ரயில்கள் ஏற்படுத்தும் ஹாரன் ஒலியை நீங்கள் பல முறை கேட்டிருப்பீர்கள். அதை நீங்கள் நன்றாக கவனித்து இருப்பீர்கள். ஹாரன் சத்தம் சிலவேளை நீண்டதாக இருக்கும். சில நேரங்களில் குறுகியதாக இருக்கும். சில வேளை இரண்டு முறை குறுகியதாகவோ அல்லது இரண்டு முறை நீண்டதாகவோ இருக்கும். இப்படிப் பலவிதமாக கேட்கும் ரயில் ஓசைக்குப் பின்னால் பலவிதமான தகவல்கள் உள்ளன.

ரயிலானது ஒரே ஒரு ஹாரன் சத்தம் எழுப்பியபடி நகர்ந்தால் அதனை சுத்தம் செய்ய ரயில்வே யார்டுக்கு எடுத்து செல்கின்றனர் என்று அர்த்தம்.

இரண்டு முறை குறுகிய சத்தத்தை எழுப்பினால் ரயில் ஓட்டுநர் ரயில் கார்டிடம் சிக்னல் கேட்கிறார் என்று அர்த்தமாகும்.

மூன்றாவது முறை குறுகிய சத்தத்தை எழுப்பினால் ரயில் கட்டுப்பாட்டை இழந்து விட்டது என்று அர்த்தம். அந்த சமயத்தில் ரயில்வே கார்ட் உடனடியாக வேக்குவம் பிரேக்கை இயக்கி ரயிலை நிறுத்துவார்.

நான்கு முறை குறுகிய ஹாரன் சத்தம் கேட்டால் ரயிலில் தொழில் நுட்பக் கோளாறு ஏற்பட்டிருக்கிறது, எனவே தொடர்ந்து அதை இயக்க முடியாது என்று அர்த்தமாகும்.

ஒரு நீண்ட மற்றும் குறுகிய ஹாரன் சத்தம் கேட்டால் ஓட்டுநர் ரயில்வே கார்டிடம் பிரேக்கை சரி செய்யச் சொல்கிறார் என்று அர்த்தம்.

இரு நீண்ட மற்றும் இரு குறுகிய ஹாரன் சத்தம் எழுப்பப்பட்டால் ஓட்டுநர் இன்ஜினை கட்டுப்பாட்டிற்குள் வைத்திருகிறார் என்பதை அவருடைய கார்டுக்கு தெரிவிப்பதாக அர்த்தமாகும்.

மிக நீளமான ஹாரன் சத்தமானது எதிர்வரும் ஸ்டேஷனில் ரயில் நிற்காது என்று பயணிகளுக்கு எச்சரிக்கிறது.

இரு இடை நிறுத்தத்துடன் விடப்படும் ஹாரன் சத்தமானது ரயிலானது ரயில்வே கிராசிங்கை கடக்கப் போகிறது என்றும் கிராசிங்கை கடந்து செல்ல நினைக்கும் பயணிகளுக்கு எச்சரிக்கை கொடுக்கவும் எழுப்பப்படுகிறது.

இரு நீண்ட மற்றும் இரு குறுகிய ஹாரன் சத்தமானது ரயில் ட்ராக் மாறப் போகிறது என்று அர்த்தமாகும்.

இரு குறுகிய மற்றும் ஒரு நீண்ட ஹாரன் சத்தமானது எழுப்பப்பட்டால் யாரோ பிரேக் சங்கிலியை இழுத்து நிறுத்தி விட்டார்கள் என்பதனை அறிவிக்கிறது.

6 முறை குறுகிய ஹாரன் சத்தம் எழுப்பப்பட்டால் ரயிலானது அபாயக் கட்டத்தில் இருக்கிறது என்பதைத் தெரிவிக்கிறது.