'பிரேமலு' படத்தின் மூலம் இளைஞர்களின் மனதை கவர்ந்த நடிகை மமிதா பைஜூ, தற்போது இந்தியாவின் மிகவும் எதிர்பார்க்கப்படும் பிரம்மாண்ட படமான 'ஜெய் ஹனுமான்' படத்தில் இணைந்துள்ளதாக தகவல் வெளியாகியுள்ளது. இது தெலுங்கில் சூப்பர் ஹிட் அடித்த 'ஹனுமான்' படத்தின் இரண்டாம் பாகமாகும். இது மமிதாவின் முதல் புராண படமாகும்.

இந்த படத்தில் 'காந்தாரா' நாயகன் ரிஷப் ஷெட்டி கதாநாயகனாக நடிக்கிறார். பிரசாந்த் வர்மா இயக்கும் இந்த படத்தில் மமிதாவுக்கு முக்கிய கதாபாத்திரம் கொடுக்கப்பட்டுள்ளதாக கூறப்படுகிறது. இன்னும் அதிகாரப்பூர்வ அறிவிப்பு வரவில்லை என்றாலும், இந்த செய்தி ரசிகர்களிடையே பெரும் எதிர்பார்ப்பை ஏற்படுத்தியுள்ளது.