News of sivam RSSMon, 29 Jun 2026 14:54:41 GMT கனடாவின் ஒன்டாரியோ மாகாணத்தில் உள்ள ஓவன் சவுண்ட் நகரில், அடுத்தடுத்த இரண்டு இரவுகளில் பல்வேறு குற்றச் செயல்களில் ஈடுபட்டு காவல்துறையினரால் கைது செய்யப்பட்ட நபர் ஒருவர் மீது பல வழக்குகள் பதிவு செய்யப்பட்டுள்ளன.ஞாயிற்றுக்கிழமை அன்று, ஓவன் சவுண்ட் நகரைச் சேர்ந்த குடியிருப்பாளர் ஒருவர் காவல்துறையைத் தொடர்புகொண்டு, போதையிலிருந்த தனது குடும்ப உறுப்பினர் ஒருவர் தங்களது காரைத் திருடிச் சென்றுவிட்டதாகப் புகார் அளித்தார்.புகாரின் பேரில் அந்த நபரையும் காரையும் காவல்துறையினர் நகருக்குள் அடையாளம் கண்டு, நிறுத்த முயன்றனர். ஆனால், அவர் போக்குவரத்து சமிக்ஞைகளை மதிக்காமல், மிக அதிவேகமாக காரைச் செலுத்தி தப்பியோடினார்.அவர் ஓட்டிய வேகம் அவருக்கும் சாலையில் செல்பவர்களுக்கும் ஆபத்தை ஏற்படுத்தும் என்பதால், காவல்துறையினர் அவரை காரில் துரத்துவதைக் கைவிட்டனர். எனினும், அன்றைய தினமே உள்ளூர் மதுபானக் கடை ஒன்றில் அவர் மதுவைத் திருடும் காட்சி கண்காணிப்புக் கேமராவில் பதிவானது. சம்பவ இடத்திற்கு விரைந்த காவல்துறையினர், துரத்திச் சென்று அவரை இறுதியாகக் கைது செய்தனர்.ஞாயிற்றுக்கிழமை கைது செய்யப்பட்டு விடுவிக்கப்பட்ட அந்த நபர், திங்கட்கிழமையன்று மீண்டும் அதே மதுபானக் கடைக்குச் சென்று இரண்டாவது முறையாகத் திருட்டில் ஈடுபட்டுள்ளார்.கடையின் ஊழியர்கள் அளித்த தகவலின் பேரில் உடனடியாக விரைந்த காவல்துறையினர், கடையின் அருகே சில அடி தூரத்தில் வைத்து அவரை மீண்டும் கைது செய்தனர். தற்போது அந்த நபர் மீது குற்றவியல் சட்டத்தின் கீழ் பின்வரும் 9 முக்கிய குற்றச்சாட்டுகள் பதிவு செய்யப்பட்டுள்ளன.வாகனத் திருட்டு, போதையில் வாகனம் ஓட்டுதல், 5,000 டாலருக்கும் குறைவான மதிப்புள்ள பொருட்களைத் திருடுதல், காவல் அதிகாரியைத் தாக்குதல் ஆகிய குற்றச்சாட்டுக்கள் சுமத்தப்பட்டுள்ளன. ... Read more

]]>Mon, 29 Jun 2026 14:54:41 GMTகனடாவின் ஒட்டாவா நகருக்கு தெற்கே உள்ள ஆஸ்கூட் (Osgoode) பகுதியில் ஞாயிற்றுக்கிழமை நேரிட்ட கார் விபத்தில் 8 வயது சிறுமி ஒருவர் உயிரிழந்தார். மேலும் இருவர் காயமடைந்துள்ளனர் என்று ஒட்டாவா காவல்துறையினர் தெரிவித்துள்ளனர்.ஞாயிற்றுக்கிழமை காலை 11:50 மணியளவில் டால்மெனி சாலை மற்றும் நிக்சன் டிரைவ் சந்திப்பில் ஒரு பிக்கப் டிரக் மற்றும் எஸ்யூவி ரக கார் ஆகிய இரண்டும் மோதி விபத்துக்குள்ளானது குறித்து அவசரகால மீட்பு படையினருக்கு தகவல் தெரிவிக்கப்பட்டது.படுகாயமடைந்த ஒரு சிறுமி மிக ஆபத்தான நிலையில் மருத்துவமனைக்கு கொண்டு செல்லப்பட்டதாக ஒட்டாவா துணை மருத்துவப் பணியாளர்கள் தெரிவித்தனர்.மாலையில், எஸ்யூவி காரில் பயணம் செய்த அந்த 8 வயது சிறுமி சிகிச்சை பலனின்றி உயிரிழந்ததாக காவல்துறை உறுதிப்படுத்தியது. மேலும், அதே காரில் இருந்த 40 வயது மதிக்கத்தக்க பெண் ஒருவர் பலத்த காயங்களுடன் மருத்துவமனையில் அனுமதிக்கப்பட்டுள்ளார்.பிக்கப் டிரக்கில் இருந்த மற்றொரு 6 வயது சிறுமி லேசான காயங்களுக்கு உள்ளாகியுள்ளார். ஒட்டாவா மற்றும் லீட்ஸ் & கிரென்வில் பகுதிகளைச் சேர்ந்த அவசரகால மருத்துவக் குழுவினர் சம்பவ இடத்திற்கு விரைந்து வந்து மீட்புப் பணிகளில் ஈடுபட்டனர்.இதே சந்திப்பில் இந்த மாதத்தில் நடக்கும் இரண்டாவது பெரிய விபத்து இதுவாகும். கடந்த ஜூன் 19ம் திகதி, இதே சந்திப்பில் ஒரு செடான் கார் மற்றும் பிக்கப் டிரக் மோதிய விபத்தில் ஒரு சிறுவன் விமானம் மூலம் அவசரமாக மருத்துவமனைக்கு கொண்டு செல்லப்பட்டான், மேலும் மூவர் காயமடைந்தனர்.இந்த விபத்து குறித்து விசாரணை தொடர்ந்து நடைபெற்று வருவதாகவும், விபத்தை நேரில் பார்த்தவர்கள் அல்லது தங்களின் காரில் உள்ள டேஷ்கேம் காட்சிகளை வைத்திருப்பவர்கள் ஒட்டாவா காவல்துறையின் விபத்து புலனாய்வுப் பிரிவை தொடர்பு கொள்ளுமாறும் கேட்டுக்கொள்ளப்பட்டுள்ளனர். ... Read more

]]>Mon, 29 Jun 2026 14:47:27 GMTகனடாவின் பிரிட்டிஷ் கொலம்பியா மாகாணத்தில் திருடர்கள் இருவர் மதுபான விடுதி ஒன்றிலிருந்த ஏடிஎம் ஒன்றைத் தூக்கிச் சென்றார்கள்.நேற்று மதியம் 3.30 மணியளவில் பிரிட்டிஷ் கொலம்பியாவிலுள்ள Kamloops என்னுமிடத்தில் அமைந்துள்ள மதுபான விடுதி ஒன்றிற்குச் சென்ற திருடர்கள் இருவர், அங்கிருந்த ஏடிஎம் இயந்திரத்தை திருட்டு ட்ரக் ஒன்றில் ஏற்றிக்கொண்டு அங்கிருந்து தப்பிச் சென்றுள்ளார்கள். பின்னர் ட்ரக்கும் ஏடிஎம் இயந்திரமும் ஓரிடத்தில் கண்டுபிடிக்கப்பட்டுள்ளன. ஆனால், ஏடிஎம் இயந்திரத்துக்குள் பணம் எதுவும் இல்லை. அதாவது, அதிலிருந்த பணத்துடன் திருடர்கள் தப்பிவிட்டார்கள்.மோப்ப நாய் உதவியுடன் அவர்கள் இருவரையும் பொலிசார் தேடிக் கண்டுபிடிக்க, அவர்கள் இருவரும் தாம்ஸன் நதிக்குள் குதித்துள்ளார்கள்.தீயணைப்பு வீரர்களின் உதவியுடன் பொலிசார் திருடர்களைத் துரத்த, ஒருவர் சிக்க, மற்றவர் எப்படியோ தப்பிவிட்டார். அவரைத் தேடும் பணி தொடரும் நிலையில், அவரைக் குறித்த அடையாளங்களை வெளியிட்டுள்ள பொலிசார் அவரைக் கண்டால் தங்களுக்குத் தகவல் கொடுக்குமாறு பொதுமக்களைக் கேட்டுக்கொண்டுள்ளார்கள். ... Read more

]]>Sat, 27 Jun 2026 14:19:51 GMTவெனிசுலாவில் ஏற்பட்ட சக்திவாய்ந்த நிலநடுக்கத்தைத் தொடர்ந்து, இன்றைய தினம் (27) மீண்டும் ஒரு நிலநடுக்கம் ஏற்பட்டுள்ளதாக சவதேச தகவல்கள் தெரிவிக்கின்றன.ரிக்டர் அளவுகோலில் 4.9 ஆகப் பதிவாகியுள்ள இந்த நிலநடுக்கமும் அந்நாட்டின் வடக்குக் கடற்கரைப் பகுதியை மையமாகக் கொண்டே ஏற்பட்டுள்ளதாகக் குறிப்பிடப்பட்டுள்ளது. அதேவேளை கடந்த புதன்கிழமை வெனிசுலா ரிக்டர் அளவுகோலில் 7.5 ஆகப் பதிவான மிகச் சக்திவாய்ந்த நிலநடுக்கத்திற்கு முகங்கொடுத்திருந்தது.அந்த நிலநடுக்கத்தின் காரணமாக இதுவரையில் 920 மரணங்கள் பதிவாகியுள்ளதாக அந்நாட்டு ஊடகங்கள் வெளிப்படுத்தியுள்ளதுடன், நிலநடுக்க இடிபாடுகளுக்குள் இருந்து மேலும் 243 பேர் மீட்கப்பட்டுள்ளதாகவும் தெரிவிக்கப்பட்டுள்ளது.இந்த நிலநடுக்கங்களினால் 3,360க்கும் மேற்பட்டோர் காயமடைந்துள்ளதாகவும் குறிப்பிடப்பட்டுள்ளது. தலைநகரான கராகஸ் உள்ளிட்ட வடக்குப் பகுதியில் பல கட்டடங்கள் சேதமடைந்துள்ளதுடன், காயமடைந்தவர்கள் தற்காலிக மருத்துவ வசதிகளின் கீழ் சிகிச்சை பெற்று வருவதாக சர்வதேச ஊடக அறிக்கைகள் தெரிவிக்கின்றன.நிலநடுக்கத்தின் பின்னர் மேலும் பலர் காணாமல் போயுள்ளதுடன், அவர்களைத் தேடும் நோக்கில் தற்போது தேடுதல் நடவடிக்கைகளும் முடுக்கிவிடப்பட்டுள்ளன.இதேவேளை, நிலநடுக்க மீட்புப் பணிகள் மற்றும் தேடுதல் நடவடிக்கைகளுக்காகப் பல சர்வதேச மீட்புப் பணியாளர்களும் வெனிசுலாவிற்கு வருகை தந்துள்ளனர்.அத்துடன், முதலாவது நிலநடுக்கத்தைத் தொடர்ந்து 214 அதிர்வுகள் ஏற்பட்டுள்ளதாகவும் குறிப்பிடப்பட்டுள்ளது. இந்த நிலநடுக்கத்தினால் தலைநகருக்கு வடக்கே அமைந்துள்ள 'லா குவைரா' (La Guaira) பகுதியே அதிகளவிலான பாதிப்பை எதிர்கொண்டுள்ளது.மீட்பு பணிகள் தொடர்ந்தும் முன்னெடுக்கப்பட்டு வருவதனால், உயிரிழந்தவர்களின் எண்ணிக்கை மேலும் அதிகரிக்கக்கூடும் என அச்சம் வெளியிடப்பட்டுள்ளது.... Read more

]]>Sat, 27 Jun 2026 14:16:39 GMTகனடாவின் வடமேற்கு பிரதேசங்களில் பரவி வரும் காட்டுத்தீயை கட்டுப்படுத்தும் பணியில் ஈடுபட்டிருந்த சிறிய ரக விமானம் ஒன்று விபத்துக்குள்ளானதில், அதில் பயணித்த மூன்று பேரும் பரிதாபமாக உயிரிழந்தனர்.விபத்துக்குள்ளான விமானம் 'டர்போ கமாண்டர் 690' ரகத்தைச் சேர்ந்ததாகும். இது காட்டுத்தீயை அணைக்கும் பணிகளை வான்வழியாகக் கண்காணித்து, வழிநடத்தும் ஒரு கட்டுப்பாட்டு மையமாக பயன்படுத்தப்பட்டு வந்தது.புதன்கிழமை இரவு, யெல்லோநைஃப் நகரின் மேற்குப் பகுதியில் அமைந்துள்ள ஃபோர்ட் சிம்ப்சன் என்ற இடத்திலிருந்து சுமார் 50 கிலோமீட்டர் தொலைவில் இந்த விபத்து நேரிட்டுள்ளதாக போலீஸார் தெரிவித்துள்ளனர்.விமானம் குறித்த நேரத்தில் வந்து சேராததைத் தொடர்ந்து தேடுதல் வேட்டை நடத்தப்பட்டது. விபத்து நடந்த இடத்தில் உயிர் பிழைத்தவர்கள் யாரும் இல்லை என்றும், உயிரிழந்தவர்களின் உடல்களை மீட்கும் பணியில் போலீஸார் ஈடுபட்டுள்ளதாகவும் தெரிவிக்கப்பட்டுள்ளது.இந்த துயரமான விபத்தால் பாதிக்கப்பட்டுள்ள குடும்பங்களுக்கும், சமூகத்தினருக்கும் எங்களது ஆழ்ந்த இரங்கலைத் தெரிவித்துக் கொள்கிறோம் என கனேடிய பொலிஸார் தெரிவித்துள்ளனர்.இந்த விபத்து குறித்து கனடாவின் போக்குவரத்து பாதுகாப்பு வாரியமும் பிராந்திய மரண பரிசோதனைத் துறையும் இணைந்து தீவிர விசாரணை மேற்கொண்டு வருகின்றன.விபத்துக்குள்ளான விமானத்தை 'பஃபலோ ஏர்வேஸ்' என்ற நிறுவனம் இயக்கி வந்தது. மார்டன் ஹில்ஸ் பகுதியில் பரவி வந்த காட்டுத்தீயை அணைக்கும் பணியில் இந்த விமானம் ஈடுபட்டிருந்தது. செவ்வாய்க்கிழமை இயற்கையான காரணங்களால் உருவான இந்த காட்டுத்தீ, சுமார் ஒரு சதுர கிலோமீட்டர் பரப்பளவிற்கு கட்டுப்பாடின்றி எரிந்து வருவதாக அரசு தரப்பில் தெரிவிக்கப்பட்டுள்ளது. ... Read more

]]>Fri, 26 Jun 2026 13:57:33 GMTவெனிசுலா நிலநடுக்கத்தில் 40 ஆயிரம் பேர் காணாமல் போயுள்ளதாக பகீர் தகவல் வெளியாகியுள்ளது.தென் அமெரிக்க நாடுகளில் ஒன்றான வெனிசுலாவில் வியாழக்கிழமை (25) ஒரு நிமிட இடைவெளியில் 7.2 மற்றும் 7.5 ரிட்டர் அளவிற்கு அடுத்தடுத்து இரண்டு சக்தி வாய்ந்த நிலநடுக்கங்கள் ஏற்பட்டன. 30 முறை தொடர்ந்து அந்த நில அதிர்வு மக்களால் உணரப்பட்டது.100 ஆண்டுகளில் இல்லாத அளவுக்கு மிக ஏற்பட்ட இந்த நிலநடுக்கம் வெனிசுலாவை நிலைகுலைய வைத்துள்ளது. வெனிசுலாவின் தலைநகரான மற்றும் காராகஸ், லா குவைரா அகிய பகுதிகள் கடும் சேதத்தை சந்தித்துள்ளன.அங்குள்ள அடுக்குமாடி குடியிருப்புகள் மற்றும் வணிக வளாக கட்டிடங்கள் சீட்டுக்கட்டு போல சரிந்து கீழே விழுந்தன. அதில் ஏராளமான மக்களும் சிக்கிக் கொண்டனர். காணும் இடமெல்லாம் கான்கிரீட் குவியலாக காணப்படுகிறது. பலரும் வீடு மற்றும் உடைமைகளை இழந்து சாலைகளில் தங்கும் நிலைக்கு தள்ளப்பட்டுள்ளனர். மின்சாரம் மற்றும் மொபைல் சிக்னல் முற்றிலும் துண்டிக்கப்பட்டிருக்கிறது.மீட்பு குழுவினரும், தன்னார்வலர்களும் இடுபாடுகளில் சிக்கியிருப்பவர்களை மீட்கும் பணியில் ஈடுபட்டுள்ளனர். உயிர் பிழைத்தவர்கள் தங்கள் குடும்பத்தினரையும், உறவினர்களையும் கண்ணீர் மல்க தேடும் காட்சிகள் பார்ப்பவர்களை கண் கலங்க வைக்கிறது.இந்த பேரழிவில் இதுவரை 188 பேரின் உடல் மீட்கப்பட்டிருக்கிறதுடன் சுமார் 40 ஆயிரம் பேர் காணாமல் போயிருப்பதாக அறிவிக்கப்பட்டிருக்கிறது.... Read more

]]>Fri, 26 Jun 2026 13:55:39 GMTகனடாவின் எண்ணெய் வளம் மிக்க அல்பர்ட்டா (Alberta) மாகாணம், கனடா கூட்டமைப்பில் இருந்து பிரிந்து அமெரிக்காவின் 51-வது மாநிலமாக மாறுவது குறித்து ஆலோசித்து வருவதாக வெளியாகும் தகவல்கள் பெரும் பரபரப்பை ஏற்படுத்தியுள்ளன.அல்பர்ட்டா மாகாணத்தில் நீண்டகாலமாகவே நிலவி வரும் பொருளாதாரக் குறைகள் மற்றும் கனடா மத்திய அரசுக்கு எதிரான அதிருப்தி ஆகியவை தற்போது உச்சகட்டத்தை எட்டியுள்ளன.முன்னாள் பிரதமர் ஜஸ்டின் ட்ரூடோ மற்றும் தற்போதைய பிரதமர் மார்க் கார்னி தலைமையிலான லிபரல் கட்சியின் கொள்கைகளால் தங்களின் எரிசக்தித் துறை பாதிக்கப்படுவதாக அல்பர்ட்டா மக்கள் கருதுவதே இந்தத் தீவிர பிரிவினைவாதப் போக்குக்கு முக்கியக் காரணமாகப் பார்க்கப்படுகிறது.இந்தச் சூழ்நிலையைப் பயன்படுத்திக் கொண்ட அமெரிக்க அதிபர் டொனால்ட் ட்ரம்ப், அண்மையில் கனடா பொருளாதார மந்தநிலைக்குள் சென்றதைச் சுட்டிக்காட்டி, கனடா அமெரிக்காவின் “51-வது மாநிலமாக” மாற வேண்டும் என்று சமூக வலைத்தளங்களில் பதிவிட்டு அல்பர்ட்டா பிரிவினைவாத நெருப்பில் எண்ணெய்யை ஊற்றினார்.ட்ரம்பின் இந்த கருத்துக்கு கனடாவின் ஒண்டாரியோ பிராந்திய முதல்வர் டக் ஃபோர்டு உள்ளிட்ட தலைவர்கள் கடும் எதிர்ப்பு தெரிவித்துள்ளனர்.“கனடா ஒருபோதும் விற்பனைக்கு அல்ல, அது அமெரிக்காவின் 51-வது மாநிலமாக மாறாது” என்று அவர்கள் திட்டவட்டமாகப் பதிலடி கொடுத்துள்ளனர். இந் நிலையில் , அல்பர்ட்டா மாகாண முதல்வர் டேனியல் ஸ்மித், பிரிவினைவாத அமைப்புகளின் அழுத்தத்தின் காரணமாக வரும் அக்டோபர் 19, 2026 அன்று அல்பர்ட்டாவில் ஒரு முக்கிய வாக்கெடுப்பை நடத்த அதிகாரப்பூர்வமாக அறிவித்துள்ளார்.வாக்கெடுப்பில், அல்பர்ட்டா கனடாவின் ஒரு மாகாணமாகத் தொடர வேண்டுமா அல்லது கனடா அரசியலமைப்பின் கீழ் பிரிந்து செல்வதற்கான சட்டப்பூர்வமான பிணைப்புடைய (Binding) இறுதி வாக்கெடுப்பை நடத்துவதற்கான முதற்கட்ட சட்டக் குழுவை அரசு அமைக்க வேண்டுமா என்ற கேள்வி மக்களிடம் முன்வைக்கப்படவுள்ளது.அமெரிக்காவின் வலதுசாரி ‘மகா’ (MAGA) அரசியல் அலை மற்றும் தீவிர தேசியவாதக் கொள்கைகளின் தாக்கம் இந்த அல்பர்ட்டா பிரிவினைவாத இயக்கத்தின் பின்னணியில் இருப்பதாகப் பாதுகாப்பு ஆய்வாளர்கள் எச்சரிக்கின்றனர்.அமெரிக்க வெளியுறவுத்துறை அதிகாரிகள் சில அல்பர்ட்டா பிரிவினைவாதக் குழுக்களை ரகசியமாகச் சந்தித்துப் பேசியதாகக் கூறப்படும் புகார்களும் கனடாவின் தேசியப் பாதுகா... Read more

]]>Wed, 24 Jun 2026 13:05:37 GMTகட்டுநாயக்க சர்வதேச விமான நிலையத்தின் ஊடாக, சுமார் 35 கோடியே 26 இலட்சத்து 50 ஆயிரம் ரூபாய் மதிப்பிலான 'ஹஷிஷ்' (Hashish) போதைப்பொருள் தொகையை நாட்டுக்குள் கடத்த முயன்ற கனடாவாழ் பல்கலைக்கழக மாணவி ஒருவர், சுங்கப் போதைப்பொருள் கட்டுப்பாட்டுப் பிரிவினரால் (ஜூன் 23) இரவு கைது செய்யப்பட்டுள்ளார்.கைது செய்யப்பட்டவர் கனடாவின் டொரண்டோ பல்கலைக்கழகத்தில் தாதியர் பயிற்சி பெற்றுவரும் 18 வயதுடைய மாணவி ஆவார்.தனது கல்விச் செலவிற்காக 12,500 கனேடிய டொலர்களும், வெளிநாட்டுச் சுற்றுலா ஒன்றும் வழங்கப்படும் என்ற வாக்குறுதியின் பேரில், டொரண்டோ பல்கலைக்கழகத்தின் சாரதி ஒருவரே இந்த போதைப்பொருள் தொகையை அவரிடம் கொடுத்து அனுப்பியுள்ளார்.சந்தேகநபரான மாணவி, கனடாவின் டொரண்டோ நகரிலிருந்து போதைப்பொருளுடன் துபாய் வழியாக, எமிரேட்ஸ் விமான சேவைக்குச் சொந்தமான EK-648 எனும் விமானம் மூலம் கட்டுநாயக்க விமான நிலையத்தை வந்தடைந்துள்ளார்.விமான நிலையத்தில் நடைமுறையில் உள்ள 'மீட் அண்ட் கிரீட்' (Meet and Greet) எனும் விசேட வசதியைப் பயன்படுத்தி, தனது பயணப் பொதிகளை எடுத்துக்கொண்டு, எவ்விதப் பொருட்களையும் பிரகடனப்படுத்தாத 'பச்சை வழி' (Green Channel) ஊடாக வெளியேற முயன்ற போதே மாணவி கைது செய்யப்பட்டார்.மாணவி கொண்டு வந்த இரண்டு பயணப் பொதிகளை சோதனையிட்டதில், 140 பொதிகளாக மறைத்து வைக்கப்பட்டிருந்த 35 கிலோ 265 கிராம் நிறையுடைய 'ஹஷிஷ்' போதைப்பொருள் மீட்கப்பட்டது.இந்த சம்பவம் குறித்து மேலதிக விசாரணைகளை மேற்கொள்வதற்காக, குறித்த மாணவியும் கைப்பற்றப்பட்ட போதைப்பொருள் தொகையும் கட்டுநாயக்க விமான நிலையப் பொலிஸ் போதைப்பொருள் தடுப்புப் பிரிவினரிடம் ஒப்படைக்கப்பட்டுள்ளன.மேலும் சந்தேகநபரையும் போதைப்பொருள் தொகையையும் நீர்கொழும்பு நீதவான் நீதிமன்றத்தில் ஜூன் 24 அன்று முன்னிலைப்படுத்த நடவடிக்கை எடுக்கப்பட்டுள்ளது.... Read more

]]>Wed, 24 Jun 2026 13:03:11 GMTநகராட்சி அரசாங்கங்கள் விரைவாக வீடுகளைக் கட்டுவதை ஊக்குவிக்கும் நோக்கில், அறிமுகப்படுத்தப்பட்ட மூன்றாண்டுகளுக்குள், தங்களின் முதன்மையான வீட்டுவசதி கண்காணிப்பு இணையப் பக்கத்தை (housing tracker) தொடர்ந்து புதுப்பிப்பதா வேண்டாமா என்பது குறித்து ஃபோர்டு (Ford) அரசாங்கம் மௌனம் காத்து வருகிறது.ஆகஸ்ட் 2023 இல், ஒண்டாரியோவில் உள்ள நகரங்கள் மற்றும் பெருநகரங்களில் கட்டப்படும் புதிய வீடுகளின் எண்ணிக்கையிற்கான இலக்குகளை ஃபோர்டு அரசாங்கம் நிர்ணயிக்கத் தொடங்கியது. மேலும், அந்த இலக்குகளை எட்டும் நகராட்சிகளுக்கு கூடுதல் நிதி வழங்கப்படும் என்றும் உறுதியளித்தது."ஒண்டாரியோ முழுவதும் கூடுதலான வீடுகளை விரைவாகக் கட்டுவதற்கான எங்கள் பணியில் நாங்கள் கணிசமான முன்னேற்றத்தை அடைந்துள்ளோம். ஒண்டாரியோ மக்களுக்குத் தேவையான மற்றும் அவர்கள் தகுதியான வீடுகளை உருவாக்குவதற்கு ஒன்றிணைந்து செயல்பட நான் ஆவலுடன் காத்திருக்கிறேன்," என்று அப்போதைய வீட்டுவசதி அமைச்சர் ஸ்டீவ் கிளார்க் (Steve Clark) கூறியிருந்தார்.நகரங்கள் தங்களின் இலக்குகளை அடைவதில் எவ்வாறு செயல்படுகின்றன என்பதைப் பகிர்ந்துகொள்வதற்கும், புதிய வீட்டுவசதிக்கான தங்களின் சொந்த வரையறைகளைச் சேர்ப்பதற்கும் அரசாங்கம் ஒரு ஆன்லைன் கண்காணிப்பு அமைப்பை (online tracker) உருவாக்கியது.அடுத்தடுத்த மாதங்கள் மற்றும் ஆண்டுகளில், 2031-க்குள் 1.5 மில்லியன் புதிய வீடுகளைக் கட்ட வேண்டும் என்ற இலக்கை அடைவதற்காக, முதியோர் பராமரிப்புப் படுக்கைகள், அடித்தளங்கள் (basements), தோட்டத் தொகுப்புகள் (garden suites), மாணவர் விடுதி அறைகள் மற்றும் ஓய்வூதிய இல்லங்கள் ஆகியவற்றை புதிய வீடுகளின் வரையறைக்குள் அரசாங்கம் சேர்த்தது.ஆரம்பத்தில் இந்த கண்காணிப்புப் பக்கம் வழக்கமாகப் புதுப்பிக்கப்பட்டு வந்தது. அத்துடன், தங்கள் இலக்குகளை அடைந்த — அல்லது அதற்கு நெருக்கமாக வந்த — நகரங்களுக்குப் பெரிய அளவிலான காசோலைகளும் நிதிகளும் பரிசாக வழங்கப்பட்டன.ஆனால் காலம் செல்லச் செல்ல, புரோகிராசிவ் கன்சர்வேடிவ் (Progressive Conservatives) கட்சியின் தேர்தல் வாக்குறுதியான 1.5 மில்லியன் புதிய வீடுகள் என்பது கிட்டத்தட்ட சாத்தியமற்ற ஒன்றாக மாறியதால், இந்தக் கண்காணிப்புப் பக்கம் கைவிடப்பட்டதாகத் தெரிகிறது.முன்னதாக குளோபல் நியூஸ் (Global News) பெற்ற உள்நாட்டு ஆவணங்களின்படி, 2024 ஆம் ஆண்டில் கட்டப்பட்ட புதிய வீ... Read more

]]>Mon, 22 Jun 2026 11:57:54 GMTவெறுப்புணர்வால் தூண்டப்பட்ட ஒரு தாக்குதல் சம்பவத்தில், பெண்ணொருவரின் ஹிஜாப் (தலைக்கவசம்) அகற்றப்பட்டதைத் தொடர்ந்து, சம்பந்தப்பட்ட அந்த நபரைத் தேடி வருவதாக ஒட்டாவா காவல்துறை தெரிவித்துள்ளது.சனிக்கிழமை இரவு சுமார் 11 மணியளவில், உட்ரிட்ஜ் கிரசண்ட் (Woodridge Crescent) 100 வது பகுதியில் நடந்த இந்த தாக்குதல் குறித்து காவல்துறைக்குத் தகவல் கிடைத்தது. அதிகாரிகளின் தகவல்களின்படி, அடையாளம் தெரியாத நபர் ஒருவர், எந்தவொரு காரணமும் இன்றி ஒரு பெண்ணை அணுகி, இனவெறி கலந்த அவதூறு வார்த்தைகளைக் கூறியதோடு, "அவரது ஹிஜாபை வலுக்கட்டாயமாக அகற்றி", அவர் மீது ஒரு குடையையும் வீசியுள்ளார்.சந்தேக நபர் சம்பவ இடத்திலிருந்து நடந்து சென்று ஓடித் தப்பியதாகவும், அவர் பாதிக்கப்பட்ட பெண்ணுக்கு முன்பின் தெரியாதவர் என்றும் காவல்துறை தெரிவித்துள்ளது. அவர் இன்னும் தலைமறைவாகவே உள்ளார்.இந்த சம்பவத்தில் அந்தப் பெண் காயமடையவில்லை.மேற்கு குற்றப் புலனாய்வுப் பிரிவும் (West Criminal Investigations Section) வெறுப்புக் குற்றத் தடுப்புப் பிரிவும் (Hate Crime Unit) இணைந்து இந்த விசாரணையை மேற்கொண்டு வருகின்றன. இது குறித்து ஏதேனும் தகவல் தெரிந்தவர்கள் 613-236-1222, எக்ஸ்டென்ஷன் (extension) 7300 என்ற எண்ணில் காவல்துறையைத் தொடர்பு கொண்டு, வழக்கு எண் 26-170255 ஐக் குறிப்பிடுமாறு கேட்டுக் கொள்ளப்படுகிறார்கள்.தகவல்களை ரகசியமாக வழங்க விரும்புவோர் 'க்ரைம் ஸ்டாப்பர்ஸ்' (Crime Stoppers) அமைப்பிடமும் தெரிவிக்கலாம்.... Read more

]]>Mon, 22 Jun 2026 11:49:22 GMT