- · 5 friends
-
I
ஆட்டத்தை, ஆர்வத்துடன் துவங்குங்கள்
இப்போதெல்லாம் 50 வயதைத் தொட்டவுடன், உடலளவிலும் மனதளவிலும் இனி தன்னால் பெரிதாக ஒன்றும் செய்ய முடியாது என்று பலர் சோர்ந்து போகின்றனர்.
50 வயதிலேயே ரிட்டயர்மென்ட் மனநிலையை அடைந்த பலரை இப்போது பார்க்க முடிகிறது.
50 வயதுக்கு பிறகுதான் ஒரு பலமான / வலுவான மூளைத்திறனோடு நாம் பயணிக்க ஆரம்பிக்கறோம்...!!!
10,000 கி.மீ பக்குவமா வண்டியை ஓட்டுங்க, அதுக்கப்பறம் வண்டி ஸ்மூத்தா இருக்கும் என்பார்கள்..... 50 வயதும் அப்படிதான்..... பல விஷயங்களில் அனுபவப்பட்டு, தெளிந்து, வாழ்க்கையை புரிதலோடு பார்க்கிற பருவம் இந்த இரண்டாவது இன்னிங்ஸ்தான்..!!
50 வயதுக்கு மேல் செய்ய வேண்டிய சில அவசியமான விஷயங்கள்.
1. புதியதை தேடுங்கள்: 50களில் வாழ்க்கையில் செட்டில் ஆய்ட்டோம்னு நெனச்சா, இந்த உந்துசக்தி குறைந்து போகும்..... சோம்பேறித்தனம் வந்து உட்கார்ந்து மொக்கை போடும்...!!!புதிய திரைப்படங்களை பாருங்கள்.
இப்பல்லாம்,...
அந்தக்காலம் மாதிரி இல்லை... என்று மொக்கை போடாதீர்கள்...!!!
எனவே புதிய உந்துசக்தியை உருவாக்க புதிதான ஒன்றைக் கையிலெடுங்கள்...... உங்களை சுறுசுறுப்பாக வைத்துக்கொள்ள தோதாக ஒன்றைச் செய்யுங்கள்.
2. இளைஞர்களோடு பழகுங்கள்:
50 வயதுக்கு மேற்பட்ட ஆட்களோடு உட்கார்ந்து அங்கிள் அசோசியஷனை உருவாக்காதீர்கள்......
உங்களை விட வயதில் குறைவானவர்களோடு பழகுங்கள்..!
உங்களுக்கு 25 வயதில் இருந்த, அவர்களிடம் இருக்கும், அந்த எனர்ஜி உங்களுக்கும் கிடைக்கும்.....
அங்கிள் அசோஷியனில் உட்கார்ந்தால் இன்னும் வயசாகும்..!
3. அழகாக உடை உடுத்துங்கள்: அழகான உடைகளை தேர்வு செய்யுங்கள்..... காமா சோமா என்று ஒரு காம்பினேஷனில் உடை போட்டுக் கொண்டு திரியாதிர்கள்..!
4. அடிக்கடி பயணம் செல்லுங்கள்: உடனே 50+ ஆட்கள் பத்துபேரை கூட்டிக் கொண்டு கோயில் கோயிலாக கிளம்பிவிடாதீர்கள்.. !
இளைஞர்களையும் சேர்த்துக் கொள்ளுங்கள்...!!!
வித்தியாசமான இடங்களுக்கு டூர் செல்லுங்கள் ..!வேறுபட்ட மனிதரோடு உரையாடுங்கள்.....
திசையறியா பயணங்கள் செல்லுங்கள்.....
காடு , மலை , கடல் , நதி என செல்லுங்கள்...!!!
இல்லையென்றால்,
50 வயதில் அங்கிள் ஆன நீங்கள், 60 வயதில் கிழவனாகி விடுவீர்கள்..!!!
5. நிறைய படியுங்கள்: மூளைக்கு தீனிபோட, நிறைய படியுங்கள்..... தேர்வு செய்து படியுங்கள்..!
புதிய நவீன சிந்தனையாளர்களின் புத்தகங்களை வாசியுங்கள்..... அவர்கள் பேச்சைக் கேளுங்கள்.
புத்தகங்களை ஒதுக்காதீர்கள். மனிதர்களுக்கு மதிப்பெண் போட்டுக் கொண்டிருக்காதீர்கள். இதே மாதிரித்தான் என் வாழ்க்கையில் ஏற்கனவே நடந்தது என உங்கள் புராணங்களை கூற ஆரம்பிக்காதீர்கள். காக்கா , பாட்டி, நரி ,வடை என்று கதை கூறினாலும் புதிதாக கேட்பது போல கேளுங்கள்.
80% மற்றவர்களுக்கு பேச, எழுத சந்தர்ப்பம் கொடுங்கள். அறிவுப் பகிர்தல் நடக்கும் இடங்களில் எல்லாம் இருக்கும்படியாக பார்த்துக் கொள்ளுங்கள்..!
மேற்சொன்ன விஷயங்களை செய்தால் 50+ ஆரோக்கியம் பற்றிக் கவலைப்பட வேண்டியதில்லை...!
மூளையும் மனசும் சரியாக இயங்க ஏற்பாடு செய்துவிட்ட பிறகு ஆரோக்கியத்தில் என்ன பிரச்சனை வரப் போகிறது..?
எப்போதுமே முதல் இன்னிங்கசை விட இரண்டாம் இன்னிங்கஸ்தான் வெற்றி தோல்வியை நிர்ணயிப்பதில் பெரும் பங்கு வகிக்கறது...!!! 😇
நீங்கள், 50+ இல் இருந்தால் தாமதிக்காதீர்கள்...!!!
இது உங்கள் ஆட்டம்...!!!
ஆட்டத்தை, ஆர்வத்துடன் துவங்குங்கள்..!!!
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·
- · GomathiSiva
- ·