-
R
- 4 friends
உவர் நிலங்களாக மாறும் கிராமம்; குடிபெயரும் மக்கள் - அபிவிருத்திகளை முன்னெடுக்குமாறு கிராம மக்கள் வலியுறுத்தல்
கிளிநொச்சி மாவட்டத்தில் அறுபத்தி நான்கு வருடங்களிற்கு மேற்பட்ட பழமையான வரலாற்றைக்கொண்ட வன்னேரிக்குளமும் அதனையண்டிய பகுதிகளும் உவர் ஆக்கிரமிப்புக்குள்ளாகி வருவதால்; மக்கள் குடிபெயரும் கிராமங்களாக மாறி வருகின்றன. எனவும் இவற்றைப்பாதுகாப்பதற்கு நிதிகளை ஒதுக்கி நிலைபேறான அபிவிருத்திகளை முன்னெடுக்குமாறு இக்கிராம மக்கள் வலியுறுத்தியுள்ளனர்.
கிளிநொச்சி மாவட்டத்தின் கரைச்சிப் பிரதேச செயலர் பிரிவின் கீழ் உள்ள 42 கிராம அலுவர் பிரிவுகளில் ஒன்றாகக் காணப்படும் வன்னேரிக்குளத்தின் 495 இற்கு மேற்பட்ட குடும்பங்களைச் சேர்ந்த சுமார் 1700ற்கும் மேற்பட்டோர் தற்போது வாழ்ந்து வருகின்றனர்.
1953ம்அண்டு வன்னேரிக்குளம் குடியேற்றக்கிராமமாக உருவாகுவதற்கு முன்னரே இதனையண்டிய குஞ்சுக்குளம், மன்னியாகுளம், திக்காப்பகம், போன்ற கிராமங்கள் தோற்றம் பெற்றதாக வரலாறுகள் காணப்படுகின்றன.இவ்வாறு பழமைவாய்ந்த கிராமங்களில் வாழ்ந்த மக்கள் விவசாயத்தையும் நன்னீர் மீன்பிடி தோட்டப்பயிர்செய்கை என்பவற்றை மேற்கொண்டு வந்தனர்.
நாட்டில் ஏற்பட்ட போர்ச்சூழல் காரணமாக இக்கிராமங்களை அண்டிய உவர் நீர்த்தடுப்பணைகள் சேதமடைந்ததால் உவர் நீர் உட்புகுந்து வழமான பயிர் செய்கை நிலங்கள் உவர் நிலங்களாக மாறியுள்ளன.இதனால் இங்குள்ள மக்கள் வேறு இடங்களிற்கு குடிபெயர்ந்து சென்றுள்ளனர்.
இக்கிராமங்களில் பருவமழை காலத்தில் மேலதிகமான நீர் முடக்கன் ஆற்றின் ஊடாக மண்டைக்கல்லாற்றில் இணைந்து பூநகரிக்கடலில் கடக்கின்றது வழமை.
ஊவர் நீர்த்தடுப்பணைகள் அழிவடைந்ததால் கடற்பெருக்கு காலங்களில் மண்டைக்கல்லாறு வழியாக வரும் உவர் நீர் முடக்கனாறு மற்றும் இதனையண்டிய விவசாய நிலங்களிலும் பரவி உவர்ப்பரம்பல் காணப்படுகின்றது,
இங்குள்ள 1600 ஏக்கருக்கும் மேற்பட்ட வளமான பயிர் செய்கை நிலங்கள் உவர் நிலங்களாக மாறியுள்ளன.உவர் ஆக்கிரமிப்பால் குஞ்சுக்குளம் கிராமத்தில் இயங்கிய கணேச வித்தியாலயம் என்ற பாடசாலையும் கலைவாணி முன்பள்ளியும் முற்றாக அழிந்து போயுள்ளது.தற்போது ஒரிரு குடும்பங்களே இங்கு வாழ்ந்து வருகின்றன.எனவே வழமான நீண்டவரலாற்றைக்கொண்ட வன்னேரிக்குளத்தையும அதனையண்டிய கிராமங்களையும்; பாதுகாக்கும் வகையில் அதிக நிதிகளை ஒதுக்கி நிலைபேறான அபிவிருத்திகளை மேற்கொள்ளுமாறும் இப்பகுதி மக்கள் கோரிக்கைவிடுத்துள்ளனர்.
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·