Support Ads
- · 5 friends
-
I
தமிழ் அமிழ்து
காய்கறிக்கடை ஒன்றில்....
"கிள்ளிப் பார்க்காதீர்..
*கிழங்கை* என்றாள்..!
அப்படியொன்றும்
வயதாகி விடவில்லை..
என் கை இளங்கைதான் என்றேன்..!
அவள் முறைப்புக்கு இடையே..!
என்ன இது
*கொத்து மல்லி* வாசமே
இல்லை என்றேன்...
ம்...!
இது காலை நேரம்
அதனால் பூக்க வில்லை
எனச் சிரித்தாள்..!
ஆனால் அந்தச் சிரிப்பில்
அதிகாலையிலே அழகாய்
*மல்லி* பூத்திருந்தது
சித்தம் சூடேற்றும் அவள்
கண்களைப் பார்த்துக் கொண்டே..
முத்தம் தரும் காய் உண்டோ...
என்றேன்...
என்ன என்ன என்றதட்டினாள்..
முத்துக்கள் ஒளிந்திருக்கும்
*வெண்டைக் காயைச்* சொன்னேன்
என்றேன்...
வெண்டையில்லை
வெட்டும் காயிருக்கிறது
வேண்டுமா என்றாள்..!
ஐயயோ அப்படியென்ன காயென்றேன்
*கத்தரிக்காய்* என்றாள்...!
மழைபொழியும் காயுண்டோ
என்றே மடக்கினேன்..
புரியவில்லை என்றாள்.
*காரம்(கார் அம்) பொழியும் காய்* ... என்றேன்
ஓ
அடையெடுத்த பெயரோடு
அதைத்தடுக்கும்
காயாக வந்துள்ள தென்றாள்..
இப்போது நான் விழித்தேன்..
ஆமாம்
" *குடை " மிளகாய்* என்றாள்..!
இப்படித்தான் போனவாரம்..!
தித்திக்கப் பேசித்
தேன்காய் என்று *தேங்காய்* விற்றாய்..
வீட்டில் சென்று உடைத்துப்
பார்த்தேன்..
ஒரே "வழுக்கை" என்றேன்..
இல்லை இல்லை
*குடுமியோடுதான்* தந்தேன்
பொய்சொல்லாதீர் என்றாள்...
ஆசையொடு ஆயிரங்காய் தின்றாலும்
மூக்கின் கீழ் மீசைவைத்த
காயுண்டே... விலையென்ன..என்றேன்..!
சிறிதுநேர யோசனைக்குப்பின்
சிறு காயப் படுத்தும் சிரிப்போடு
*வெங்காயமா* ..!? விலை நூறு என்றாள்.
விலை கேட்டு
*பெருங்காயப்* பட்டுப்போனேன்..!
உன் உள்ளக்காய் போலும்
உள்ளே ஒளித்துவைக்கும்..
அந்தக் காய் கிடைக்குமோ என்றேன்..
ஏய்...என்னது . என்றாய்..
அட *கள்ளக்காயைக்* கேட்டேனென்றேன்
அதான.. எனச் சிரித்தாய்..!
இனிக்கும் காயேதும்
உண்டா என்றேன்...
*சுண்டைக்காயும்*
*பாகற்காயும்** உள்ளதென்றாய்..!
ஆமாமாம் நீ கையோடு அள்ளித்தந்தால்
இனிக்காமல் என்னசெய்யும் என்றேன்...!
*தக்காளி* என்ன
உன்னைப் போலவே அரைவெட்டாக
இருக்கிறதே.. என்றேன்
கண்கள் சிவக்க அவள்
காளியாவதைக் கவனித்தேன்..
சண்டையை முடித்துக் கொள்வோம்
காயா பழமா என்றேன்...
*பழம்* என்றாய்...!
நான் கொஞ்சம் கொஞ்சமாகக்
கனிந்து கொண்டிருந்தேன்...
--யாரோ
*பாலில் விழுந்த பழமதைப்போல்,*
*தேனிலூறிய தேன்பலா போல்,*
*திகட்டா தீந்தமிழ் சொற்பதிவு
*காயில் ஆரம்பித்து கனியானது
*இனிப்பானது* !
*களிப்பானது* !
*நிறைவானது நெஞ்சம்!*
*வாழ்க தமிழ்!!*
Info
Ads
Featured Posts
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·