாராட்டாக மட்டும் இருக்கவில்லை.

தற்போது NDTV வெளியிட்டுள்ள செய்தி, அந்த வீடு ஏன் தாக்குப்பிடித்தது என்பதற்கான முக்கியமான கட்டுமான காரணங்களை விளக்கியுள்ளது.

அந்த வீடு Reinforced Concrete Frame Structure முறையில் கட்டப்பட்டிருந்தது.

அதாவது,

Column + Beam + Foundation

ஆகியவை steel reinforcement மூலம் ஒன்றோடொன்று இணைக்கப்பட்ட ஒரு வலுவான structural skeleton போல செயல்பட்டிருக்கிறது.

பொதுவாக கல் masonry-யை மட்டுமே அடிப்படையாகக் கொண்ட கட்டிடங்கள் செங்குத்தான எடையைத் தாங்கக்கூடியதாக இருந்தாலும், இப்படிப்பட்ட வெள்ளத்தில் ஏற்படும் lateral force (பக்கவாட்டு அழுத்தம்) மற்றும் debris impact-ஐ எதிர்கொள்ளும் திறன் குறைவாக இருக்கலாம்.

ஆனால் இந்த வீட்டின் reinforced concrete frame, வெள்ளத்தின் பக்கவாட்டு அழுத்தத்தை கட்டிடத்தின் முழு structural system வழியாக foundation-க்கு மாற்றும் வகையில் செயல்பட்டிருக்கிறது.

இன்னொரு முக்கியமான விஷயமும் இருக்கிறது. அந்த வீடு வெள்ளத்தின் மிகக் கடுமையான debris flow-ன் நேரடி பாதையில் முழுமையாக அமையவில்லை என்பதும் அதன் உயிர் பிழைப்புக்கு ஒரு காரணமாக NDTV குறிப்பிடுகிறது.

இதனால் இந்தக் காட்சியைப் பார்த்து,

“வீடு கட்டினால் போதும்”

என்று நினைக்கக் கூடாது.

“எப்படி கட்டுகிறோம்?” என்பதுதான் முக்கியம்.

ஒரு கட்டிடத்தின் அழகு அதன் வெளிப்புறத்தில் இல்லை.

அதன் உண்மையான அழகு, அது தாங்க வேண்டிய நேரத்தில் தாங்கி நிற்பதில்தான் இருக்கிறது.

பல வீடுகள் இருந்த இடமே தெரியாமல் போனபோது, ஒரு சிறிய பச்சை வீடு மட்டும் நின்று கொண்டிருந்தது.

அது ஒரு குடும்பத்தின் உயிரைக் காப்பாற்றிய வீடு மட்டுமல்ல…

நல்ல Structural Engineering-ன் மதிப்பை உலகத்துக்கே காட்டிய ஒரு பாடம்.

ஒரு பொறியாளரின் திறமை பல நேரங்களில் கட்டிடம் இடிந்து விழாதபோதுதான் தெரியும்.

அந்தப் பச்சை வீட்டைப் பார்த்து நாம் பாராட்ட வேண்டியது அந்தக் கட்டிடத்தை மட்டும் அல்ல… அதன் பின்னால் இருந்த பொறியியல் சிந்தனையையும் தான்.