நடிகர் பிரசாந்த்தின் சொத்து மதிப்பு எவ்வளவு தெரியுமா?

1990 காலகட்டத்தில் பெண்களின் கனவு கண்ணனாக இருந்தவர் நடிகர் பிரசாந்த். விஜய், அஜித் தமிழ் சினிமாவில் தனது தடத்தை பதிக்க தடுமாறிக் கொண்டிருந்த காலகட்டத்தில் கொடி கட்டி பறந்த தமிழ் சினிமாவை தனது கண்ட்ரோலில் வைத்து இருந்தார். சில ஆண்டுகளாக சினிமாவில் காணாமல் போன இவர் தற்போது கோட் படத்தில் நடித்து வருகிறார். நடிகர் பிரசாந்த் இன்று தனது 51வது பிறந்த நாளை கொண்டாடி வருகிறார். அவருக்கு ரசிகர்கள் வாழ்த்துக்களை தெரிவித்து வருகின்றனர். 

நடிகர் தியாகராஜனின் மகனான பிரசாந்த், அரும்பு மீசை இளைஞனாக 1990ம் ஆண்டு இயக்குநர் ராதா பாரதி இயக்கத்தில் வெளியான வைகாசி பொறந்தாச்சு திரைப்படத்தின் மூலம் தனது சினிமாவில் அடியெடுத்து வைத்தார் பிரசாந்த். இப்படத்தில் காவேரி, சுலக்சனா, சங்கீதா, கே. பிரபாகரன், ஜனகராஜ், சார்லி, கே.ஆர். விஜயா, சின்னி ஜெயந்த், குமரிமுத்து, கொச்சின் ஹனிபா உள்ளிட்ட பலர் நடித்திருந்தனர். 

விஜய் மற்றும் அஜித் 10 லட்சம் 20 லட்சம் சம்பளம் வாங்கிய போதே பிரசாத் 50 லட்சம் 60 லட்சம் சம்பளம் வாங்கினார். பிரசாந்தின் திரையுலக வாழ்க்கை தற்போது சொல்லிக்கொள்ளும் அளவிற்கு இல்லை என்றாலும், இவருக்கு ஒவ்வொரு மாதமும் கோடிகளில் பணம் வீடி தேடி வருகிறது. அதற்கு காரணம் தி.நகரில் பிரமாண்டமாக பிரசாந்த் கோல்டு டவர் என்கிற 17 மாடிகள் கொண்ட பிரமாண்ட கட்டிடம் உள்ளது. அதில் தான் உலகின் மிகப்பெரிய ஷோரூம்மான ஜோய் ஆலுக்காஸ் இயங்கி வருகிறது. இதன் வாடகை மட்டும் பல கோடி வரும் என்று சொல்லப்படுகிறது.

இது மட்டுமில்லாமல் பிரசாந்த் பல தொழில்களில் முதலீடு செய்துள்ளார். அதன் மூலமாகவும் கணிசமான வருமானம் பெறுகிறார். ஆடி, பிஎம்டபிள்யூ என பல இறக்குமதி செய்யப்பட்ட பல சொகுசு கார்களை வைத்து இருக்கிறார். சென்னை, மதுரை, கோவை என பல இடங்களில் இவருக்கு சொந்தமாக பல வீடுகள் உள்ளன. இவரின் சொத்துமதிப்பு மட்டும் ரூ.85 கோடி இருக்கும் என கூறப்படுகிறது.