"மக்களால் எப்படி நினைவு கூறப்படுகிறோம் என்பதே முக்கியம்!" தனது 35,000 கோடி சொத்துக்களை ஏழைகளுக்கு வழங்க அதிரடி முடிவு!

திரைப்படங்களில் ஸ்டண்டுகளால் நம்மை வியக்க வைத்த உலகப் புகழ்பெற்ற அதிரடி நாயகன் ஜாக்கி சான், நிஜ வாழ்க்கையிலும் ஒரு மாபெரும் ரியல் ஹீரோ என்பதை மீண்டும் நிரூபித்துள்ளார். தனது ஒட்டுமொத்த சொத்துக்களையும் ஏழைகளின் நலனுக்காகத் தானம் செய்யப்போவதாக அவர் எடுத்துள்ள முடிவு ஒட்டுமொத்த உலகையும் நெகிழ வைத்துள்ளது!

தந்தையின் போதனையும்.. மகனின் அர்ப்பணிப்பும்:

நல்ல மனம் படைத்த தந்தை: "என் தந்தை ஒரு அழகான மனிதர் மட்டுமல்ல, மிக நல்ல மனம் படைத்தவர். நாம் எப்படி வாழ்கிறோம் என்பது முக்கியமல்ல; இறுதியில் இந்த உலக மக்கள் நம்மைக் குறித்து எப்படி நினைவு கூர்கிறார்கள் என்பதை எனக்குச் சொல்லிக்கொடுத்ததே அவர்தான்" என ஜாக்கி சான் உருக்கமாகப் பகிர்ந்துள்ளார்.

35,000 கோடி ரூபாய் தானம்: தந்தையின் அந்த உன்னதமான போதனையைப் பின்பற்றி, தான் கடினமாக உழைத்துச் சம்பாதித்த சுமார் 35,000 கோடி ரூபாய் ($4.5 Billion+) மதிப்புள்ள ஒட்டுமொத்த சொத்துக்களையும் ஏழைகள் மற்றும் ஆதரவற்றோரின் நலனுக்காகக் கொடுக்க அவர் முடிவெடுத்துள்ளார்.

வாரிசுக்குச் சொத்து இல்லை: "என் மகனுக்குத் திறமை இருந்தால் அவன் சொந்தமாகச் சம்பாதித்துக் கொள்வான்; திறமை இல்லையென்றால் நான் சேர்க்கும் பணத்தை அவன் வீணடித்துவிடுவான்" என்று ஏற்கனவே கூறி வாரிசு அரசியல், வாரிசு சொத்துரிமைக்கு அப்பாற்பட்டு சிந்திப்பவர் ஜாக்கி சான்!

திரையுலகில் பல சாதனைகளைப் படைத்தாலும், சாகும் போது நாம் கொண்டு செல்லப்போவது எதுவுமில்லை என்ற உயரிய தத்துவத்தை உணர்ந்து, ஏழை எளிய மக்களின் வாழ்வில் ஒளியேற்றத் துணியும் ஜாக்கி சான் அவர்களின் இந்த பெருந்தன்மைக்கு உலகெங்கும் பாராட்டுகள் குவிந்து வருகின்றன.

"பணம் சேர்ப்பதை விட, மனிதர்களின் இதயங்களில் அன்பைச் சேர்ப்பதே உண்மையான மனிதநேயம்!"