News archived in "" RSSMon, 08 Jun 2026 15:05:57 GMTசெயல்பாட்டில் இல்லாத ஒரு மத்திய அரசு மானியத் திட்டத்தின் பெயரைப் பயன்படுத்தி, வீடு வீடாகச் சென்று மோசடியில் ஈடுபட முயன்ற டொராண்டோவைச் சேர்ந்த 26 வயது இளைஞர் ஒருவரைப் பொலிஸார் கைது செய்து, அவர் மீது மோசடி முயற்சி வழக்குப் பதிவு செய்துள்ளனர்.கனடாவின் நார்த் பே பிராந்தியத்திலுள்ள 'பிர்ச் ஹேவன்' குதியில் கடந்த பிப்ரவரி 20-ஆம் திகதி காலை இந்த சம்பவம் இடம்பெற்றுள்ளது.பிடிபட்ட நபர், அங்குள்ள ஒரு குடியிருப்புக்குச் சென்று தான் ஒரு முன்னணி எரிசக்தி நிறுவனத்தின் பிரதிநிதி என்று அறிமுகப்படுத்திக் கொண்டுள்ளார். அங்கு வசிப்பவர்களிடம், கனடா அரசாங்கத்தால் நிதியளிக்கப்படும் அதிகாரப்பூர்வ 'வீட்டு எரிசக்தி பாதுகாப்பு திட்டத்தின்' கீழ் தமக்குச் சான்றிதழ் வழங்கப்பட்டுள்ளதாகக் கூறியுள்ளார்.மேலும், தங்களின் வீட்டு உபயோகப் பொருட்களை மாற்றினால் 5,000 டொலர் முதல் 10,000 டாலர் வரை அரசு மானியம் பெற்றுத் தருவதாகவும் ஆசை வார்த்தை கூறியுள்ளார்.குறித்த நபர் குறிப்பிட்ட மத்திய அரசின் 'வீட்டு எரிசக்தி பாதுகாப்பு திட்டம்' பல ஆண்டுகளுக்கு முன்பே முழுமையாக நிறைவடைந்து, தற்போது செயல்பாட்டில் இல்லை என தெளிவுபடுத்தியுள்ளது.குற்றம் சாட்டப்பட்ட நபர் கைது செய்யப்பட்டு, பின்னர் நீதிமன்றத்தில் முன்னிலையாக வேண்டும் என்ற நிபந்தனையின் அடிப்படையில் விடுவிக்கப்பட்டுள்ளார். இதுபோன்ற வீடு தேடி வரும் மோசடி நபர்களிடம் இருந்து பொதுமக்கள் தங்களைப் பாதுகாத்துக் கொள்ள நார்த் பே பொலிஸார் சில முக்கிய வழிமுறைகளை வழங்கியுள்ளனர்.ஏதேனும் ஒரு நிறுவனம் அல்லது அரசு அமைப்பின் பெயரில் யாராவது வந்தால், அந்த நிறுவனத்தை நேரடியாகத் தொடர்பு கொண்டு அவர்களின் அடையாளத்தை உறுதி செய்யுங்கள்.எந்தவொரு திட்டத்திலும் உடனடி முடிவு எடுக்குமாறு அவர்கள் உங்களை வற்புறுத்தினால் எச்சரிக்கையாக இருங்கள். முறையான நிறுவனங்கள் உங்களுக்கு யோசித்து முடிவெடுக்க அவகாசம் தரும்.உங்களுக்குத் தெரியாத அல்லது நம்பகத்தன்மை இல்லாத நபர்களிடம் உங்களது வங்கி விவரங்கள், கிரெடிட் கார்டு எண்கள் அல்லது தனிப்பட்ட அடையாள ஆவணங்களை ஒருபோதும் வழங்க வேண்டாம்.பெரிய அளவிலான கொள்முதல் அல்லது ஒப்பந்தங்களில் கையெழுத்திடுவதற்கு முன்பு, நம்பகமான குடும்ப உறுப்பினர் அல்லது நண்பர்களுடன் கலந்துரையாடுங்கள். உங்கள் பகுதிக்கு வரும் இதுபோன்ற சந்தேகத்திற்கிடமான நபர்கள் மற்றும் நடவடிக்கைகள் குறித்து... Read more

]]>Mon, 08 Jun 2026 15:05:57 GMTஉலகையே அச்சுறுத்தும் எபோலா வைரஸ் பாதிப்பிற்கும், எதிர்காலத்தில் ஏற்படக்கூடிய உலகளாவிய தொற்றுநோய்களுக்கும் சிகிச்சை அளிக்கும் வகையிலான புதிய மருந்து ஒன்றை உருவாக்கும் முயற்சியில் கனடாவின் மாண்ட்ரியல் நகர ஆராய்ச்சியாளர்கள் குழு முக்கிய முன்னேற்றத்தைக் கண்டுள்ளது.மாண்ட்ரியல் மருத்துவ ஆராய்ச்சி நிறுவனத்தைச் சேர்ந்த (IRCM) விஞ்ஞானிகள், "தாவரங்களில் இருந்து கண்டறியப்பட்ட ஒரு புதிய ஆன்டிவைரல்" மூலக்கூறு இதில் நல்ல பலனைத் தந்து வருவதாகத் தெரிவித்துள்ளனர்.IRCM நிறுவனத்தின் செயல்பாட்டு எண்டோபுரோட்டியோலிசிஸ் ஆய்வகத்தைச் சேர்ந்த டாக்டர் மிஷெல் கிரெட்டியன் மற்றும் டாக்டர் மஜம்பு மிபிகேய் ஆகியோர் தலைமையிலான குழுவே இந்தச் சாதனையை நிகழ்த்தியுள்ளது.எபோலா வைரஸ் மற்றும் கோவிட்-19 பாதிப்பை ஏற்படுத்தும் 'SARS CoV 2' ஆகியவற்றுக்கு எதிராக வலுவாகச் செயல்படக்கூடிய ஒரு புதிய இயற்கை மூலக்கூறு குடும்பத்தை இந்த விஞ்ஞானிகள் கண்டறிந்துள்ளனர்.இந்த மருந்து முழுமையாக வெற்றி பெற்றால், எபோலா நோய் பரவாமல் தடுப்பதற்கும், ஏற்கனவே தொற்றால் பாதிக்கப்பட்ட குணமடையவும் இது பெரிதும் உதவும். "நாங்கள் தொடர்ந்து இதில் பணியாற்றி வருகிறோம். தாவரங்களில் இருந்து கண்டறியப்பட்ட இந்த ஒரு குறிப்பிட்ட மருந்து மிகவும் நம்பிக்கையளிப்பதாக உள்ளது.தற்போதைய நிலையில் இது மனிதர்களுக்குப் பயன்படுத்தக்கூடிய இறுதி மருந்து என்று உறுதியாகக் கூற முடியாது. ஆனால், அதற்கான அனைத்து நல்ல அறிகுறிகளையும் இது கொண்டுள்ளது என டாக்டர் மஜம்பு தெரிவித்துள்ளார்.விஞ்ஞானிகளின் கூற்றுப்படி, அடுத்த கட்டமாக விலங்குகள் மீதான மருத்துவப் பரிசோதனைகள் மேற்கொள்ளப்படவுள்ளன.இந்த ஆண்டின் இலையுதிர் காலத்தில் (Fall) விலங்குகள் மீதான பரிசோதனை அடுத்த கட்டத்தை எட்டும் என நம்புகிறோம். வின்னிபெக்கில் உள்ள புதிய ஆய்வக வசதிகள் மூலம் விலங்குகளில் இது நல்ல பலனைத் தந்தால், அதன் பிறகு மனிதர்களுக்கான மருந்தாக இதனை மேம்படுத்தும் பணிகளைத் தொடங்குவோம் என்று டாக்டர் மிஷெல் கிரெட்டியன் தெரிவித்துள்ளார்.எனினும், இந்த மருந்து எப்போது பொதுமக்களின் பயன்பாட்டிற்கு வரும் என்பதற்கான காலக்கெடுவை இப்போதே கணிக்க முடியாது என இக்குழுவினர் கூறியுள்ளனர். ... Read more

]]>Sat, 06 Jun 2026 15:17:55 GMT கனடாவின் கியூபெக் மாகாணத்தில் 16 வயதிற்குட்பட்ட சிறுவர்களுக்கு எனர்ஜி டிரிங்க்ஸ் எனப்படும் சக்தி பானங்களை விற்பனை செய்வதைத் தடை செய்யும் புதிய மசோதாவை கியூபெக் சுகாதார அமைச்சர் சோனியா பெலாஞ்சர் கடந்த வெள்ளிக்கிழமை தாக்கல் செய்தார்.இந்த மசோதாவிற்கு தேசிய அவையிலுள்ள அனைத்து அரசியல் கட்சிகளும் தங்களது ஆதரவை தெரிவித்துள்ளன.எனினும், கடந்த மார்ச் மாதம் முதல் கியூபெக் கன்சர்வேடிவ் கட்சியில் இணைந்துள்ள சுயேச்சை நாடாளுமன்ற உறுப்பினரான மிட்டே பிளான்ஷெட் வெசினா மட்டும் இதற்கு ஆதரவளிக்கவில்லை.விரைந்து சட்டமாக்க முயற்சி வரும் ஜூன் 12-ஆம் திகதியுடன் இந்த நாடாளுமன்ற கூட்டத்தொடர் நிறைவடைய உள்ளதால், அதற்குள் இந்த சட்டத்தை அவசரமாக நிறைவேற்ற அனைத்து நாடாளுமன்ற உறுப்பினர்களின் ஆதரவும் தேவையாக உள்ளது.மசோதா உருவானதன் பின்னணி கடந்த 2024-ஆம் ஆண்டு, சக்கரி மிரோன் என்ற 15 வயது சிறுவன், தான் உட்கொண்டு வந்த ஏடிஹெச்டி சக்தி பானத்தை குடித்ததால் ஏற்பட்ட பாதிப்பால் உயிரிழந்ததாக தெரிவிக்கப்படுகின்றது. அவனது பெற்றோரின் தொடர் போராட்டத்தின் விளைவாகவே இந்த 'மசோதா 9' (Bill 9) தற்போது கொண்டுவரப்பட்டுள்ளது.அண்மைய மாதங்களில் கல்வி, விளையாட்டு மற்றும் சுகாதாரத் துறையைச் சேர்ந்த பல அமைப்புகள் இந்த 'சக்கரி மிரோன் இயக்கத்திற்கு' தங்களது ஆதரவை வழங்கி வருகின்றன. மேலும், கடந்த மாதம் 35,000-க்கும் அதிகமான குடிமக்கள் கையெழுத்திட்ட மனு ஒன்றும் தேசிய அவையில் சமர்ப்பிக்கப்பட்டது.இளைஞர்களின் ஆரோக்கியத்தில் எனர்ஜி டிரிங்க்ஸ் ஏற்படுத்தும் தீமைகளைத் தடுப்பதே இந்த மசோதாவின் முக்கிய நோக்கமாகும். 16 வயதிற்குட்பட்ட எவருக்கும் சக்தி பானங்களை விற்பனை செய்ய தடை விதிக்கப்படுகிறது.அதேபோல், 16 வயதிற்குட்பட்ட சிறுவர்கள் தங்களுக்காகவோ அல்லது மற்றவர்களுக்காகவோ இத்தகைய பானங்களை வாங்குவதும் தடை செய்யப்பட்டுள்ளது. ஒரு லிட்டருக்கு 150 மில்லிகிராம் அல்லது அதற்கு மேல் காஃபின் அளவு கொண்ட மற்றும் டாரின், வைட்டமின்கள் அல்லது தாதுக்கள் கலந்த பானங்கள் அனைத்தும் இந்த சட்டத்தின் கீழ் 'எனர்ஜி டிரிங்க்ஸ்' என வகைப்படுத்தப்படும்.இந்த மசோதாவை அவையில் தாக்கல் செய்த பிறகு, அவையின் பார்வையாளர் மாடத்தில் அமர்ந்திருந்த சக்கரியின் பெற்றோர்களான டேவிட் பிரோன் மற்றும் வெரோனிகா மார்டினெஸ் ஆகியோரை சுகாதார அமைச்சர் சோனியா பெலாஞ்சர் நெகிழ்ச்சியுடன் நினைவு கூர்ந்த... Read more

]]>Sat, 06 Jun 2026 14:53:25 GMTகனடாவின் பிராம்ப்டனில் உள்ள குடியிருப்பு ஒன்றில் இரவு நடந்த துப்பாக்கிச் சூட்டில் ஒருவர் உயிரிழந்துள்ளார்.இச்சம்பவம் தொடர்பாக குறைந்தது இரண்டு சந்தேக நபர்களை காவல்துறையினர் தீவிரமாகத் தேடி வருகின்றனர்.சண்டல்வுட் பார்க்வே மற்றும் கிரவுன் விக்டோரியா டிரைவ் சந்திப்பிற்கு அருகில் உள்ள வீடு ஒன்றில் துப்பாக்கிச் சூடு நடத்தப்பட்டதாக தகவல் கிடைக்கப் பெற்றது என பீல் பிராந்திய காவல்துறை தெரிவித்துள்ளனர்.சம்பவ இடத்திற்கு விரைந்த அதிகாரிகள், துப்பாக்கிக் காயங்களுடன் இருந்த ஒரு நபரைக் கண்டறிந்தனர். எனினும், அவர் ஏற்கனவே உயிரிழந்துவிட்டதாக அங்கேயே அறிவிக்கப்பட்டது. நடுத்தர உடலமைப்புடன், கருமையான ஆடைகளை அணிந்திருந்த இரண்டு ஆண் சந்தேக நபர்கள், நான்கு கதவுகள் கொண்ட கருப்பு நிற செடான் (sedan) ரக காரில் தப்பியோடியதாக பீல் பிராந்திய காவல்துறையின் ஊடகத் தொடர்பு அதிகாரி டைலர் பெல் (Tyler Bell) தெரிவித்துள்ளார். இந்த துப்பாக்கிச் சூடு வீட்டிற்குள்ளேயே நடந்துள்ளதை அவர் உறுதிப்படுத்தியுள்ளார்."விசாரணை தற்போது ஆரம்பக் கட்டத்தில் உள்ளது. தகவல்கள் மிகவும் குறைவாகவே கிடைத்துள்ளன. இந்த சம்பவத்தில் துரதிர்ஷ்டவசமாக உயிரிழந்த நபரின் நெருங்கிய உறவினர்களை அடையாளம் காணும் பணியில் ஈடுபட்டுள்ளோம். எனவே, அவர்களின் குடும்பத்தினருக்கு மரியாதை அளிக்கும் வகையில் தற்போதைக்கு கூடுதல் விபரங்களை வெளியிட முடியாது" என்று பெல் கூறினார்.காவல்துறை அதிகாரி தனது அறிக்கையில் ஒரு இடத்தில் அவள் எனக் குறிப்பிட்டிருந்தாலும், உயிரிழந்தவர் குறித்த விபரங்களை முழுமையாக உறுதிப்படுத்தும் பணியில் ஈடுபட்டுள்ளதாகக் கூறினார்.இந்த துப்பாக்கிச் சூட்டிற்கான காரணம் இன்னும் தெரியவில்லை என்றாலும், இது திட்டமிட்டு நடத்தப்பட்ட ஒரு தாக்குதல் போன்றே தோன்றுவதாக பெல் குறிப்பிட்டுள்ளார்.எனினும், துப்பாக்கிச் சூட்டுக்கு இலக்கான நபர் தான் உண்மையான இலக்கா என்பது இன்னும் தெரியவில்லை" என்றும் அவர் மேலும் கூறினார். ... Read more

]]>Fri, 05 Jun 2026 15:31:59 GMTகனடாவில் நாளுக்கு நாள் அதிகரித்து வரும் வாழ்க்கைச் செலவினங்களால் நடுத்தரக் குடும்பங்கள் கடும் உணவுப் பற்றாக்குறையைச் சந்தித்து வருவதாக தெரிவிக்கப்படுகின்றது.கனடாவின் பேரி உணவு வங்கியை நாடும் மக்களின் எண்ணிக்கை பல மடங்கு அதிகரித்துள்ளதாகவும் நாடாளுமன்ற உறுப்பினர் டக் ஷிப்லி கவலை தெரிவித்துள்ளார்.ஒட்டாவாவில் உள்ள நாடாளுமன்றக் கூட்டத்தொடரில் பேசிய பேரி-ஸ்பிரிங்வாட்டர்-ஓரோ-மெடொன்டே தொகுதியின் நாடாளுமன்ற உறுப்பினரான டக் ஷிப்லி, கனடாவின் தற்போதைய பொருளாதார நெருக்கடி குறித்துப் பல அதிர்ச்சியூட்டும் புள்ளிவிவரங்களைப் பகிர்ந்துகொண்டார்.கடந்த 2020 ஆம் ஆண்டின் தொடக்கத்தில் பேரி உணவு வங்கியின் மூலம் மாதத்திற்கு வெறும் 1,000 பேர் மட்டுமே உதவி பெற்று வந்தனர். ஆனால், தற்போது அந்த எண்ணிக்கை மாதத்திற்கு 8,000 ஆக உயர்ந்துள்ளது என்று டக் ஷிப்லி சுட்டிக்காட்டினார். கடந்த மார்ச் மாதத்தில் மட்டும் 8,000-க்கும் மேற்பட்டோர் இந்த உணவு வங்கியை நாடியுள்ளனர்.இது கடந்த ஆண்டின் இதே மாதத்துடன் ஒப்பிடுகையில் 12 சதவீதம் அதிகமாகும் என தெரிவித்தார். மேலும், முதன்முறையாக உணவு வங்கியின் உதவியை நாடி வந்த புதியவர்களின் எண்ணிக்கை 30 சதவீதம் அதிகரித்து, ஒரே மாதத்தில் 377 புதிய குடும்பங்கள் வந்துள்ளதாகவும் அவர் தெரிவித்தார்."லிபரல் கட்சியின் கடந்த பத்தாண்டுகால பொருளாதாரக் கொள்கைகளால், கனடா மக்கள் ஜி7 (G7) அமைப்பில் உள்ள மற்ற நாடுகளை விடப் பொருளாதார ரீதியாகப் பின்தங்கிவிட்டனர்.தற்போது ஜி7 நாடுகளில் மந்தநிலையை எதிர்கொள்ளும் ஒரே பொருளாதாரமாக கனடா மாறியுள்ளது" என்று டக் ஷிப்லி ஆளும் அரசை சாடினார்.கனடா முழுவதும் நிலவி வரும் கடுமையான வீட்டு வாடகை உயர்வு, குடும்பக் கடன்கள் மற்றும் அத்தியாவசியப் பொருட்களின் விலை உயர்வு காரணமாகவே மக்கள் தங்களின் அன்றாட உணவிற்குக் கூட உணவு வங்கிகளை நம்பியிருக்க வேண்டிய அவலநிலை ஏற்பட்டுள்ளதாக சமூக ஆர்வலர்கள் கவலை தெரிவித்துள்ளனர். ... Read more

]]>Thu, 04 Jun 2026 15:22:35 GMTஅமெரிக்காவில் நிலவி வரும் அரசியல், பொருளாதார மற்றும் உலகளாவிய பாதுகாப்புப் பதற்றங்கள் காரணமாக, தஞ்சம் கோரும் நோக்கில் கனடாவில் சொத்துக்களை வாங்குவதற்கு ஆர்வம் காட்டும் அமெரிக்கர்களின் எண்ணிக்கை கணிசமாக அதிகரித்து வருகிறது.கனடாவின் முன்னணி ரியல் எஸ்டேட் நிறுவனமான ராயல் லெபேஜ் வெளியிட்டுள்ள புதிய அறிக்கையின்படி, 2026 ஆம் ஆண்டின் முற்பாதியில் அமெரிக்காவில் இருந்து தங்களது இணையதளத்தைப் பார்வையிடுவோரின் எண்ணிக்கை வரலாறு காணாத வகையில் அதிரடியாக உயர்ந்துள்ளதாகத் தெரிவிக்கப்பட்டுள்ளது.அமெரிக்காவில் அடுத்தடுத்து அரங்கேறிய முக்கியப் பரபரப்புச் சம்பவங்களின் போது, கனடாவில் வீடுகளைத் தேடும் அமெரிக்கர்களின் எண்ணிக்கை மும்மடங்கு வரை அதிகரித்துள்ளது என அந்த அறிக்கை சுட்டிக்காட்டுகிறது.மினியாபோலிஸ் நகரில் குடிவரவு மற்றும் சுங்க அமலாக்கப் பிரிவு அதிகாரியால் 37 வயதான ரெனே குட் என்பவர் சுட்டுக் கொல்லப்பட்டதைத் தொடர்ந்து, ஜனவரி 11 முதல் 17 வரையிலான வாரத்தில் ராயல் லெபேஜ் இணையதளத்திற்கு அமெரிக்காவில் இருந்து வந்த பார்வையாளர்களின் எண்ணிக்கை முந்தைய வாரத்தை விட 78 வீதம் உயர்ந்தது.ஈரான் உடனான போர் பதற்றம் மற்றும் அமெரிக்கப் போர் விமானம் சுட்டு வீழ்த்தப்பட்ட சம்பவத்தைத் தொடர்ந்து, ஏப்ரல் 5 முதல் 11 வரையிலான வாரத்தில் இணையதளப் போக்குவரத்து முந்தைய வாரத்தை விட 125 வீதம் அதிகரித்தது.இது 2025 ஆம் ஆண்டின் இதே காலகட்டத்துடன் ஒப்பிடுகையில் 233 வீதம் கூடுதலாகும். "2026 இன் தொடக்க மாதங்கள் தொடர்ச்சியான அதிரடிச் செய்திகள், போர் அச்சம், பொருளாதார ஏற்ற இறக்கங்கள் மற்றும் உள்நாட்டு அரசியல் குழப்பங்களால் நிறைந்துள்ளன," என்று ராயல் லெபேஜ் நிறுவனத்தின் தலைவர் ஃபில் சோப்பர் தெரிவித்துள்ளார்.இதுபோன்ற கொந்தளிப்பான காலங்களில், அமெரிக்கப் பொதுவாழ்வின் பதற்றங்களில் இருந்து தங்களை விலக்கிக் கொள்ள அமெரிக்கர்கள் கனடாவிற்கு இடம்பெயர்வது பற்றி சிந்திப்பது வழக்கமாகிவிட்டது என்றும் அவர் குறிப்பிட்டுள்ளார். ... Read more

]]>Wed, 03 Jun 2026 15:29:58 GMTகனடாவில் பிரிட்டிஷ் கொலம்பியாவின் ஸ்குவாமிஷ் பகுதியில் உள்ள ஏரி ஒன்றில் விழுந்து மாயமான இரண்டு பேடில்போர்டர்களை தேடும் பணி பல நாட்களுக்குப் பிறகு சோகத்தில் முடிவடைந்துள்ளது.கடந்த சனிக்கிழமை பிற்பகல், மரின் மாகாண பூங்காவில் உள்ள பிரவுனிங் ஏரியில் பயணித்த இருவரும் திடீரென நீரில் விழுந்து மூழ்கியுள்ளனர். அவர்கள் இருவரும் நீண்ட நேரமாகியும் மேலே வராததைக் கண்ட அங்கிருந்த சாட்சி ஒருவர் உடனடியாக அதிகாரிகளுக்குத் தகவல் கொடுத்துள்ளார்.இதனைத் தொடர்ந்து, மரின் மாகாண பூங்கா தற்காலிகமாக மூடப்பட்டு வான்வழியாகவும், நீர்நிலைகளிலும் தீவிர தேடுதல் வேட்டை தொடங்கப்பட்டது.இந்த கூட்டுத் தேடுதல் பணியில் ஸ்குவாமிஷ் தேடல் மற்றும் மீட்புக் குழு, பாதுகாப்பு அதிகாரி சேவை, தீயணைப்புத் துறை, அவசர சுகாதார சேவைகள் மற்றும் கனடிய பொலிஸ் ஹெலிகாப்டர் குழு உள்ளிட்ட பல அமைப்புகள் ஈடுபடுத்தப்பட்டன.தொடர்ந்து பல நாட்களாக நீடித்த இந்த தீவிர தேடுதலின் முடிவில், செவ்வாய்க்கிழமை அன்று ஆர்.சி.எம்.பி.யின் நீருக்கடியிலான சிறப்பு மீட்புக் குழுவினர் ஏரியின் ஆழமான பகுதியில் இருந்து மாயமான இரு பேடில்போர்டர்களின் உடல்களையும் மீட்டுள்ளனர்.இக்கட்டான இந்த சூழலில், தேடுதல் மற்றும் மீட்புப் பணியில் தங்களுக்கு முழு ஒத்துழைப்பு வழங்கி அர்ப்பணிப்புடன் செயல்பட்ட அனைத்து சிறப்புப் பிரிவுகள் மற்றும் கூட்டாளி அமைப்புகளுக்கு ஸ்குவாமிஷ் ஆர்.சி.எம்.பி.யின் அதிகாரி சாஷா பேங்க்ஸ் தனது மனமார்ந்த நன்றியைத் தெரிவித்துக் கொண்டுள்ளார். ... Read more

]]>Wed, 03 Jun 2026 15:25:43 GMTகனடா, இயற்கை எரிவாயு உற்பத்தியிலும், ஏற்றுமதியிலும் சாதனை படைத்துள்ளது.இந்த மார்ச் மாதத்தில் 775.12 மில்லியன் ஜிகா ஜூல்கள் அளவுக்கு கனடா எரிசக்தி உற்பத்தி செய்துள்ளது.இது, 2025 மார்ச் மாதத்தை ஒப்பிடும்போது 5.6 சதவிகிதம் அதிகமாகும். பிரிட்டிஷ் கொலம்பியாவில் 13.8 சதவிகிதமும், ஆல்பர்ட்டாவில் 1.2 சதவிகிதமும் எரிவாயு உற்பத்தி செய்யப்பட்டுள்ளது. அத்துடன், இப்போது கனடா, அமெரிக்காவுக்கு மட்டுமல்ல, உலகுக்கே அதிக அளவில் எரிவாயு ஏற்றுமதி செய்துவருகிறது.கனடா ஏற்றுமதி செய்யும் இயற்கை எரிவாயுவின் அளவு 7.4 சதவிகிதம் உயர்ந்து 339. 7 மில்லியன் ஜிகா ஜூல்களாக ஆகியுள்ளது.கனடாவிலிருந்து அதிகம் எரிவாயு வாங்கும் நாடாக திகழும் அமெரிக்கா, மார்ச் மாதத்தில் மட்டும் 282.1 மில்லியன் ஜிகா ஜூல்கள் எரிவாயு வாங்கியுள்ளது. என்றாலும், 2025 மார்ச் மாதத்தை ஒப்பிடும்போது, இது 10.8 சதவிகிதம் குறைவு ஆகும். அமெரிக்கா தவிர்த்து மற்ற நாடுகளுக்கு கனடா ஏற்றுமதி செய்யும் எரிவாயுவின் அளவு, இதுவரை இல்லாத அளவுக்கு உயர்ந்துள்ளது, சாதனை அளவை எட்டியுள்ளது என்பது குறிப்பிடத்தக்கது. ... Read more

]]>Tue, 02 Jun 2026 15:21:17 GMTடொரண்டோவின் ரெக்ஸ்டேல் (Rexdale) பகுதியில் உள்ள அடுக்குமாடி குடியிருப்பு ஒன்றில் நடந்த துப்பாக்கிச்சூட்டுச் சம்பவத்தில் நபர் ஒருவர் உயிரிழந்துள்ளதாக டொரண்டோ காவல்துறை தெரிவித்துள்ளனர்.ஞாயிற்றுக்கிழமை இரவு 8 மணியளவில், குவீன்ஸ் பிளேட் டிரைவ் மற்றும் ரெக்ஸ்டேல் பெலவூர்ட் சந்திப்புப் பகுதிக்கு அவசர உதவி கோரி காவல்துறைக்கு அழைப்பு விடுக்கப்பட்டது.அங்கு சோதனையிட்ட அதிகாரிகள், துப்பாக்கி குண்டுக் காயங்களுடன் இருந்த நபர் சம்பவ இடத்திலேயே உயிரிழந்துவிட்டதாக அறிவித்தனர். இச்சம்பவம் குறித்த கூடுதல் விபரங்கள் சேகரிக்கப்பட்டு வருவதாகவும், விசாரணைக்கு பின் முழு விபரங்கள் வெளியிடப்படும் என்றும் காவல்துறையினர் தெரிவித்துள்ளனர். 

]]>Mon, 01 Jun 2026 16:03:25 GMTசர்வதேச அளவில் முன்னணி உயர்கல்வி நிறுவனங்களுக்கான தரவரிசைப் பட்டியலில், கனடாவின் பெரும்பாலான பல்கலைக்கழகங்கள் பின்னடைவைச் சந்தித்துள்ளன.ஏனைய நாடுகளின் பல்கலைக்கழகங்களுக்குக் கிடைக்கும் கூடுதல் நிதி மற்றும் கடுமையான போட்டி இதற்கு முக்கியக் காரணமாகக் கூறப்படுகிறது.'Center for World University Rankings' (CWUR) வெளியிட்ட 2026-ஆம் ஆண்டிற்கான தரவரிசைப் பட்டியலில், தரப்படுத்தப்பட்ட கனடாவின் 38 பல்கலைக்கழகங்களில் 37 நிறுவனங்கள் கடந்த ஆண்டை விடக் கீழே இறங்கியுள்ளன.ஒரே ஒரு பல்கலைக்கழகம் மட்டுமே தனது முந்தைய இடத்தை தக்கவைத்துக் கொண்டுள்ளது.டொரண்டோ பல்கலைக்கழகம் உலகளவில் 23-வது இடத்தைப் பிடித்து, கனடாவின் முதன்மைப் பல்கலைக்கழகமாகத் திகழ்கிறது. இது மட்டுமே கடந்த ஆண்டு நிலையைத் தக்கவைத்துள்ளது. மெக்கில் பல்கலைக்கழகம் ஒரு இடம் சரிந்து 28-வது இடத்தைப் பிடித்துள்ளது.பிரிட்டிஷ் கொலம்பியா பல்கலைக்கழகம் 48-வது இடத்திலிருந்து 49-வது இடத்திற்குச் சரிந்துள்ளது.அல்பெர்ட்டா பல்கலைக்கழகம் உலகளவில் 82-வது இடத்தைப் பெற்றுள்ளது. மாண்ட்ரியல் பல்கலைக்கழகம் 126-வது இடத்தைப் பிடித்துள்ளது."கனடிய பல்கலைக்கழகங்களின் இந்த வீழ்ச்சி, பல வருடங்களாகப் போதிய நிதி வழங்கப்படாததையும், அறிவியல் மற்றும் கல்வியை பொது நலனுக்கானதாகக் கருதுவதில் ஏற்பட்டுள்ள குறைபாட்டையுமே காட்டுகிறது," என்று CWUR அமைப்பின் தலைவர் டாக்டர் நதிம் மஹாசென் (Dr. Nadim Mahassen) தெரிவித்துள்ளார்.இது கல்வித்துறை சார்ந்த பிரச்சனை மட்டுமல்ல, ஒரு நாட்டின் தேசியப் பிரச்சனை. ஏனெனில் உயர்கல்வித் தரம் குறைவது நாட்டின் அறிவியல் வளர்ச்சி, கண்டுபிடிப்புகள் மற்றும் நீண்டகால எதிர்காலத்தைப் பாதிக்கும் என அவர் கவலை வெளியிட்டுள்ளார்.இப்பட்டியலில் அமெரிக்காவின் ஹார்வர்ட் பல்கலைக்கழகம் தொடர்ந்து 15-வது ஆண்டாக முதலிடத்தை தக்கவைத்துக் கொண்டுள்ளது.மசாசூசெட்ஸ் தொழில்நுட்ப நிறுவனம் (MIT) மற்றும் ஸ்டான்போர்ட் பல்கலைக்கழகம் முறையே அடுத்தடுத்த இடங்களைப் பிடித்துள்ளன. பிரிட்டனின் கேம்பிரிட்ஜ் மற்றும் ஆக்ஸ்போர்டு பல்கலைக்கழகங்கள் 4 மற்றும் 5-வது இடங்களைப் பெற்றுள்ளன. ... Read more

]]>Mon, 01 Jun 2026 16:00:17 GMT