ஷங்கர் மகளுக்கு போட்டியாக களமிறங்கும் பிரபல இயக்குனரின் மகள்
தமிழ் சினிமாவில் மூன்று தலைமுறை நடிகர்கள் கூட இருந்து வருகிறார்கள். உதாரணமாக மறைந்த நடிகர் முத்துராமன், அவரது மகன் கார்த்திக், கார்த்திக்கின் மகன் கௌதம் கார்த்திக் ஆகியோரை கூறலாம்.
ஆண் வாரிசு நடிகர்கள் மட்டுமல்லாமல் பெண் வாரிசு நடிகைகளும் சமீபகாலமாக தமிழ் சினிமாவில் களம் இறங்கி வருகிறார்கள். தற்போது புதிதாக சினிமாவில் அறிமுகமாக உள்ளவர் தான் சரஸ்வதி மேனன். இவர் வேறு யாருமல்ல பிரபல இயக்குனர் ராஜீவ் மேனனின் மகள்.
பிரபல ஒளிப்பதிவாளராகவும், இயக்குனராகவும் வலம் வந்த ராஜீவ் மேனனின் மகள் சரஸ்வதி தான் தற்போது தமிழ் திரையுலகில் நடிகையாக அறிமுகமாக உள்ளார். ராஜீவ்மேனன் தமிழில் மின்சார கனவு, கண்டுகொண்டேன் கண்டுகொண்டேன், சர்வம் தாளமயம் உள்ளிட்ட சில படங்களை மட்டுமே இயக்கி இருந்தாலும், இந்த படங்கள் அனைத்துமே நல்ல விமர்சனங்களை பெற்றிருந்தது.
தரமணி படம் மூலம் பிரபலமான நாயகன் வசந்த் ரவி ஹீரோவாக நடிக்கும் புதிய படத்தில் தான் இயக்குனர் ராஜீவ் மேனனின் மகள் சரஸ்வதி நடிகையாக நடிக்க ஒப்பந்தமாகி உள்ளார். நடிகை சரஸ்வதி ஏற்கனவே ராஜீவ் மேனன் இயக்கத்தில் வெளியான சர்வம் தாளமயம் படத்தில் ஒரு பாடல் காட்சியில் ஆடியுள்ளார் என்பது குறிப்பிடத்தக்கது.